રાષ્ટ્રીય મંત્ર જય સરદાર/ સ્વામી સચ્ચિદાનંદજી

રાષ્ટ્રીય મંત્ર જય સરદાર – એ. પી. પટેલ એજ્યુકેશન ચેરીટેબલ ટ્રષ્ટ – રાજકોટ – સ્વામીજીને ગુલાબની માળા અર્પણ કરેલી તે બાબતે સ્વામીજીએ કહ્યું કે એકને ખીલવવા માટે હજારને કરમાવું પડે એવું માન બરાબર ના કહેવાય. માન એને કહેવાય જે એક ખીલે અને હજાર પણ ખીલે, કોઈ કરમાય નહિ, એને માન કહેવાય. એક જગ્યાએ બહું સકારાત્મક માન મળેલું, બહેનોની સંસ્થાએ ફળોની ટોપલી આપેલી કે પ્રવચન પછી જમવાનું હોય તો એ વાહ વાહ અને ન હોય તો પણ….ભાઈ શ્રી શિવરામભાઈ વેંકરિયાએ સૌથી પહેલો શબ્દ કહ્યો “જય સરદાર” અને પ્રવચન સમાપ્તિ વખતે પણ કહ્યું, જાય સરદાર. હું પણ તમને મંત્ર આપવા માંગુ છું કે જય સરદાર. 
@3.04min. 

