…કરુણાને તવ કોમલ કિરણે

મારું અંતર મ્લાન વિદારો , જીવનનિધિ !

તુજ આતમનો ભર્ગ દોહ્યલો

અવનિ -આંગણિયે તરવરતો,

આશ ધરી એકલ અંતરિયે

શોધું તુજ સથવારો … જીવનનિધિ !

તૃપ્ત જીવનના તરલ તરંગે

ચઢી , ચગી , કો સ્વપ્ન-ઝૂલણે

ઝૂમી , થાક્યાં વિગલિત હૈયે

આવ્યો શરણ , ઉગારો … જીવનનિધિ !

જીર્ણ સ્તરો મુજ કૃપણ હાર્દનાં ,

આતમનાં અંધાર કારમાં ,

માયાવી માલિન્ય , દૈન્ય મુજ

મનનાં , નાથ ! નિવારો … જીવનનિધિ !

વિશ્વ સકલની બનું વંદના

વંદી તવ સર્જનની લીલા ,

કરુણાને તવ કોમલ કિરણે

અંતર-મિતિર મિટાવો .. જીવનનિધિ !

મારું અંતર મ્લાન વિદારો , જીવનનિધિ!