Happy Ganesh Chaturthi/ તો યે ઘણું !!અજ્ઞાત

000000

ગૌરી તણા તનય હે ! વર ઇષ્ટ દાતા,
        હે નાથ, આપ જગપાલક છો વિધાતા;
વિઘ્નો બધા દૂર કરી નિજ અંક થાપો,
        પ્રીતે ગજાનન નમું ભવબંધ કાપો …(૧)
આવ્યો અહિં શરણમાં ચરણે તમારા,
        લાવ્યો ન ભેટ ધરવા ફળ, ફૂલમાળા;
કીધા નથી મન કરી તવ નામ જાપો,
        પ્રીતે ગજાનન નમું ભવબંધ કાપો …(૨)
સવારી કરી મુશકની ઉપરે, ફરતા,
        ભક્તો તણાં સહુય સંકટને હરતા;
બાળો ભયંકર બધાં શત જન્મ પાપો,
        પ્રીતે ગજાનન નમું ભવબંધ કાપો …(૩)
લંબોદરા, ગણપતિ, ગજકર્ણ દાદા !
        સો કોટિ ભાસ્કર સમા સુર વંધ દાતા;
મેલા મનોરથ બધા મમ સદા કાપો,
        પ્રીતે ગજાનન નમું ભવબંધ કાપો …(૪)
હે નાથ ! નિર્મલ કરો મમ ચિત્ત બુદ્ધિ;
        શ્રીપાદ વલ્લભ, ભજું તમને સ-શુદ્ધિ;
સંતપ્ત છું, તન અને મન કષ્ટ કાપો;
        પ્રીતે ગજાનન નમું ભવબંધ કાપો …(૫)
હું ‘ભૂ’ પરે ભટકતું છું અલ્પ પ્રાણી,
        કેડી મને ન મળતી દિશ કો જવાની;
હે નાથ ! હાથ મુજને ઝટ આપ આપો,
        પ્રીતે ગજાનન નમું ભવબંધ કાપો …(૬)
દૂર્વા ન અર્પણ કરી, શિર મેં તમારા,
        ગંધાક્ષતે નવ કરી, કદી દુગ્ધ ધારા;
દોષો થતાં મધુ થકી સહુની ક્ષમા દો,
        પ્રીતે ગજાનન નમું ભવબંધ કાપો …(૭)
વેગે સહાય કરવા, નિજ ભક્ત કેરી,
        નિત્યે જ તત્પર રહો, કરુણા ઘણેરી;
હે તાત ! આ જગતમાં સુખશાંતિ સ્થાપો,
        પ્રીતે ગજાનન નમું ભવબંધ કાપો …(૮)

પ્રભો !

જો લઈ જવું તારે કદા બસ વામણા આ ભર્ગને ,

તો ઓરતા ઝાઝા મને ના :

કાલ કરતાં આજ, ને વળી આજ કરતાં કાલ હું

વાધી રહું , તુજ હાર્દની કૂણાશની સુરખી લઈ .

હે ગૂઢા ઉરબીન બજવૈયા !

રેલજે અણમોલ કો નવનાદ , કે સંગીત ઘેલું –

છો સુરીલું કે બસૂરું – રિક્ત દિલનું ,

નિરંતર ઝંકૃત રહે તારા જ કો મધુ-તાલથી .

વાધી રહું , વ્હાલા વિભો !

કો દીર્ઘ રાત્રિના નિબિડ અંધારને હું ચૂમતો ,

અતૃપ્ત ને અણપ્રીછ કો ઘેલી તૃષાની આશ લઈ

અનભિગ્ન ને એકલ અનિર્લય સોણલે

એવું લહી : કે કૂડલી આ ઉરગૂહાને અંબરે

ઊગશે તવ તેજરશ્મિદીપ્તિથી ઊગતી કો કાલનું

નવલું , સલૂણું સુપ્રભાત .

જોજે જરી તુજ દીપ્તિની કો કોમળી જ્યોતિ પ્રસારી ,

કે રહે વંચિત નહિ  મુજ ઉરની ઊની અટારી

ગૂંથતી જે સ્વપ્નમાળા માર્દવી તુજ ઝાંયની ઝાંખી તણી .

તુજ માધુરીથી સિક્ત ઊણા ભર્ગનું

સૂરસાજ કૈં બેતાલ ને બસૂરું જરી ;

કિન્તુ , કરુણાધીશ હે !

અર્પજે એકલ , નજીવી , નિર્મળી લયથાપ

તારી સૂરભૂખી બાંસુરીને , ને લહેજે તું –

બસૂરું તો ય એ સંગીત ઊણા ઉરનું ;

નિ:સૂર , નિર્લય , કે ભલે બેતાલ ,

તો યે માર્દવી સૂરની સૂની ઘેલી સજાવ ટ; –

ચાહની અંતર તણી તુજ ત્યાં વસી .

