નેટલીઝમ: ઝાઝા બાળ રળિયામણા…/ પરેશ વ્યાસ+આજે મારે લખવી કવિતા…

નેટલીઝમ: ઝાઝા બાળ રળિયામણા… 

તું નહિ શકુન્તલા, હું નહિ દુષ્યન્ત

તું નહિ કામિની, હું નહિ કંથ

સાધારણ નારી-નર, આપણે નહિ અનંત

રોજી ને રોટીના ચક્કરમાં, જીવનનો અન્ત

(જીવ્યા વિના)

મરણ પછી આપણે એકાંતમાં

સેક્સ વિશે વિચારશું. 

– દેવીપ્રસાદ વર્મા (અનુ. સુરેશ દલાલ)

સેક્સ સાથે જન્મને સીધો સંબંધ છે. અને ભારતમાં જન્મદર ઘટતો જાય છે. પચાસ વર્ષ પહેલાં હજારે એકતાલીસનો હતો. 

આજે ઘટીને એકવીસ છે. પણ ડેન્માર્કની હાલત વધારે ખરાબ છે. હજારે માંડ દસ બાળકો જન્મે એ સરકાર માટે ચિંતાનો વિષય

છે. ક્રીડાંગણોમાં કિલ્લોલ કરાનારા કોઇ નથી. એકાકી વૃદ્ધોનાં સહારા કોઇ નથી. પગલીનાં પાડનાર દે ને રન્નાદે… ડેન્માર્કની 

સરકાર પાસે એનો ઇલાજ નથી…. કરવું શું? થોમસ કૂકની સહયોગી ટ્રાવેલ કંપની સ્પાઇસ રસ્તો દેખાડે છે: ‘ડૂ ઇટ ફોર ડેન્માર્ક’. 

હમણાં એની જાહેરાત યુ-ટ્યુબ પર ધૂમ મચાવે છે. દેશ માટે સેક્સ કરો. દેશને માટે કરી ફીટો. લો બોલો ! ડેન્માર્કમાં કુલ 

ગર્ભાધાનનાં 10% ગર્ભાધાન સહેલગાહ દરમ્યાન થાય છે. રજાઓનો રંગીન માહોલ ઉદ્દીપક છે જેમાં સેક્સ સંબંધો 46 % 

વધી જાય છે. બાળકો પેદા કરવાની શક્યતા વધી જાય છે. જાહેરાત કહે છે આ એમ્મા નામની છોકરીને મળો. એ ડેન્માર્કમાં જ 

જન્મી, ઊછરી પણ એનું સર્જન ત્યારે થયું’તું જ્યારે ત્રીસ વર્ષ પહેલાં એનાં માબાપ પેરિસ ફરવા ગયા હતા. 

હોટલનાં બંધ કમરામાં એનાં જીવમાં પહેલી વાર જીવ રેડાયો હતો. હવે ડેન્માર્કનાં યુગલોને ટ્રાવેલ કંપની પ્રલોભન આપે છે કે 

હોલીડે પેકેજ દરમ્યાન ગર્ભ રહી જાય તો તેવા બાળકોનાં બાળોતિયાં સહિત અનેક બેબી પ્રોડક્ટ્સ ત્રણ વર્ષ સુધી અમે 

આપીશું. એટલું જ નહીં પણ તે પછી એક વધારે ચાઇલ્ડ ફ્રેન્ડલી હોલીડે તદ્દન મફત. ટ્રાવેલ એજન્સી સ્ત્રીઓને કહે છે કે 

માસિક ચક્રનું ધ્યાન રાખો જેથી ખબર પડે કે કયો દિવસ ગર્ભાધાન માટે સાનુકૂળ છે. માનસિક તાણને ત્યજો. યોગાભ્યાસ કરો. 

ગુરુત્વાકર્ષણનો લાભ લ્યો. સંભોગ બાદ અર્ધો કલાક ચત્તા સૂઇ રહો. અને પુરુષોને સલાહ આપે છે કે ટાઇટ પેંટ ન પહેરે, 

એનાથી વીર્યમાં શુક્રાણું ઘટી શકે છે. ફરવા જાઓ ત્યારે માત્ર જોવા લાયક સ્થળો જોવામાં સમય બરબાદ કરશો નહીં. આખરે 

દેશભક્તિ પણ તો કોઇ ચીજ છે !

out-of-frame-pic

બાળકોનાં જન્મને ઉત્તેજન આપવાનાં અર્થમાં અંગ્રેજી શબ્દ છે નેટલીઝમ અથવા પ્રો-નેટલીઝમ(Pro-Natalism). જન્મને ઉત્તેજન ન દેવાની વાતને એન્ટી-નેટલીઝમ કહે છે.

