ઊંઘને જાદવા કૃષ્ણ ગોવાળિયા……પરેશ પ્ર વ્યાસ

ઊંઘને જાદવા કૃષ્ણ ગોવાળિયા……
ઊંઘ અધમ છે. જાગૃતિ મહાન છે. જાગેલાનું નસીબ જાગે. ‘ઊંઘ આવે નહીં એમ ઊંઘી જવું; એટલું જાગવા, જાગ ને જાદવા.’ નરસૈંયો એનાં નાથને જગાડતો એ ઝૂલણા છંદમાં કવિ શ્રી મનહર મોદી જાતને જગાડવાની વાત કરે છે. પણ અમે એ વાત કરતા નથી. અમે તો કહીએ છીએ કે ઊંઘી જાવ. ‘ઊંઘ આવે અહીં એમ ઊંઘી જવું; એટલું ઊંઘવા, ઊંઘને જાદવા.’  કારણ કે….. નિર્ભ્રાંત નિદ્રા તનની તાતી જરૂરિયાત છે. આપણી લાઇફસ્ટાઇલ બદલાતી જાય છે. ફાસ્ટ ફૂડ, મોબાઇલ ફોન અને વ્યસન-યુક્તતા… ટીવી હવે મોબાઇલમાં અને દિવસે રમાતું ક્રિકેટ હવે રાતે રમાડાય. આમ રમણે ચઢેલી આપણી 24×7 જિંદગી આપણને રમાડે. અર્વાચીન જીવનશૈલીમાં રાહતનો શ્વાસ માત્ર ઊંઘમાં જ લઇ શકાય! અમને યાદ છે હોસ્ટેલમાં સાથે રહેતા અમારા એક સહાધ્યાયી મિત્ર પરીક્ષા ટાણે રાત્રે જાગીને વાંચતા. અમે વહેલાં સૂઇએ અને એને કહીએ કે ભાઇ, તું સૂએ ત્યારે અમને જગાડી દેજે તો એ ના પાડે. કહે કે સોયે હુએ આદમીકો જગાના પાપ હૈ. હું કહું કે અલ્યા, હું ફેઇલ થાઇશ. તો કહે કે ફેઇલ હોના પાપ નહીં હૈ. લો બોલો ! પણ એની વાત સાચી હતી. લોકો આજકાલ લાઇફથી ફેઇલ થતા હોય છે. વેલિયમ લેવા છતાં પણ સ્લીપ-વેલ  થવાતું નથી અને કામ-પોઝનાં સેવનથી કામચલાઉ નિદ્રા આવે પણ એ શાંતિ, એ ગાઢ નિદ્રાનું સુખ મળતુ નથી.  ઊંઘ માટે ક્રાંતિ લાવવાની વાત લેખિકા એરિઆન્ના હફિંગ્ટન એનાં નવીન પુસ્તક ‘ધ સ્લીપ રીવોલ્યુશન’માં કરે છે. ઊંઘની જરૂરિયાત આજે જેટલી છે એટલી પહેલાં ક્યારેય નહોતી.

એરિઆન્ના અત્યંત વ્યસ્ત અખબાર સંપાદક છે. સફળ વ્યક્તિની વ્યસ્તતા સમયની સાથે દોડે છે. ઊંઘનો સમય ઘટતો જાય. શરીર થાકે પણ મનને તો સફળતાનો નશો હોય, જે ઊંઘવા દેતો નથી. વર્ષ 2007માં ઊંઘનાં અભાવે એરિઆન્ના બેહોશ થઇને ગડથોલું ખાઇ જાય છે. મોઢામાંથી લોહી નીકળી આવે છે. એરિઆન્ના માને છે કે અપૂરતી ઊંઘ સર્વ રોગનું કારણ છે. રીસર્ચ અનુસાર કેન્સર, અલ્ઝાઇમર કે હૃદયરોગની બિમારીનાં દર્દીઓ જ્યારે સાજાનરવા હતા ત્યારે અપૂરતી ઊંઘને કારણે એમને થાકનો અનુભવ અવશ્ય થયો હતો. અપૂરતી ઊંઘ એટલે રોગને આમંત્રણ. ફરીથી આ રહો-કનેક્ટેડ ટેકનોલોજી ઊંઘ માટે વિલન બને છે. મોબાઇલ ફોન ઊંઘ-ઘાતક-યંત્ર છે. તેમાં આ 4-જી માયાજંજાળનું તો શું કહેવું? શાયર ઇબ્ન-એ-ઇન્શાનાં શબ્દોમાં કહું તો… જંગલ તેરે, પર્બત તેરે, બસ્તી તેરી, સહેરા તેરા.. સાલી, ક્યાંય પીછો છોડતી નથી.

અમેરિકાનું નેશનલ સ્લીપ ફાઉન્ડેશન ઊંઘવાની પ્રયુક્તિ સમજાવે છે. ઊંઘવાનો અને જાગવાનો સમય નક્કી રાખવો. વીકએન્ડમાં પણ.. શરીરની પોતાની ઘડિયાળ હોય છે. સમય જતો રહે તો ઊંઘ પણ ના આવે. ઊંઘતા પહેલાં હળવા થવું જરૂરી છે. ટીવી પરની ચર્ચા જોવી બંધ કરો. નેશન વોન્ટ્સ ટૂ નો-ની બૂમાબૂમ..ભાઇ અર્નવ, નેશનને રાતે ‘ને રાતે કાંઇ જાણવું નથી. સવારે છાપુ વાંચી લેશું. તંઇ શું? સમાચારની ચિંતા અને ચિંતાનાં સમાચારને પથારી સુધી લઇ જાવ તો ઊંઘ ક્યાંથી આવે? હા, હળવું પુસ્તક કે વાદ્યસંગીત ઊંઘનું ઉદ્દીપક છે. શયનખંડમાં મનગમતા ચાદર-ઓશીકા, માફકસરનું તાપમાન  અને અંધારું ઇચ્છનીય. અઘોરી સ્લીપિંગ પાર્ટનર ઘોરે તો કાનમાં રૂ ખોસવું. દારૂ સિગારેટ ત્યજવા. હળવું ખાવું. ભારેખમ વાળુ પચે નહીં; પેટમાં ગુડગુડ ગૂડ વાત નથી. પથારી માત્ર સૂવા અને સંભોગ માટે છે. પથારીમાંથી લેપટોપ, મોબાઇલ, ટેલીવિઝનને તિલાંજલી દઇ દેવી ઊંઘનીય છે. નાટ્યગીતકાર પ્રભુલાલ દ્વિવેદીની નાયિકા ભલે ગાય કે મીઠા લાગ્યા તે મને આજના ઉજાગરા..વ્હાલાની વાટ જોતા હોય તો ઠીક, બાકી ઉજાગરા કે જાગરણ પણ સ્વાસ્થ્ય માટે હાનિકારક છે.

અને હા, રાતનાં ઊંઘ નથી આવી તો બપોરે ઝોંકુ ખાઇ લેવું. એરિઆન્ના યુનોને વિનંતી કરે છે કે કામકાજનાં સ્થળોએ, શાળાકોલેજોમાં સૂવાની વ્યવસ્થા ફરજિયાત કરો. વાહ, ઊંઘવાનાં પણ પિરિયડ્સ, ઊંઘવાની પણ રીસેસ. ભૂમધ્ય સમુદ્રનાં રાષ્ટ્રો અને આપણાં પોતીકા સૌરાષ્ટ્રની વામકુક્ષી ફરી એકવાર સારા અર્થમાં ફુલેકે ચઢી છે. કહેવત છે ને કે ખાઇને સૂઇ જવું અને મારીને ભાગી જવું!

00

 

10 ટિપ્પણીઓ

Filed under Uncategorized

10 responses to “ઊંઘને જાદવા કૃષ્ણ ગોવાળિયા……પરેશ પ્ર વ્યાસ

  1. મારા એક મિત્રે ઊંઘ લાવવા માટેનો એક ઉપાય મને બતાવ્યો હતો. એણે કહેલું કે ઊંઘ ના આવતી હોય તો ૧ થી ૧૦૦ ના અંક મનમાં ઉંધા ગણવા માંડો …. ૧૦૦, ૯૯, ૯૮ ….. એમ.
    થોડી વારમાં ઊંઘ આવી જશે. ટ્રાય કરી જોશો .