હમણાં મારે મોરીસીઅસ જવાનું થયું અને ત્યાં 108 ફૂટ ઊંચી મહાદેવની ભવ્ય પ્રતિમા જોઇને મારા મનમાં સંકલ્પ કર્યો કે હું દેશમાં જાઉં અને કોઈ યોગ્ય જગ્યાએ આવીજ 108 ફૂટ ઊંચી સરદાર વલ્લભભાઈ પટેલની પ્રતિમાની સ્થાપના કરાવું તો મારા જીવનને ધન્ય માનું, એટલા માટે કે દિલ્હીવાળા એમને બિલકુલ ભુલાવી નાંખવા માંગે છે, પણ આપણે એમને ભૂલવા નથી દેવા. સરદાર પટેલમાં એટલી ક્ષમતા અને શક્તિ છે કે, કોઈ ગમે એટલાં પોતા મારે એમનું નામ ભૂંસાવાનું નથી. એ પ્રતિમા અહીં ઊભી ઊભી દિલ્હીવાળાને કહે કે મુર્ખાઓ તમે મને ભૂંસી નહિ શકો, તમારો બાપ અહીં ઊભો છે, મારા મૂળ પાતાળ સુધી ઊંડા છે, મેં કામ કર્યું છે અને એટલે હું ઊભો છું. આમ આ એક યોજના છે. એક મોટા એન્જીનીઅરે કહ્યું કે મોરીસીઅસની પ્રતિમા નક્કર છે પણ આપણે ન્યુયોર્કની “STATUE OF LIBERTY” જેવી બનાવીએ એટલે કેવી બનાવીએ? તે વિષે સાંભળો. મેં મુખ્ય મંત્રીશ્રીને સંદેશો મોકલ્યો અને કહ્યું કે સરકાર બનાવે તો સારું, નહિ તો, ગાંધી નગરમાં કે સરદાર સરોવર આગળ જગ્યા આપો તો અમે બનાવીએ. મુખ્ય મંત્રી શ્રી નરેન્દ્ર મોદી સામે ચાલીને મળવા આવ્યા અને સમય આવ્યે શ્રી ગણેશ પણ કરી દીધા છે. મારે શ્રી શિવલાલભાઈ વેંકરિયાને આ બાબતે ખુબ ધન્યવાદ આપવા જોઈએ કે ભારતનો એકેએક રાષ્ટ્રવાદી નાગરિક આને રાષ્ટ્રીય મંત્ર સમજે “જય સરદાર” @6.40min. હવે મૂળ વાત ઉપર આવું. જીવનના સુખો મારી દ્રષ્ટિએ ચાર ક્ષેત્રોમાં હોય છે. ભૌતિક, સંસારિક, સામાજિક અને ચોથું મહત્વનું સુખ રાજકીય સુખ છે. સુખ હોય ત્યાં થોડું ઘણું દુઃખ તો હોય, હોય અને હોયજ. અમે બધાં સાધુઓએ તમને કોણીએ ગોળ ચોંટાડી આપ્યો છે કે ઉપર માત્ર સુખજ સુખ છે, ત્યાં દુઃખ જેવી વસ્તુ નથી. અલ્યા સમજો તમે, જો એકલું સુખ હોય તો સુખની કિંમત જ ના રહે. ભૂખ હોય તો સ્વાદની કિંમત થાય. તમને અજીર્ણ હોય અને દૂધપાક ખાવ તો ઉલટી થાય. દૂધપાકનું સુખ ના થાય, એટલે આવી બધી બાબતોમાં પડવું નહીં. હું આ લોકનો માણસ છું, પરલોકનો નથી, પરલોક તમને ગમતો હોય તો ભલે ગમે, મારો કોઈ વિરોધ નથી, મારું કહેવું છે કે પહેલા આ લોક સુધારો અને પછી પરલોકની વાત કરો. આ લોક તમારો ધર્મ પ્રમાણે ચાલતો હોય તો પરલોક તમને મળવાનોજ છે, સિદ્ધ થવાનોજ છે. પહેલું ભૌતિક સુખ છે એટલે અનાજ, પાણી, કપડાં વિગેરે, જેને આપને બાહ્ય સુખ કહીએ છીએ અને એ વાસ્તવિક સુખ છે, એ ખોટું નથી. આ સુખ પ્રત્યે અમે તમને એમ કહીને ઘ્રણા કરાવીએ છીએ કે ખરું સુખ તો આધ્યાત્મિક સુખ છે, એની સાથે હું સંમત નથી. આધ્યાત્મિક સુખ એ અવસ્થા છે અને સુખ જુદી વસ્તુ છે. તમે બેયને, બેયમાં બેલેન્સ રાખી શકો છો. @9.55min. ભગવાનના માટે એવું કહેવાય છે કે खुदा इसको कहते हैं, जो राइमेंसे रंक बनाता है और रंकमेसे राय बनाता है. એકલા આત્માની વાત કરતા એક સજ્જનની વાત સાંભળો. વાસ્તવિકતા એ છે કે શરીર પણ હું છું અને આત્મા પણ હું છું. મારે અને શરીરને કંઈ લેવાદેવા નથી એવું કહેવાથી તમે સુખ-દુઃખથી મુક્ત ન થઇ શકો. એવાજ એક બીજા સજ્જનને પગમાં દાદર થયેલી પણ દવા કરાવતા નથી અને સ્વામીજીને કહે કે તમે આજ્ઞા કરો, જેથી જીવાણુંઓ મારવાનું પાપ સ્વામીજીને લાગે. મૂર્ખાને સમજાવવો બહુ સરળ કામ છે પણ ધાર્મિક મૂર્ખતા હોય એને ઉપરથી બ્રહ્મા આવે તો પણ ન સમજાવી શકે. તમે એવો સિધ્ધાંત રાખજો કે જે પાળી શકાય, જે માની શકાય અને જીન્દગીમાં નભાવી શકાય. એવો સિધ્ધાંત ન રાખો કે જેને વાસ્તવિકતા જોડે કંઈ લેવાદેવાજ નહિ હોય. ભૌતિક સુખો બધાને ગમે છે. પશ્ચિમના લોકો સ્વીકાર કરે છે કે અમારે AC જોઈએ, બંગલો જોઈએ, કાર જોઈએ અને 80 વર્ષે 

