શ્રી કૃષ્ણ લીલા રહસ્ય_+ ઊણાં હૈયાનું ઝૂલણું /અજ્ઞાત

 શ્રી કૃષ્ણ લીલા રહસ્ય  HAPPY JANMAASHTAMI – SAT – SEPT. 5, 2015
 
1 – સ્વામીજી એમના પ્રવચનો દરમ્યાન ” શ્રી કૃષ્ણ લીલા” વિષે કહે છે કે, હું આ મારા ઘરની વાત નથી કરતો પણ શ્રી કૃષ્ણ લીલાનું જે કંઈ અર્થઘટન થયું છે, તે “कृश्णो उपनिषद” ના આધારે છે.
2 – શ્રીમદ ભાગવતની અંદર આવેલી ભગવાન કૃષ્ણની લીલાઓ, કોઈ વ્યહવારિક ઘટનાઓ  નથી, કોઈ ઐતિહાસિક તથ્ય નથી પરંતુ એ લીલાઓ પરમહંસો, અવધુતો માટે યોગભાષામાં લખાયેલા રૂપકો છે. ભગવાન કૃષ્ણનું આધ્યાત્મિક સ્વરૂપ સમજવામાં આવે તો તમારું પોતાનું એક સમાધાન થાય અને એ સમાધાનમાં તમને એમ લાગે કે મારા શાસ્ત્રો, મારો ધર્મ, મારી પરંપરા, દુનિયાની અંદર કોઈ પરંપરાથી ઊતરતી નથી, પણ કદાચ વધારે ભવ્ય અને શ્રેષ્ઠ છે.
 
3- શ્રી અરવિંદે એક પુસ્તક લખ્યું છે “LOVE OF GOPIS” અને બતાવ્યું છે કે આ કોઈ ઈતિહાસ નથી, આ કોઈ ઘટના નથી, આ દૈવી પ્રેમ છે.
 