    • pragnaju

      અમારો અજમાવેલ સફળ ઉપાય છે
      આભાર

    • ઉંઘ ન આવવાથી થતી ચિંતા ઉંઘ ન આવવા કરતાં વધારે હાનિકારક છે !
      ———-
      ઉંઘ ન આવતી હોય તો ૧-૧૦૦ શું – ૧ -૧૦૦૦ ગણીએ તો પણ ના આવે ! એમ છે- એ વાસ્તવિકતા સ્વીકારી લો. આ કોમેન્ટ લખતી વખતનો સમય – રાતના ૧૨-૩૨. ઉંઘ ન આવવાને કારણે ઊઠીને આ પ્રવૃત્તિ !
      હવે સૂવા જઈશ ત્યારે સરસ મઝાની ઉંઘ આવી જશે – ૩-૦૦ વાગ્યા સુધી.
      અને ફરી …. એ જ ટ્રિક .
      સવારના ૫-૦૦ વાગ્યા સુધી મીઠી મઝાની ઉંઘ!
      સવારે કોઈને ખબર પણ ન પડે કે, આ જનાબ માંડ ત્રણ કલાક સુતા છે.
      જમીને દોઢ કલાક મીઠી મઝાની વામકુક્ષી !

      એક દિવસનો ક્વોટા પુરો થઈ ગયો !

      • pragnaju

        તમારી વાત સમજાય છે
        .એક વખત આ અંગે સલાહ લીધી હતી ત્યારે કાંઇક આવી જ સલાહ મળેલી કે,’ તમારું કામ સ્વસ્થતાથી કરી શકો છો તો તે ઉંઘ પુરતી છે!’
        તો કોઇ વાર આવી રમુજ પણ થાય
        मौत का एक दिन मोअय्यन है,
        नींद क्यों रात भर नहीं आती –
        ग़ालिब

  2. મને આ લેખ ગમ્યો, પણ આપણાં વાળું જરા નોનટ્રેડિશનલ છે. અત્યારે ૧૨ઃ૩્૦ મઘ્યરાત્રી છે. બે વાર સૂઈ જવાની નોટિસ મળી છે.
    મને ૨૪ કલાકમાં પાંચ કલાકની પથારીમાંની ઊંઘ પૂરતી છે. મને ખૂબ શાંતિ હોય ત્યાં ઊંઘ નથી આવતી. ટીવી રેડિયા ચાલુ હોય ત્યારે હેડફોન સાથે સારી ઊંઘ આવી જાય. ઘરમાં મહેમાન હોય; વાતો કરતા હોય એટલે એમની હાજરીમાં સરસ ઊંઘ આવી જાય. હું મુવી જોતો નથી; પણ જો જોવા જાઉં તો સહેજે અડધું તો ચૂકી જ જાઉં. કવિ સંમેલન કે સાહિત્યસભા અને મિટિંગોમાંતો ખાસ. મારા જેવા સુખી બીજા કોઈક હશે?

  3. શારીરિક મહેનત કરવી . સાદો પોષ્ટિક ખોરાક ખાવો અને વર્તણુક સરળ રાખવી , આવી વાતો ડાહ્ય લોકો કરે છે . દોઢ ડાહ્યા નહી હો ? પરેશ વ્યાસે સાચું કીધું છે કે ઊંઘને જાદવા આ લેખ મને ગમ્યો છે .

  4. pragnaju

    વાહ પ્રવીણજી
    વિગતે રમુજી લેખ લખશોજી મોટે મોટેથી નસકોરા લેતો હોય તો એવુ સમજવા કે માનવાની જરૂર નથી કે તે ગાઢ નીંદ્રા માણી રહ્યો છે !
    અર્જુનના વાળ ગુચ્છાદાર હતા
    અને
    નિદ્રા ઉપર એનો કાબૂ હતો;
    આથી એને ‘गुडाकेश’ કહ્યો છે.
    મારી ગમતી ચાર પંક્તિઓ
    The wood are lovely dark and deep,
    But I have promises to keep,
    And miles to go before I sleep,
    And miles to go before I sleep…….. Robert Frost

  5. pragnaju

    Navin Banker
    8:34 AM (5 hours ago)

    to me
    ખુબ સરસ લેખ. પણ આ વાંચીને કેતલા જાગશે ?

    Navin Banker (713-818-4239)
    My Blog : navinbanker.gujaratisahityasarita.org
    Ek Anubhuti : Ek Ahesas.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s