મૂળ શબ્દ છે નેટલ. લેટિન શબ્દ નેટસ એટલે જન્મ.

નેટાલીઝ એટલે જન્મ સાથે સંકળાયેલું. સગર્ભા માતાની સંભાળને પ્રિ-નેટલ એટલે જન્મ પહેલાંની સારસંભાળ કહે છે. નવજાત શિશુની સારવારને નિઓ-નેટલ કહે છે. ક્રિસમસનો તહેવાર ઇસા મસીહનાં જન્મદિને મનાવાય છે એટલે એને નાતાલ કહે છે.

 ઇ. સ. 1497માં ભારતની શોધ કરવા નીકળેલો વાસ્કો ડી-ગામા પહેલાં દ. આફ્રિકાનાં પૂર્વ કાંઠે પહોંચ્યો ત્યારે ક્રિસમસનાં તહેવારનું  ટાણું હતુ. એટલે એણે એ પ્રાંતનું નામ આપ્યું નાતાલ.

 

નેટલીઝમ એટલે જનસંખ્યા વધારવાની નીતિ અથવા વલણને પ્રોત્સાહન આપવું કે ટેકો આપવો. બીજા

દેશમાંથી આયાત કરીને જનસંખ્યા વધારવાની વાત અહીં નથી. મૂળ નિવાસી નાગરિકોને બાળકો પેદા 

કરવા પ્રેરણા દેવાની વાત અહીં છે. જે નેટલીઝમમાં માને છે એ દેશ, ધર્મ કે સમુદાય બાળકોની પેદાશને 

પોંખે છે. કુંટુંબ નિયોજન શી બલા છે? દરેક વર્ષે કેલેન્ડર છાપી નાંખો. એ જી મારા વ્હાલા આવ્યાની 

વધામણી હો જી. સરકાર ઝોળીપોળી કરે, ઝભલું લઇ દિયે, પૈસા પણ આપે, ચાલુ પગારે રજા અને 

ટેક્સમાં ય વળતર. કારણ કેટલાક દેશોમાં નવજાત શિશુ એ સરકારની જવાબદારી છે. કેટલાંક કિસ્સામાં 

તો સંતતિ નિયમન અને ગર્ભપાત પર પ્રતિબંધ છે. આપને યાદ હશે કે એકાદ વર્ષ પહેલા કેથોલીક 

ધર્મ રૂઢિચુસ્ત આયર્લેન્ડમાં ભારતીય સગર્ભા સ્ત્રી સવિતા મૃત્યુ પામી. કારણ સવિતાની વિનંતી 

છતાં ડોક્ટરે ગર્ભપાત કરવાની ના પાડી દીધી હતી. ગર્ભપાત કરાવ્યો હોત તો સવિતા બચી જાત. 

આયર્લેન્ડમાં પ્રો-નેટલ કાયદો છે. 

ઇસ્લામ, યહુદી તેમજ ખ્રિસ્તી ધર્મનાં કેટલાક ફિરકા સંતાનોત્પતિને ઉત્તેજન આપે છે. અમેરિકાનાં આધુનિક 

જીવનની સુખસુવિધાથી દૂર રહેતા સાદુ સરળ જીવન જીવતા અમિશ લોકોની વસ્તી દર વર્ષે 3.6% વધે છે. કુંટુંબ દીઠ સરેરાશ 

સાત બાળકો છે. મનુસ્મૃતિ કહે છે કે બાળક પેદા કરવા એ ભગવાનનાં સર્જન સમી સમાંતર પ્રક્રિયા છે. જો કે હિંદુ ધર્મમાં 

બ્રહ્મચર્યનું મહત્વ પણ ઓછું નથી. કેટલાક દેશ પ્રો-નેટલ પોલિસી ધરાવે છે. ફ્રાંસ, સ્વિડનમાં નવજાત શિશુનાં માબાપને 

દસથી સોળ મહિનાની પેઇડ રજા મળે છે. ખાનગી નોકરીમાં પણ; જેનો ખર્ચ સરકાર અને ખાનગી પેઢી સંયુક્ત રીતે ભોગવે છે.