Side 1A – SHREE KRISHNA LEELAA RAHASYA – AMARILLO – TEXAS – USA – શ્રી કૃષ્ણ લીલા રહસ્ય – એમરીલો – ટેક્ષાસ – ભગવાન શ્રી કૃષ્ણના ચરિત્ર-લીલાને સમજવાનો પ્રયત્ન ચાલી રહ્યો છે. શ્રી મદ ભાગવતની અંદર આવેલી લીલાઓમાં કોઈ વ્યહવારિક ઘટનાઓ નથી કે ઐતિહાસિક તથ્યો નથી પણ રૂપક છે તે યોગ ભાષામાં લખાયેલા પરમહંસો – અવધૂતો માટે જેની પરાકાષ્ટા સુધી ભૂમિકા પહોંચી હોય એવા લોકો માટે છે અને એટલે એના અધ્યાત્મિક અર્થને સમજવાનો પ્રયત્ન ચાલી રહ્યો છે. શાસ્ત્રમાં પરમેશ્વરને જે સગુણ સ્વરૂપ આપ્યું છે એ માનવોચિત ઉદાત ગુણોના કારણે છે. જો તમે દયા કરી શકતા હોવ તો પેલો તો દયાનો ભંડાર છે. જો તમે સત્ય ઉપર ચાલતા હોવ, તો એ તો સત્યરૂપ છે. જો તમારામાં શૌર્ય હોય તો એ પરમ શૌર્યરૂપ છે. એટલેકે એકેએક ગુણ એનામાં છે એટલેકે એ નિર્ગુણ પણ છે અને સગુણ પણ છે. નિર્ગુણ એટલા માટે કે એનામાં પ્રકૃતિના ગુણો, સત્ય, રજસ, તમ વિગેરે નથી પણ એનામાં ઘણા ગુણો દયા, કરુણા, ઉદારતા વિગેરે છે એટલે એ સગુણ પણ છે. ત્યારે ભાગવતકારે કૃષ્ણનું જે રૂપ બનાવ્યું છે, એ શું રૂપ છે? કૃષ્ણ એ પ્રેમ છે. પ્રેમથી કોઈ મોટો ગુણ નથી. પ્રેમ આવ્યા પછી કોઈ અપૂર્ણતા રહેતી નથી એટલે પ્રેમ એજ પરમેશ્વર છે. હવે અહીં પ્રેમ એ કૃષ્ણ છે અને કામ એ કંસ છે એટલે એ બેને સાથે ન બની શકે. પ્રેમનો સૌથી મોટામાં મોટો દુશ્મન યોગ છે. પ્રેમ જ્યારે યોગમાં આવે છે ત્યારે એ એને વિષમાં ધકેલે છે. પ્રેમનું સૌથી મોટામાં મોટું તત્વ વિયોગ છે. ઉદાહરણ સ્વરૂપે વિયોગમાં પરાકાષ્ટાએ પહોંચેલી એવી ગોપીઓની તથા સીતાજીની વાત સાંભળો. પ્રેમની ખાસિયત છે કે જ્યાં સુધી અદ્વૈત હોય, જ્યાં વિકલ્પ ન હોય અને જયારે લાલચ ન હોય ત્યાંજ પ્રેમ ટકે છે. @5.00min. કોઈ પ્રેમ બલિદાન વગરનો હોતોજ નથી. સીતાજીને ગમે એટલા દુઃખો પડ્યા, પણ રામના પ્રત્યે એના મનમાં કોઈ દુર્વિચાર ન થાય, છેવટની ઘડી સુધી એ રામનીજ રહી. આ પ્રેમની ખાસિયત છે. એટલે જ્યાં તરત યોગ હોય છે, ત્યાં વિષય-કામવાસના હોય છે, પ્રેમ નથી હોતો. વાસના એમ ક્ષણિક હોય છે. એટલે વાસનાના કારણે બંધાયેલા સંબંધો પણ એટલાજ ક્ષણિક હોય છે. પ્રેમ અને કામના ભેદને સમજો. કંસે, શ્રી કૃષ્ણને એક પછી એક મારવાના પ્રયત્નો કર્યા તે સાંભળો. સૌથી પહેલા અઘાસુર મોકલ્યો. બકાસુર મોકલ્યોપછી વૃત્રાસુર મોકલ્યો. વિચાર કરો આ અસુર  કોણ છે? સંસ્કૃતમાં “अघ” શબ્દનો અર્થ પાપ થાય છે. સાધનાનું પહેલું પગથિયું માળા ફેરવવી કે દીવો કરવું એવું નહિ પણ પહેલું પગથિયું છે, પાપનો ત્યાગ કરવો. પછી સાધના શરુ થાય. જેણે અઘાસુર નથી માર્યો, તે સાધના કરી શકે નહીં. જેણે સાધના, ઉપાસના