‘મા’
એક મહાન કવિની
હસ્ત લિખિત દળદાર ડાયરી
વાંચવાનું સદ ભાગ્ય સાંપડ્યું,
આ હા હા હા…કદાચ એમણે
કૉઈ વિષય,કોઈ અનુભૂતિને
કાવ્યમાં ઢાળવાનું,
બાકી નહોતું રાખ્યું…
પાનાં ફેરવતાં ફેરવતાં
એક મૃદુ પાને નજર અટકી,
શીર્ષક હતું ‘મા’
પછી તો પરમ આશ્ચર્ય
ને અટકળો!!!
શીર્ષક નીચેનું પાનું
સાવ ખાલી ખમ્મ…!!!
“શું કવિને ‘મા’માટે
કોઈ કવિતા સ્ફૂરી જ
નહીં હોય…!!!”
“ના દિકરા એવું નથી,
હું જ્યારે જ્યારે મારી
‘મા’વિષે કાવ્ય લખતો
ત્યારે ત્યારે મારાં આંસુંથી
શાહી ભૂંસાઈ જતી…”