ઇરાન-ઇરાક યુદ્ધમાં ઘણાં દેશવાસીઓ માર્યા ગયા પછી ઇરાન સરકાર બાળકો પેદા કરવા લોકોને ખુલ્લેઆમ ઇજન આપે છે. 

જાપાન, સિંગાપોર, તાઇવાન જેવા દેશોમાં પણ વસ્તી ઘટી રહી છે ત્યારે સરકાર મૂળ નિવાસીઓને મોટું કુંટુંબ રાખવા અનુદાન 

આપે છે. ચીન એન્ટી-નેટલ છે. ત્યાં વન ચાઇલ્ડ ફેમિલી-નો કાયદો છે. ભારતમાં જન્મદર ઘટ્યો છે તો પણ વસ્તી વિસ્ફોટ છે. 

અહીં બાળકોની સંખ્યા પર કોઇ પ્રતિબંધ નથી. ભારતમાં અનેક ધર્મ, અનેક જાતિ છે. દરેક અન્યનાં મુકાબલે પોતપોતાનાં લોકોની 

ઘટતી વસ્તી પ્રત્યે ખાનગીમાં ચિંતિત છે. લોકશાહી એટલે એક વ્યક્તિ-એક વોટ. આજે હિંદુ, મુસ્લિમ, શીખ, ઇસાઇ સૌ કોઇ 

પોતાનાં ધર્મનાં ઉમેદવારને મત આપે છે. બ્રાહ્મણ, ક્ષત્રિય, વણિક,પાટીદાર, આદિવાસી, દલિત કે ઓબીસી, સૌ પોતપોતાની 

જ્ઞાતિનાં ઉમેદવારને મત આપે છે. રાજકીય પાર્ટી પણ તો બહુધા બહુમતી મતદારોનાં ધર્મ કે જ્ઞાતિ આધારે ટિકિટ આપે છે. 

લોકશાહીમાં જેની બહુમતી એની સત્તા. કાંઇ કરવાની જરૂર નથી. બસ મંડી પડો. બાળકો પેદા કરો. સત્તા હાથવેંત છે. 

 1964માં ઇરવિંગ વોલેસે ‘ધ મેન’ નવલકથા લખી હતી. વાર્તાનો પ્લોટ એવો છે કે અમેરિકામાં વાઇસ 

પ્રેસિડન્ટની જગ્યા ખાલી છે. દરમ્યાન જર્મની ગયેલા પ્રેસિડન્ટ અને સ્પીકર એક્સિડન્ટમાં મૃત્યુ 

પામે છે. પ્રો-ટર્મ સ્પીકર તરીકે એક અશ્વેત વ્યક્તિ હોય છે. બંધારણની જોગવાઇ અનુસાર એને 

પ્રેસિડન્ટ બનાવવો પડે છે. આજથી પચાસ વર્ષ પહેલાં કોઇ અશ્વેત વ્યક્તિ ક્યારે પણ ચૂંટણી 

લડીને અમેરિકાનો પ્રેસિડન્ટ બની શકે એવી કલ્પના જ મહાન સર્જક ઇરવિંગ વોલેસનાં દિમાગમાં 

આવી નહોતી. નવલકથાનાં અંતમાં નાયક પોતે બ્લેક હોવાનાં કારણે અનેક મુશ્કેલી છતાં સારી એવી 

લોકચાહના મેળવે છે પણ અંતે નવી ટર્મની ચૂંટણીમાં ઉમેદવારી કરતો નથી કારણ કે એ બ્લેક છે. આજે 

પચાસ વર્ષ બાદ અમેરિકામાં અશ્વેત ઓબામા પ્રેસિડન્ટ તરીકે બીજી વાર સત્તા સંભાળી રહ્યા 

છે. અમેરિકી-આફ્રો અશ્વેત મતદારો પૈકી 94% અને એશિયન મૂળનાં મતદારો પૈકી 74% મતદારોએ 

ઓબામાને મત આપ્યા હતા. હવે કોઇ ભારતીય મૂળની વ્યક્તિ અમેરિકાની પ્રેસિડન્ટ બને તો નવાઇ 

નથી. માટે હે ભારતવાસીઓ પોત પોતાનાં ધર્મ,સંપ્રદાય, જ્ઞાતિ, જાતિનાં ઉત્થાન માટે બાળકો પેદા 

કરો. નેટલીઝમની જય હો ! (અરે ભાઇ, પૃથ્વી પર પડનારા બોજનો તો કોઇ વિચાર કરો !) 

