ટ્વિટરીય ટીકાટિપ્પણનાં ઑલિમ્પિક્સમાં …/પરેશ પ્ર વ્યાસ

ટ્વિટરીય ટીકાટિપ્પણનાં ઑલિમ્પિક્સમાં …

जब कभी बोलना, वक्त पर बोलना
मुद्दतों सोचना, मुख्तसर बोलना                                                                                                                                                                                  –ताहिर फ़राज़

ટ્વિટર, ફેસબૂક, વોટ્સએપ વગેરે અનેક ઓનલાઇન પ્લેટફોર્મ્સ છે જ્યાં આપણે રોજ વર્ચ્યુઅલી બોલીએ છીએ. ફેસબૂકનાં કેન્દ્રમાં માણસ છે, ટ્વિટરનાં કેન્દ્રમાં તાજી બનેલી કોઇ ઘટના. ફેસબૂક પર આખી ચોપડી લખી શકાય, ટ્વિટર પર 140 શબ્દોની મર્યાદા. હું કવિ હોઉં તો એવું કહું કે ફેસબૂક લીલાવતારી કૃષ્ણ છે તો ટ્વિટર મર્યાદા પુરુષોત્તમ રામ. આજે ટ્વિટરનાં ટીકાટિપ્પણની વાત કરવી છે.

ટ્વિટર માટે વક્ત પર બોલવાનું મહત્વ છે. કાંઇ ઘટના બને, કોઇ પ્રસંગ હોય ત્યારે ટ્વિટ કરીએ તો લેખે લાગે. એટલે વક્ત પર બોલના-ની સલાહનું અક્ષરસ: પાલન થાય છે. ‘મુખ્તસર’ એટલે સંક્ષિપ્તમાં બોલવાનો તો મહિમા છે. પણ ટ્વિટર પર લાંબુ વિચારીને બોલાતું નથી. ‘સ્ટારી નાઇટ્સ’, ‘સોશિયાલિટ્સ ઇવનિંગ’ ચોપડીઓનાં લેખિકા, કોલમિસ્ટ શોભા ડે-એ ટ્વિટ્યું કે ‘ઓલમ્પિક ગયેલી ટીમ ઇન્ડિયાનો ગોલ છે રિઓ જાઓ, સેલ્ફી લો ઔર ખાલી હાથ વાપિસ આઓ. પૈસાની અને અવસરની બરબાદી.’ પણ પછી સાક્ષી મલિકે બ્રોન્ઝ જીત્યો ત્યારે વીરેન્દ્ર સહેવાગે આગવા સેન્સ ઓફ હ્યુમરથી હર્યુંભર્યું ટ્વિટ્યું કે ‘સાક્ષીકે ગલેમેં મેડલ કિતની શોભા દે રહા હૈ!’ અમિતાભે સેહવાગની આ સિક્સરને વધાવી. અનેક નામી અનામી ટ્વિટરાટીઓએ શોભા-અબ-રહેને-દે-નાં સંદેશા દીધા, પણ શોભાબહેને ફરી એક વાર સંવેદનાહીન ટિપ્પણી કરી. શટલર સિંધુને બેડમિંટનમાં ગોલ્ડમેડલ મળે એવી પૂરેપૂરી શક્યતા હતી. પણ ફાઇનલ મેચ રમાઇ તે પહેલાં શોભા ડે અશોભનીય રીતે ટ્વિટી ઊઠ્યા, ‘પી. વી. સિંધુ સિલ્વર પ્રિન્સેસ?’ લો બોલો! ‘ગોલ્ડન પ્રિન્સેસ’ કહીને ઉત્સાહ વધારી શક્યા હોત. પણ…શું શોભા ડે સિંધુનાં હારવાની રાહ જોતા હતા?  ત્યાં તો ગુસ્સે થયેલાં ગાયક અભિજીતે એમને ‘અનસ્ટોપેબલ બેશર્મ બુઢિયા’નો ખિતાબ ટ્વિટ્યો અને એવા શબ્દપ્રયોગથી ચીઢાઇને ફિલ્મી અભિનેત્રી સોનમ કપૂરે અભિજીતને ઢોંગી, દંભી તરીકે ચીતરી નાંખ્યો.

