Daily Archives: સપ્ટેમ્બર 7, 2010

સરતી સન્ધ્યાની ઓથે લાલી શેં ઝરે ?

ઝાંખો રે બળે , દીવડો ઝાંખો રે બળે ,

મારી અંતર-દીવડીનો દીવો ઝાંખો રે બળે.

મનની મઢૂલી મારી ઝૂરે રે એકલડી ;

સરતી સન્ધ્યાની ઓથે લાલી શેં ઝરે ?

મારી અંતર-દીવડીનો દીવો …

કૂજતી કાયાના કામણ વિલાવાની વેળ , તો યે

તેજના અંબાર ક્યાંથી ઊમટ્યા ઉરે?

મારી અંતર-દીવડીનો દીવો …

અંતરને આરે ઊની ઝંખના ઝબૂકે જોને ,

ઊણા કો અણસારે હૈયું ઝીણું કૈં ડસે  !

મારી અંતર-દીવડીનો દીવો …

આવો રે આવો , વ્હાલા ! ઉરને  આંગણિયે  રુખે ;

અંતર-ઝરૂખો મારો સૂના રે શ્વસે .

મારી અંતર દીવડીનો દીવો …

3 ટિપ્પણીઓ

Filed under Uncategorized