શબદ આરતી:

અમેરિકન લોકોની વધતી વિવિધતાનાં કારણે જૂથબંધીનો ભય આટલો આ પહેલાં ક્યારેય નહોતો. આપણે આ પહેલાં

ભલે હતા પણ હવે આપણે માત્ર ક્રિશ્ચિયન દેશ નથી; આપણે યહુદી દેશ, મુસ્લિમ દેશ, બૌદ્ધ દેશ, હિંદુ દેશ અને 

નાસ્તિકવાદીઓનો દેશ પણ છીએ. 

– અમેરિકન પ્રેસિડન્ટ ઓબામા (2006)

આજે મારે લખવી કવિતા

                (મંદાક્રાન્તા)

આજે મારે લખવી કવિતાકોઈ શબ્દો સુઝેના,

કાવ્યો માટે વિષય  મળવો  હોય એમા જરૂરી,

                 (સ્રગ્ધરા)   

વાણી વિલાસનો આ સમયવિષયની આજ કોને પડી છે?

આજે  લોકો  કવિતાવિષય વગરભાષા રચાવી લખે છે.

             (ભુજંગી

વિચારો વહે આજ મારા છંદોમા

લખું આજ સારી કવિતા પદોમા.

         (લલિત)

સમજસે નહીં આ પેઢી બાપડી!

અરર  કેટલું  સ્તર નીચે ગયું?

વગર  છંદની  લોક   વાંચસે,

અગર ના ગમે, Delete દાબસે.

ફિકર કાં કરેના લોક વાંચસે,

તરત એ  પછી Critic માપસે,

હરદિને  નવા  અરથ કાઢસે,

હરદિને  નવા બ્લોગ છાપસે!

Courtesy     –પીકેદાવડા

450

6 Comments

Filed under કવિતા, કાવ્ય, ઘટના, પરેશ વ્યાસ, પ્રકીર્ણ

6 responses to “નેટલીઝમ: ઝાઝા બાળ રળિયામણા…/ પરેશ વ્યાસ+આજે મારે લખવી કવિતા…

  1. Ramesh Patel

    દરેક વસ્તુ સપ્રમાણ હોય તો સુખકારી. જન્મદર વધે ને ભાગે ના આવે, તો કોઈ વાપરનાર જ ન હોય, ભૂતિયા મહેલ રહે…સમય સમયે ચેતી ચાલો..નહીં તો..ડેન્માર્ક.સરસ રસપ્રદ લેખ.

    રમેશ પટેલ(આકાશદીપ)

  2. ભારતમાં તો ઝાઝાં બાળ અળખામણાં !!!

    ટાગોર જેવી અનેક હસ્તીઓ કુટુંબનીયોજનમાં શક્ય નથી હોતી તે પણ સાચું જ ને ?!

  3. ભારત ચીનમાં વધતી જતી વસ્તીનો પ્રશ્ન જ્યારે ડેન્માર્કમાં અને બીજા યુરોપના દેશોમાં
    વસ્તી વધારવા સરકાર ઘણી બધી સવલતો આપવી પડે એ કેવું !
    આપણે ત્યાં સ્ત્રીભ્રુણ હત્યાથી છોકરીઓની સંખ્યા ઘટી ગઈ છે ..
    સરસ નવી માહિતી પૂર્ણ લેખ .

  4. Netliszam navo shabd e rasprad vishay sathe Denmarkni anokhi prathay rasprad. Aaje be balkone khavdavavanu ane bhanavavanu agharu chhe to Zazabal raliyamana kevi rite koi kahi shakashe. Denmark jeva deshmay tran varsh pachhito matapitanej sangharsh karvano rahene?

  5. મઝાનો લેખ.

  6. ઘણું બધું જાણવાનું મળ્યું.અાભાર

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s