પણ લગ્ન કરીને વાસ્તવિક જીવન જીવે છે. આપણાં અહિ પણ એજ છે પણ આપણે બોલીએ છીએ જુદું અને કરીએ છીએ જુદું. ભૌતિક સુખો બધાને ગમે છે. @15.55min. 
આપણને આઝાદી મળી અને ઘણી તકો ઊભી થઇ અને એ બધાંમાંથી આપણે ભૌતિક સુખો ઊભાં કર્યા. નર્મદાજીને લાવવાનું નક્કી કર્યું ત્યારે કેટલાયે વિરોધીઓ ઊભા થયા. જેમ તેમ લાવ્યા અને કાઠીયાવાડ આજે ઉજળું બન્યું છે, ચેક ડેમ બનાવ્યા, કેટલાયે ખેતરો લીલાં છમ થઇ ગયાં. આ બધાં ભૌતિક સુખો છે. ઉપનિષદમાં કહ્યું છે કે “विद्यामचा विद्यांच यस्तद्वेदो भयंसः, अविद्यया मृत्युं तीर्त्वा विद्यया अमृत मस्तुते.” (इषावाश्य उपनिषद).વેદોમાં ભૌતિક સુખોની પણ ઉપાસના છે. પણ એના બે છેડા છે, ભૌતિક સુખોનો મોહ અને ભૌતિક સુખોનો દ્રોહ, એ વિષે સાંભળો. જૈન સાધુ અને સ્વામીજી વચ્ચે ચંપલ પહેરવા વિષે સાંભળો. શરીરને પીડા આપવાથી કોઈ પ્રશ્ન ઉકેલતો નથી. ગીતામાં આને ઘોર, અજ્ઞાન પૂર્વકનું તપ કહ્યું છે. જો તમને ભગવાને શક્તિ આપી હોય તો તમે સારામાં સારા ચંપલ પહેરજો, એનો દાર્શનિક પોઈન્ટ એવો છે કે જયારે તમે સુખ દ્રોહી થાવ છો ત્યારે તમે આખા દેશના વિકાસને અટકાવી દો છો. કેમ કે ભૌતિક સુખો વિજ્ઞાનમાંથી આવે છે, વિજ્ઞાન પ્રયોગશાળામાંથી આવે છે અને પ્રયોગશાળા તમારા એપ્રોચમાંથી આવે છે કે તમારો અભિગમ કેવો છે? @20.00min. એક અમેરિકન સજ્જનની વાત સાંભળો, કહે છે, તમે કાયમ માટે તમારા અધ્યાત્મની સંસ્કૃતિનો જયજયકાર કરતા રહો, કેમ? એટલા માટે કે તમારા આ જયજયકારના પ્રભાવથી તમારા પ્રતિભાશાળી વિદ્યાર્થીઓ મંદિરમાં જઈ ટોકરા ખખડાવતા રહે અને અમારા પ્રતિભાશાળી વિદ્યાર્થીઓ પ્રયોગશાળામાં જઈ નવી નવી શોધખોળો કરી નવા ઉત્પાદનો બનાવી તમને વેચીએ એટલે અમને આવક થાય. સ્વામીજી કહે છે, ભલે તમે 5-10 મિનીટ ટોકરા ખખડાવો પણ આખો દિવસ રચનાત્મક કાર્ય કરો. વિજ્ઞાનને અને અધ્યાત્મને કંઈ વિરોધ નથી. જયારે તમે ભૌતિક સુખોનો વિરોધ કરો છો ત્યારે તમે જાણતાં-અજાણતાં દેશના વિકાસનો વિરોધ કરો છો. મારા એક પટેલ સજ્જનને ત્યાં એકેએક રૂમમાં TV અને વિડીઓ મુક્યાં હતાં, આ ભૌતિક સુખોનો બીજો છેડો છે. પરિણામ એ આવ્યું કે પાંચ-દશ વર્ષમાં દેવું થતાં વેચી કાઢ્યાં. એના કરતાં  આ કન્યા છાત્રાલયમાં એક રૂમ આ દીકરીઓ માટે બનાવડાવી દેત તો એમનો પૈસો ધન્ય ધન્ય થઇ જાત. @26.51min. બીજું જે સુખનું ક્ષેત્ર છે, એ સાંસારિક ક્ષેત્ર છે, એટલે સાંસારિક સંબંધોનું ક્ષેત્ર.  તમારે કોઈ સંબંધ નથી તો સંસાર છેજ નહીં. સંબંધ વિના માણસ જીવી નથી શકતો. સંબંધમાંથી સુખ અને દુઃખ બંને આવે છે. જે મરતાં પહેલાં બગડેલાં સંબંધો સુધારી લે, એનેજ જીવતાં આવડ્યું કહેવાય. રામાયણમાં ભરત પાસેથી આજ શીખવાનું છે. પોતાની માંનો વાંક કાઢતો નથી, કહે છે હું હતો તો તને મોહ થયો, એટલે ભૂલ તો મારી છે. આ મહાપુરુષનું પહેલું લક્ષણ છે, કે જે હંમેશાં પોતાની ભૂલોનો સ્વીકાર કરે. જૈનો કહે છે, “मिच्छामी दुक्कड़म” તમે સામે ચાલીને સંબંધ સુધારવા જાઓ છો તો તમે નાના નથી થતા પણ મોટા થઇ જતા હોય છે. સંસારમાં સૌથી પ્રબળમાં પ્રબળ સુખ અથવા દુઃખ હોય તો તે પતિ-પત્નીનું છે. રામાયણમાં સીતાજી કહે છે કે હું જંગલમાં કાંટા-કાંકરા સહન કરીશ પણ પતિના વિયોગનું દુઃખ સહન કરી શકું નહીં. સુલક્ષણી નાર મળે તો ઝુંપડામાં પણ સ્વર્ગ છે અને કુલક્ષણી નાર મળે તો બંગલામાં પણ નરક છે. @30.36min. કુલક્ષણી નાર મળી હોય એવા અમેરિકામાં એક શ્રીમંત પટેલની વાત સાંભળો. માણસના સુખ જેવું કોઈ સુખ નથી અને માણસના દુઃખ જેવું કોઈ દુઃખ નથી. આમ સાંસારિક સુખ એ વાસ્તવિકતા છે અને એ ખોટું નથી, સાચું સુખ છે અને તે ભાગ્યશાળીને મળતું હોય છે. જેને સારી પત્ની મળી હોય અને ઉપરથી ભગવાન સ્વર્ગમાં લઇ જવા વિમાન મોકલાવે તો એ લાત મારી કહી દેશે કે તારું સ્વર્ગ તારી પાસે રાખ, મારું સ્વર્ગ તો મારા ઘરમાં છે. ત્યારે આ ઘર છોડી છોડીને ભાગે છે કોણ? પત્નીને છોડીને ભાગે એ પાછા ભગવાન થઇ જાય. સારી પત્ની મળી હોય તો કોઈ સાધુ થવા ભાગે નહીં. સાધુ થવું હોય તો લગ્ન કર્યા પહેલાં થાવ કે 75વર્ષ પછી થાવ. આ શાસ્ત્રીય નિયમ છે પણ લોકોએ ઘર છોડી ભાગવાનો આદર્શ બનાવી દીધો. એટલે સાંસારિક સુખ એ સાચું સુખ છે અને બની શકે તો એને સુધારો. @36.13min. ત્રીજું સમાજનું સુખ છે. ભારત સમાજોનો દેશ છે. બધા સમાજની મથાવટી અલગ અલગ હોય છે. એક સમાજ એવો છે કે છોકરો બે-ચાર વાર જેલમાં જઈ આવ્યો હોય તોજ એને કન્યા મળે. એવું સમજે છે કે કામ નહિ મળે તો છોકરીને ચોરી કરીને પણ ખવડાવશે. અત્યારે ગુજરાતમાં સુપરમાં સુપર સમાજ પટેલોનો છે. પટેલો એકેએક ક્ષેત્રમાં શિખર ઉપર જઈને બેઠા. પટેલોનો આખો સમાજ પુરેપુરી તાકાતથી આગળ વધી રહ્યો છે, સારું છે. આને હું સમાજનું સુખ કહું છું. જયારે સમાજ ખોટા રિવાજોમાં ફસાઈ જાય ત્યારે એ સમાજ માટે દુઃખ દાયક છે. ઊંઝા તરફ એવો રીવાજ હતો કે 12 વર્ષે એક વખતજ લગ્ન થાય. પેટમાં હોયને લગ્ન થાય, લાકડે માંકડું વળગે એટલે સજોડું ભાગ્યેજ જોવાનું મળે.@40.16min. હવે એક છેડા પરથી બીજે છેડે પહોંચી ગયા. 35-40 વર્ષ સુધી છોકરીઓ પરણતી નથી, કેમ? તે સાંભળો. આપણે ત્યાં પહેલાં સાસુ-સસરાની સેવા કરવાનું અહોભાગ્ય સમજતા કે હિમાલયના તપસ્વી કરતાં વધુ પુણ્ય મળે, હવે એવું રહ્યું નથી. બહેનોએ યાદ રાખવું કે સુખી કરનારાઓ સુખી થતા હોય છે અને દુઃખી કરનારાઓ કદી સુખી નથી થતા હોતા. તમને જો સારું માણસ મળ્યું તો ધન્ય ધન્ય થઇ ગયા. બંગલો સુખ નથી આપતો, માણસ સુખ આપે છે. મારે તમને એકજ મુદ્દો કહેવાનો છે કે સમાજ તોડવાનું પાપ કદી ન કરશો. @46.19min. ચોથું અને છેલ્લું જે સુખ છે એ રાજકીય સુખ છે. રાજકીય સુખ જોવું હોય તો ગોંડલ સ્ટેટમાં જવાનું અને રાજકીય દુઃખ જોવું હોય તો નવાબી સ્ટેટમાં જવાનું. ગોંડલ સ્ટેટમાં દીકરીઓ ભણેલી હોય, ખેડૂતો અને પ્રજા માટે વિસામો હોય. ગોંડલ સ્ટેટના મહારાજા દેવ થયા પછી પણ લોકોના હૃદયમાંથી નીકળતા નથી. આ રાજકોટ સૌરાષ્ટ્રનું હૃદય પણ ખરું અને મગજ પણ ખરું. રાજકોટમાં વિચારાય તે આખા કાઠીયાવાડમાં વિચારાય, આખા ગુજરાતમાં વિચારાય. અહીં મોટા કવિઓ, શાયરો, સુધારકો, સંતો, ગાંધીજી થયા છે. ભગવાને તમને જ્યાં જનમ આપ્યો છે ત્યાં આવું સરસ કન્યા છાત્રાલય થઇ રહ્યું છે તો મન મૂકીને આપજો. મને બહુ આનંદ આવ્યો, પરમેશ્વરને પ્રાર્થના કરું કે સમાજ  ઉજ્વળ બને, નિર્મળ બને, પ્રગતી કરે, એક થાય અને મજબુત બને, આભાર, ધન્યવાદ, હરિઓમ તત્સત. 