છોને મળે ના ન્યાય એને કોઈ એ –

ના ન્યાયની એને લગીરે ખેવના –

ન્હોતી કદી એ નિષ્કલંકિત , કે કદી ન્હોતી

વિહોણી નાનકી કો એબથી !

કિન્તુ રખે વિસરાય કે , ઉરનાથ મુજ !

છોને કલંકિત એબથી કો વામણી ,

તો યે ન કો દિ’ એ અજીઠી . એ રહી

અંતે ય તો તારી છવિ  !

સંગીત એણે જે ગૂંથ્યું , ઘેલું ભલે હો ;

કિન્તુ એ છે આખરે , વ્હાલા વિભો !

તારા જ મોંઘાં બીનની આછી અજીઠી ઝંકૃતિ .

ચાહના બસ એક સ્નેહલ ઝંકૃતિલયની ઉરે એ :

જો કદા થાશે વિલય એ લાડલી લય-લહરીનો

તારાં બિડ્યાં ઉરદ્વારને એ ઉંબરે

તો યે ઘણું ! !૧૧૧

4 ટિપ્પણીઓ

Filed under અધ્યાત્મ, કાવ્ય, પ્રકીર્ણ

4 responses to “Happy Ganesh Chaturthi/ તો યે ઘણું !!અજ્ઞાત

  1. એક ઉંચો આશાવાદઃ- સંગીત સૂરમયી હોય કે, સૂરબધ્ધ પણ

    ‘‘ ચાહના બસ એક સ્નેહલ ઝંકૃતિલયની ઉરે એ :
    જો કદા થાશે વિલય એ લાડલી લય-લહરીનો
    તારાં બિડ્યાં ઉરદ્વારને એ ઉંબરે
    તો યે ઘણું ! !’’

    આશાવાદની અદભૂત રચના Optimistically વહે છે.

    ઉરના ઉંડાણમાં જઇને આવા સ્વપ્નો જોનારને..અભિનંદન.

    રચના સમજવાનો પ્રયત્ન કરૂ છુ…..

    ‘‘ હે ગૂઢા ઉરબીન બજવૈયા !
    રેલજે અણમોલ કો નવનાદ , કે સંગીત ઘેલું –
    છો સુરીલું કે બસૂરું – રિક્ત દિલનું ,
    નિરંતર ઝંકૃત રહે તારા જ કો મધુ-તાલથી ’’ .

    ઉરબીન વાંજિત્ર ઢોલની જેમ સંગીતમાં તાલ આપવામાં ઉપયોગમાં લેવાય તો, ‘‘નિરંતર ઝંકૃત રહે તારા જ કો મધુ-તાલથી .’’ કહેવૃં યોગ્ય થાય. અન્યથા ‘‘મધુ-તાલથી’’ ના બદલે ‘‘મધુ-લયથી’’ હોઇ શકે કે કેમ?-એક નમ્ર અભિપ્રાય.

    કેટલાક શબ્દો તો બહુ અઘરા છે.. તેના અર્થ ક્યાંય મળ્યા પણ નહીં ..
    ભર્ગ
    અનભિગ્ન
    અનિર્લય
    સિક્ત
    ભર્ગનું

  2. સંગીત, ભજન, સંકિર્તન, જાપ, ધૂન આ બધા સત્સંગના પ્રકાર છે. જેમના અંતરમાં ભક્તિરસ પ્રધાન પણે હોય – તેમને એ જરૂર અંતરના ઊંડાણમાં લઈ જઈ શકે – જેમ ધ્યાન, વિપશ્યના, સુદર્શન ક્રિયા, પ્રેક્ષાધ્યાન, સામાયિક ક્રિયા વિ. લઈ જઈ શકે તેમ.
    પણ…
    જો આમાંની કોઈ પણ ચીજ યાંત્રિક રીતે જે દેખાદેખીથી કરવામાં આવે તો તે અર્થહીન પ્રવૃત્તિ બની રહે. જાગૃતિ એ પહેલું પગલું છે. બાકી અનેક રસ્તા છે; અને બધા બરાબર જ છે.
    કોઈ પણ ધાર્મિક આસ્થા માટે આ સાચું છે.
    ———
    શબ્દાર્થ – તમે લેક્સિકોનનો સહારો લો તો?
    ભર્ગ – સત્ય
    અનભિગ્ન – ?
    અનિર્લય -?
    સિક્ત – સીંચાયેલું

    પ્રવીણ ભાઈને અહીં મળવાનું થયું હોય – તેવો ઉમળકો થયો. મીનાબેનને પ્રણામ.

  3. ॐ गं गणपतये
    ॐ गं गणपतये नमः
    श्री सिद्धिविनायक नमो नमः
    अष्टविनायक नमो नमः

    गणपति बाप्पा मोरया
    मंगलमूर्ति मोरया …
    वक्रतुण्ड महाकाय
    वक्रतुण्ड महाकाय कोटिसूर्य समप्रभ
    निर्विघ्नं कुरु मे देव सर्वकार्येषु सर्वदा

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s