એક ઝલકમાં લીધા હૃદયથી વાંચી રે/ મીરા

પગ ઘુંઘર બાંધ
મીરા નાચી રે

પગ ઘુંઘર બાંધ મીરા નાચી રે
નાચી રે મીરા નાચી રે

પગ ઘુંઘર બાંધ મીરા નાચી રે

મેં તો  મારા જન્માક્ષરમાં
હરિવરજીને એક પલકમાં
એક ઝલકમાં
લીધા  હૃદયથી વાંચી  રે

પગ ઘુંઘર બાંધ મીરા નાચી રે

મારા બારે  બાર ખાનામાં
મોરપીંછ  ને  મંજીરા  છે
મુરલીયાના સપ્ત છિદ્રમાં
મીરા   મીરા   મીરા   છે
રોમ રોમનાં રંગ મહેલમાં
મીરા   કુંવારી   કાચી  રે

પગ ઘુંઘર બાંધ મીરા નાચી રે

મારા    જન્મારા     પુરતો
એક  જ  તુલસી  ક્યારો  રે
પળપળમાં આ પાંદડે પાંદડે
શ્યામ     સદાયે   મારો  છે
જનમ જનમની દાસી  મીરા
રાજી     રાજી   રાજી     રે

પગ ઘુંઘર બાંધ મીરા નાચી રે

મેં તો  મારા જન્માક્ષરમાં
હરિવરજીને એક પલકમાં
એક ઝલકમાં
લીધા  હૃદયથી વાંચી  રે

પગ ઘુંઘર બાંધ મીરા નાચી રે