કરવી હોય, પરાકાષ્ટાએ પહોંચવું હોય એણે પહેલાં પાપ ત્યજવું પડે. જેણે અઘાસુર માર્યો હોય તે આગળની સાધના માટે તૈયાર થાય. જૈન લોકોએ એની બહુ સુંદર વ્યવસ્થા બતાવી છે. મહાવીર અને ગૌતમનો સંવાદ સાંભળો કે નાવમાં વાસના રૂપી પાંચ કાણાં પડ્યા હોય તો સામે કિનારે નહિ પહોંચી શકાય. મહાવીરે કહ્યું તારી નાવમાં પાપ રૂપી પાંચ કાણાં પડેલા છે, એમાં આશ્રવ આવે છે એટલેકે નવા નવા પાપ જીવનમાં આવતા હોય છે. @9.54min. અરબસ્તાનના એક જલ્લાદનો પાપની કરવાની ખાસિયત વિશેનો ઇન્ટર્વ્યું સાંભળો. પાપ પહેલાં માણસને ધ્રુજારી આપે પણ પછી ધીરે ધીરે માણસ રીઢો થાય પછી એને પાપ કર્યા વિના ચાલતું નથી. એટલે ભાગવતકારે પહેલો અસુર અઘાસુર મારવા, એમ કહેવા માટે મુક્યો છે કે તમારે મહા રાસ કરવો છે ને? રાસની અનુભૂતિ લેવી છે ને? કૃષ્ણનો સાક્ષાત્કાર કરવો છે ને? તો પહેલાં તમે પાપ છોડો. મહાવીર ગૌતમને કહે છે કે જે આવી ચૂકેલું પાણી છે, એણે તું ઉલેચી નાંખ, એણે નિર્જર કહેવાય. એ પાંચે કાણાં બંધ કર એટલે નવા પાપો ન થાય. જેસલ-તોરલનું ઉદાહરણ સાંભળો. હિંસા હિંસાને વધારે છે, પાપ પાપને વધારે છે અને પૂણ્ય પૂણ્યને વધારે છે. આ અઘાસુર બીજો કોઈ નહિ પણ મારા અને તમારા અંદર અને સૌના અંદર બેઠેલો એક પાપ વ્યક્તિ છે. @15.12min. હવે બીજો અસુર આવ્યો તે બકાસુર છે. કેમ આવું નામ રાખ્યું છે? બગલું બહારથી જુદું અને અંદરથી જુદું છે. એવું લાગે કે એક પગે ઊભો રહી જાપ કરી રહ્યો છે. પગ મૂકે તો બહુ સાચવીને મૂકે છે, કે કોઈ જીવજંતુ પગ નીચે ન આવી જાય. કેટલો દયાળુ છે? “पस्य लक्ष्मण पम्पायां बका: परमो धार्मिक:, शनै शनै पदं धत्ते जीवानाम् वध शंकया” રામ લક્ષ્મણને કહે છે, જો તો ખરો લક્ષ્મણ, આ બગલો કેટલો ધાર્મિક છે? ત્યારે તળાવની અંદર રહેતી માછલી અકળાય ઊઠી અને બોલી “बका:किम स्लाघ्यते राम इ न हम निष्कुली कृता: सहवासिहि विजानाति चरित्रं सहवासि” (वाल्मीकि रामायण) હે રામ, આ બગલાની શું તમે પ્રશંસા કરો છો? એણે તો મારો વંશ કાઢી નાંખ્યો છે. જે સાથે રહેતો હોય એજ સહવાસીને જાણી શકે છે. દૂરનો માણસ શું જાણી શકવાનો હતો? આ બગલો શું છે, તે હું જાણું છું. એટલે માણસના જીવનમાં એક ઢોંગ વૃત્તિ આવે, પાખંડ વૃત્તિ આવે, દંભ આવે આ બધા ભક્તિના દુશ્મનો છે. એ બધા અસુરો છે. સાચા  માણસમાં પણ ધીરે ધીરે દંભ આવે છે, પાખંડ આવે છે એ બતાવવા માટે ભાગવતમાં આ બકાસુરનું ઉદાહરણ મૂક્યું છે. @19.54min. એટલા માટે કહ્યું છે, તમારે ભક્તિ કરવી છે, ઉપાસના કરવી છે તો તમારા જીવનમાં સાવધાની રાખજો, નહિ તો લોકો તમને દંભી બનાવી દેશે. સ્વામીજીનો પોતાનો અનુભવ સાંભળો. સ્વામીજીએ માંદા