Daily Archives: ઓગસ્ટ 4, 2010

જાગો , વ્હાલા આતમ ! જાગો !

વહો નવોદિત અંતરનાદો,

પ્રાત થયો ;  મુજ આતમ ! જાગો !

રૈન ગયી , પરભાત પ્રકાશ્યું ,

અવનિ-નભમાં હાસ્ય વિલાસ્યું ,

સુપ્ત પ્રાણ અવ આળસ ત્યાગો ,

જાગો , જાગો , આતમ ! જાગો .

જાગ્યાં તરુવર , પંછી જાગ્યાં ,

જાગી ધરા , અંબરતલ  રાજ્યાં ;

શેં ના જાગે આતમ મારો ?

જાગો , પ્યારા આતમ ! જાગો !

શીત સમીરણ અવ રે વિદારો

લહરલયે મમ અંતર-રાગો ,

વિમલ વહો ઉર જાગૃતિ-સાદો,

એ સુરસાદે આતમ જાગો !

મનમંદિરનાં  બંધ દુવારો ,

અંતરતરના જીર્ણ જુવાળો ,

મુક્ત બની નવપ્રાણ પ્રસારો ;

જાગો , વ્હાલા આતમ ! જાગો !


7 ટિપ્પણીઓ

Filed under Uncategorized