 

2 Comments

Filed under Uncategorized

2 responses to “રાષ્ટ્રીય મંત્ર જય સરદાર/ સ્વામી સચ્ચિદાનંદજી

  1. એકને ખીલવવા માટે હજારને કરમાવું પડે એવું માન બરાબર ના કહેવાય.

    સ્વામીજી એમના મનનીય પ્રવચનોથી ખુબ જાણીતા છે. આ વાક્યમાં એમણે કેટલી સાચી વાત કહી દીધી છે .

    આજે આપણે શું જોઈએ છીએ. કોઈ દેશ નેતા જ્યારે આવે ત્યારે એમને માન આપવા માટે હાથમાં ફૂલમાળા કે ફૂલોનો ગજરો-બુકે લઈને સ્ટેજ ઉપર લાંબી લાઈન થાય છે.આ દેશ નેતા મુખ પર કોઈ ભાવ બતાવ્યા વિના શુષ્ક રીતે સ્વીકારી એ બુકે તરત જ બાજુમાં ઉભેલા કોઈ મદદનીશને સરકાવી દે છે. આ બધા બુકે પછી કચરા પેટીમાં નાખી દેવામાં આવે છે.એક સેકન્ડના માનમાં કેટલા ફૂલોનો કચ્ચરઘાણ નીકળી જતો હશે !

  2. Jay Saradar. Fool karmaya pachhiye eni suvas jalvi rakhe chhe.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s