છોકરાના મ્હોમાં  બે શરદીની ગોળી મૂકી એટલે એ છોકરાને સારું થઇ ગયું. બીજા દિવસથી લોકો ઝુકી ઝૂકીને નમસ્કાર કરવા લાગ્યા. એક બીજી સ્વામીજી પ્રગટ થવાની વાત સાંભળો. સ્વામીજીનું ગામમાં માન વધી ગયું. સ્વામીજીએ પોતે કબુલ્યું કે મને કશું આવડતું નથી પણ ગામવાળા કહે છે કે અમે બધું જાણીએ છીએ. નક્કી થઇ ગયું કે સ્વામીજી ચમત્કાર કરે છે. @24.41min. અખા ભગતનું અભિમાન ધીરે ધીરે કેવું વધ્યું તે સાંભળો. બકાસુર સારા માણસનું પણ કેવી રીતે પતન કરાવે છે, તે અહી બતાવ્યું છે. બકાસુર કોઈ ભૂતકાળની ઘટના નથી. એ બકાસુર આજે પણ છે, હંમેશાં રહેવાનો છે. મારા માટે, તમારા માટે અને સૌના માટે છે. કારણકે માણસની એક ખાસ દુર્બળતા છે કે પોતે સારો છે એવું દેખાડવા માટે ધીરે ધીરે પોતે ઢોંગ કરતો થઇ જાય છે. એટલે કબીર પોતાના ભજનોમાં પોતાની જાતને કબીરા કહે છે, નરસિંહ મહેતા પોતાની જાતને નરસૈંયો કહે છે. બકાસુર એટલે, હું જયારે મગફળી ખાતો હોઉં ત્યારે હું જોઉં છું કે કોઈ ભગત મને મળવા માટે આવી રહ્યો છે, એટલે મગફળી સંતાડીને પલાંઠી વાળીને, માળા લઈને બેસી જાઉં એટલે તમને એવું લાગે કે મહારાજ તો જયારે અને ત્યારે માળાજ ફેરવતા હોય છે. પછી લોકો વાત કરે કે આ મહારાજ તો કાયમ માળાજ ફેરવતા હોય છે, ભજનજ કરતા હોય છે એમ આ મારું સ્વરૂપ બકાસુરનું છે. જે સાચો હોય તે કહેવાનો કે તારે મારા ઉપર ભાવ રાખવો હોય તો રાખ, હું તો ભગવાન માટે છું. તારા ભાવની મારે જરૂર નથી. બીજો એક સગટાસુર આવ્યો. સંસ્કૃતમાં “સકટ” શબ્દ છે, જે ચાલતી વખતે કટ કટ બોલે એનું નામ ગાડું. @29.53min. એનો અર્થ છે, ભક્તિમાર્ગમાં, ઉપાસનામાં ચાલનારો જે આત્મા છે એ પણ એક કક્ષાએ જઈને સગટાસુર થઇ જાય છે. આ સગટાસુર મંદિરમાં પણ આખા ગામની નિંદા કરાવે છે. એટલે તમે જોજો મંદિરના ઓટલા ઉપર જેટલી નિંદા થાય છે એટલી નિંદા તો ગામના ચોરા ઉપર પણ નહિ થતી હોય. એટલે શાસ્ત્રકાર એમ કહેવા માંગે છે કે જેણે ઉપાસના કરવી હોય, સાધના કરવી હોય, એણે વધુ બોલ બોલ કરવું નહીં. અતિશય બોલનારો સાધના ન કરી શકે. જે બહુ બોલ બોલ કરે છે, એના ઉપર સગટાસુર ચડી બેસે છે. આવા બધા કેટલાયે અસુરો આવ્યા એણે બધાને કૃષ્ણે મારી નાંખ્યા. હવે ઇન્દ્ર કોપાયમાન કેમ થયો? દર વર્ષે વ્રજવાસીઓ ઇન્દ્રને પ્રસન્ન કરવા યજ્ઞ કરે છે. કૃષ્ણે કહ્યું, યજ્ઞ નહિ કરવાનો કારણકે વરસાદ લાવવો એ ઈન્દ્રનું કર્તવ્ય છે. એટલે ઇન્દ્રે કોપાયમાન થઇ બારે મેઘ વરસાવ્યા. ચારે તરફ જળ બંબાકાર થયું. “ટચલી આંગળીએ વ્હાલે ગોવર્ધન તોળ્યો” એવું તમે ગાવો છો. કૃષ્ણે ટચલી આંગળીએ ગોવર્ધન ઊંચક્યો અને ગોવાળીયાઓને કહ્યું તમે લાકડી ધરીને નીચે ઊભા