કેન્દ્રિય ખેલ પ્રધાન વિજય ગોયેલ ખેલ ખેલમાં રિઓ પહોંચ્યા, ખેલાડીઓ સાથે સેલ્ફી લીધા અને એને ટ્વિટ્યા પણ ભીંત(ટ્વિટર વૉલ!)  ભૂલ્યા. પોતાના શુભેચ્છા સંદેશમાં સ્ટાર જીમનાસ્ટ દિપા ‘કર્માકર’ને દિપા ‘કર્માનકર’ બનાવી દીધા. કર્મ-કરની જગ્યાએ કર્મ-ન-કર. લો બોલો! પછી દોડવીર દુતી ચંદનો ફોટો મુક્યો ‘ને નીચે દોડવીર શ્રબની નંદાને ‘બેસ્ટ ઓફ લક’ કહ્યા. ભૂલ સમજાઇ એટલે સુધારીને ફરીથી બેસ્ટ-ઓફ- લક કહ્યાં પણ ત્યાં તો દોડ પૂરી ય થઇ ગઇ’તી. બેસ્ટ લક મોડા પડ્યા! સ્ટેન્ડ-અપ કોમેડિયન તન્મય ભટ્ટે કહ્યું કે ભૂલવીર વિજય ગોયેલ હવે પી. વી. સિંધુને બદલે પી. ટી. બિંદુ કે ચિરજીવી પાંડુ  કે પછી તુમ હી દિન ચઢે, તુમ હી દિન ઢલે, તુમ હી હો બંધુ ..@વિજય ગોયેલ લખશે. અને અમને હાસ્યનાં પર્યાય જ્યોતીન્દ્ર દવે અને એમનાં શબ્દો “:…. એ બધા મારી ફોઇનાં કૂતરા છે, તે માંહ્ય માંહ્ય લડ્યા. રામલાલને ગેટ પર લઇ ગયા. પોલિસ એને પગે કરડ્યો. એટલે રામલાલને ઝેર ચઢ્યું અને શંભુલાલ મરી ગયો!” (‘?’ રંગતરંગ ભાગ-1) યાદ આવી ગયા.

6-Recently Updated18 (1)

 

ગિજુભાઇની બાળવાર્તા છે. એક રાજાને ચાર રાણી. બધી તોતડી. રાજાએ ના પાડી કે મહેમાન સામે બોલવું નહીં. મહેમાને રસોઇમાં બનેલી વડીનાં વખાણ કર્યા ‘ને પૂછ્યું કે ‘વડી કોણે તળી?’ પહેલી રાણી રાજી થઇને બોલી પડી, ‘ એ વઇ તો મેં તઇ’. વાર્યા’તા કે બોલવું નહીં છતાં બોલ્યા એટલે બીજીએ પહેલીની ટીકા કરતા કહ્યું, ‘વાયાં’તાં તો બોયાં કેમ?’ ત્યાં તો ત્રીજી બોલી, ‘ એ તો બોયાં તો બોયાં, તમે કેમ બોયાં?’ અને છેલ્લે છેલ્લી બોલી, ‘આપણે તો બોઇએ પણ નઇં ‘ને ચાઇએ પણ નઇં.’

 

0

અબ્રાહમ લિંકન કહી ગયા’તા કે બોલીને મૂર્ખામી છતી કરવા કરતા ચૂપ રહેવું યોગ્ય છે. ભલે લોકો માને કે આને કાંઇ સમજ પડતી નથી. ટીકા કરવાનો અધિકાર એને જ છે જેની પાસે મદદ કરવાની ક્ષમતા છે, તમન્ના છે. ‘સિંધુ’ સંસ્કૃતિનાં આપણે ‘સાક્ષી’ છીએ, કોઇને નાસીપાસ કરવામાં આપણી શોભા  નથી. માટે આપણે તો બોઇએ પણ નઇં અને ચાઇએ પણ નઇં. ઇતિ સિદ્ધમ.  

3 Comments

Filed under Uncategorized

3 responses to “ટ્વિટરીય ટીકાટિપ્પણનાં ઑલિમ્પિક્સમાં …/પરેશ પ્ર વ્યાસ

  1. ફેસબૂક લીલાવતારી કૃષ્ણ છે તો ટ્વિટર મર્યાદા પુરુષોત્તમ રામ.
    બહુ જ યોગ્ય સરખામણી !

    ટ્વિટર ની ૧૪૦ શબ્દોની મર્યાદા ફેસબુકમાં લખવા માટે નડતી નથી.

    ગિજુભાઇની ચાર તોતડી રાણીઓની બાળવાર્તા મારાં સ્વ.માતુશ્રીને મુખે સાંભળી હતી એની યાદ તાજી થઇ ગઈ !

  2. pragnaju

    mahendra thaker
    11:34 PM (22 hours ago)
    to me
    very appropriate twitte sandesh
    thx
    mhthaker
    https://sites.google.com/site/mhthaker/

  3. pragnaju

    himatlal joshi
    5:44 AM (16 hours ago)
    to me
    n bolvu ketlik vkhat bolvu pn pade chhe

    Ataai
    ~sacha hai dost hagiz juta ho nahi sakta
    jal jaega sona firbhi kaalaa ho nahi sakta
    Teachers open door, But you must enter by yourself.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s