પ્રભુ ! મારી ઝોળી જુગ-જુગ ખાલી !
મનમંદિરનાં દ્વાર બીડેલાં ,
અંતર તિમિર છવાયાં ઘેરાં ,
કામ-ક્રોધનાં પડળ પુરાણાં ,
શી વિધ નાથ બનું તુજ સંગી ? .. પ્રભુ મારી …
ગહન સ્તરો જડતાનાં વીંધી ,
ઉરના કૂડા ભાવ વિદારી ,
આત્મતેજની નવલખ ધારે
રસજો ઉર મુજ , અંતરયામી ! .. પ્રભુ મારી …
એક ભરોસો તારો , વિભુવર !
તુજ વિણ અન્ય ન આરો, રઘુવર!
તુજ નેહે મુજ દિલ-મન દમકો,
રહું દ્વાર તુજ બની પૂજારી. .. પ્રભુ મારી …
અલખની ધૂને સ્વાંત સજીને
ભેખની કંથા દિલે ધરીને
મનમ્હોર્યા સહુ મોહ ફગાવી
ઊભો ધરી ઝોળી , બહુનામી !
પ્રભુ ! મારી ઝોળી જુગ-જુગ ખાલી .
નીરવ રવે 