રહો, જેથી ગોવર્ધન પડી ના જાય. આમાંથી તમે શીખજો કે તમે કોઈ સંસ્થાના આગેવાન હોવ, સંસ્થા ચલાવતા હોવ તો સહયોગીઓને યશ દેજો, બધો યશ પોતે ન લઇ લેશો. કૃષ્ણ કહે છે કે તમારી લાકડીઓને લીધે આ ગોવર્ધન ટકી રહ્યો છે. આવો માણસ હંમેશાં લોકપ્રિય થાય. ઇન્દ્ર થાક્યો, હાર્યો અને કહ્યું, હવે મારે યજ્ઞો નથી કરાવવા. પાછું એવુંને એવું થઇ ગયું. @35.07min. કોઈવાર તમે વિચાર કર્યો કે આ પહાડ કંઈ છત્રી છે કે એને એમ ઊંચકી શકાય. પહાડ જેટલો ઊંચો દેખાય એટલા ઊંડા એના મૂળ હોય છે. પહાડને ઊંચો કરો તો નીચે મોટો ખાડો પડે અને એ ખાડામાં માણસ ઊભો રહે તો પહેલા એજ મારે. બચવાનો રસ્તો તો એ છે કે પહાડની ઉપર ચઢી જાવ તો સારું. કેમ કોઈને આવી શંકા નથી થતી? આ કોઈ ઘટના નથી, પણ રૂપક છે. એક ડોસીમાંને શરીરના માધ્યમથી ત્યાં ને ત્યાંજ વ્રજની યાત્રા કરાવી તે સાંભળો.@40.20min. વ્રજના ચોરાસી કોષ – શરીર સાથે સરખામણી સાંભળો. “यत पिण्डे तत ब्रह्माण्डे” જે પિંડમાં છે, એજ બ્રહ્માંડમાં છે. અંદર છે, એજ બહાર છે. પેલું વ્રજ તો છે જ પણ તમારા અંદર પણ એક વ્રજ છે. આમાં યમુના છે, ગંગા છે, સરસ્વતી છે, કાલિંદીનો ધરો છે, કૃષ્ણ છે, કાલીનાથ છે, ગોપ-ગોપીઓ, મથુરા, કંસ, બધુંજ છે અને તમારા પાસેજ છે. માંજી કહે તમે તો ખરી વાત કરી. આ વ્રજની પરિક્રમા લીલી કરો કે સુકી કરો, તમારી પાસેજ છે. ભગવાન ગોવર્ધન લઈને ઊભા છે, એના પાછળનો ભાવ શું છે? તે સાંભળો. એટલું તો નક્કી છે કે આ કોઈ સ્થૂળ ઘટના નથી, તો પછી એનો આધ્યાત્મિક અર્થ છે અને એનું નામજ ભાગવત છે. “विद्यावाताम् भगवते परीक्षा” ભાગવતમાં જે વિદ્વાન હશે એની પરિક્ષા થશે. “ગોવર્ધન” ગો શબ્દના ૧૬ અર્થ છે. “ગો” એટલે બ્રહ્મવિદ્યા, ગાય, ઇન્દ્રિય, પૃથ્વી વિગેરે. ઇન્દ્ર કર્મનો, સ્વર્ગનો, સકામવૃત્તિનો દેવ છે. સ્વર્ગ અપાવનારા જે સકામ કર્મો છે, એ સકામ કર્મો રૂપી જે યજ્ઞો છે એમાંથી છૂટવા માટે કૃષ્ણે કહ્યું કે આ સકામ વૃત્તિઓ બંધ કરો. તમારે જો મારીજ જરૂર હોય તો નિષ્કામ કર્મ કરો. ઇન્દ્રને આ ગમતું નથી એટલે એકેએક માણસ અહીંયા સકામ વૃત્તિમાં રહે છે. મારા માટે એ કર્મ કરે એટલે હું એને ફળ આપ્યા કરું છું. સકામ વૃત્તિમાંથી કોઈ છટકી જાય, એ ઇન્દ્રને ગમતું નથી. એટલે ઈન્દ્રનું અભિમાન ઉતારવા, એના કોપમાંથી બચવા માટે આ ગોવર્ધન લીલા થઇ. @45.23min. બ્રહ્મવિદ્યાનો જે પર્વત છે, એના નીચે આખું વ્રજ આવીને બેઠું છે. હવે ઇન્દ્ર બાર મેઘ આપે તો એ આ ક્ષેત્રને આંચ આવવાની નથી. માયાનું ક્ષેત્ર જ્યાં ના જઈ શકે એને ગોવર્ધન કહેવાય. માયાનું ક્ષેત્ર એટલે તમે આ કરો તો હું તમને આ આપું. લક્ષ્મી નારાયણનું ઉદાહરણ સાંભળો. 

ગોવિંદા આલા રે આનંદ ઉમંગ ભયો…

જય હો નંદલાલ કી , નંદઘેર આનંદ ભયો…

જય કનૈયા લાલ કી…યશોદા કો લાલો ભયો…

જય કનૈયાલાલ કી, દાઉજી કો ભૈયા આયો…

જય કનૈયાલાલ કી માખન કો ચુરૈયો આયો…

જય હો મોહન લાલ કી…

Govinda Aala Re | Krishna Janmashtami Songs – YouTube

www.youtube.com/watch?v=GGd_EqPI5ds

Aug 26, 2013 – Uploaded by Old Hindi Songs

Best Of Janmashtami Songs | Govinda Aala Re | KrishnaJanmashtami Songs ….. Krishna Songs Audio Jukebox 2015 | New Shri Krishna  …

 .

ચઢ્યો એક  દિ  વિહારે વિભુવંદનાને લોલ ,

વીંધી વરવી રૂપેરી આભકોર રે ,

આકાશી ગૂંબજે જઈ અડ્યો રે લોલ .

પેલા તારલાનાં તેજ ભરી આંખડી રે લોલ ,

ચાંદલે મઢી ઉરવ્યોમ રે

ઉરનાં અંધારને વિદારતો રે લોલ .

ઓલી વીલી વાહિની-નીરે નાચતો રે લોલ ,

મત્ત મહેરામણ ઝૂલણાં મોંઝાર

નેહનેણે હું ઈન્દ્રધનુ આંજતો રે લોલ .

પેલાં પોયણાંને પોપચે ઘડી પળી રે લોલ ,

ગ્રહી અંતરે મયંક કેરી મ્હેક  રે

નમણાં નિસર્ગને નવાજતો રે લોલ .

માત ધરતી-ઉછંગમાં ઢળી , લળી રે લોલ ,

એનાં પયપાને ભીંજી ઉરવ્યોમ રે ,

હૈડાં કૈં હેતથી હુલાવતો રે લોલ .

મારા ઉરના આરાધ્ય ! વ્હેલા આવજો રે લોલ ,

મારા વણમ્હોર્યા ઓરતા અધીર ,

ઊણાં હૈયાનું ઝૂલણું દવે , દ્રવે રે લોલ

1 Comment

Filed under અધ્યાત્મ, કાવ્ય, ઘટના

One response to “શ્રી કૃષ્ણ લીલા રહસ્ય_+ ઊણાં હૈયાનું ઝૂલણું /અજ્ઞાત

  1. Aalekh mate to koi comment karvi e potani jatnu agnyan pragat karva jevu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s