ખરીદીનું પાગલપન….પરેશ પ્ર વ્યાસ

%e0%ab%a6
ખરીદીનું પાગલપન….

પાગલ પાગલ ઢૂંઢતું ફરે કોઈ સોનાનું શમણું ! -પ્રજારામ રાવળ
સમાચાર છે કે મધ્યપ્રદેશનાં એક વરિષ્ઠ આઇએએસ અધિકારીનાં પત્નીને ઇન્કમટેક્સ વિભાગે નોટિસ આપી છે. કારણ કે મેડમે ટૂંકા ગાળામાં દસ લાખથી પણ વધારે ખરીદી ઓનલાઇન કરી છે.
તે કરે જ ને. જુઓને, આ ઓનલાઇન ખરીદીમાં કંઇ કેટલાં ડિસ્કાઉન્ટ્સની રમઝટ બોલાઇ રહી છે. કંઇ કેટલી વેબસાઇટ્સ…ઇ કરીને કેટલી એમેઝોન્યું ને ફ્લિપકાર્ટિયું ને સ્નેપડિલ્યું ને.. કાંઇ કેટલું.. આ હા હા હા! ડુંગરે ડુંગરે કાદુડાનાં ડાયરા-ની માફક વેબસાઇટે વેબસાઇટે ખરીદીનાં ડાયરા. રાજીનાં રેડ થઇ જવાય. પણ પછી ડુંગરેથી તારો લપટ્યો ડાબો પગ રે, મકરાણી કાદુ!…અને પછી ઇન્કમટેક્સ આદૂ ખાઇને પાછળ પડી જાય. ઇન્કમટેક્સની રેડ પડે અને પછી દશા રાતીચોળ થઇ જાય. આ ઓનલાઇન ખરીદી, આ ક્રેડિટ-ડેબિટ કાર્ડથી થતી ખરીદીથી સંભાળવું, બાપ!
આપણે એવું માનીએ કે કોને શું ખબર પડવાની છે? પણ આપણાં કમ્પ્યૂટરનાં તાર સીધા ઇન્કમટેક્સ ડિપાર્ટમેન્ટ સાથે જોડાયેલા છે. એને બધી ખબર પડી જાય છે. મોટાભાઇ સઘળું જોઇ રહ્યા છે. જો તમે ખરીદી કરો તો તમારી આવક પણ તો એટલી હોવી જોઇએ. અને આવક હોય તો તેને સપ્રમાણ આવકવેરો તો ભરવો જ જોઇએ. ખાસ કરીને સરકારી અધિકારીઓનાં ઘરવાળાઓએ તો એવું ધ્યાન રાખવું જ જોઇએ. વાડ જ ચીભડાં ગળે તો કેવું લાગે? હેં ને?
સમાચારમાં એવું પણ લખ્યું છે કે આ સરકારી અધિકારીનાં પત્ની ‘દુર્નિવાર ખરીદી મનોવિકાર’(Compulsive Buying Disorder)થી પીડાય છે. એને ‘ઓનિઓમેનિઆ’ પણ કહે છે. ગ્રીકમાં ‘ઓનિઓ’ એટલે ‘વેચવાનું છે’ અને ‘મેનિઆ’નો અર્થ તો આપ જાણો જ છો. પાગલપન.
આ પાગલપણાંની શરૂઆત થાય છે ચડસાચડસીથી. ઉસકી સાડી મેરી સાડીસે સફેદ કૈસે-થી. નેઇબર્સ એન્વી, ઓવ્નર્સ પ્રાઇડ-થી. હું કાંઇ નવું લઉં…. અને આ જાહેરખબરવાળા આપણાં મગજની એલઓસીની પેલે પાર સતત મનોહારી સર્જીકલ સ્ટ્રાઇક કરતા જ રહે છે. આપણે ખરીદી ના કરીએ તો બીજું કરીએ પણ શું? પણ દરેક ખરીદી દુ:ખદાયી નીવડે છે. કારણ કે કાંઇ પણ ખરીદીએ કે ટૂંક સમયમાં એનું નવું વર્ઝન, એનું નવું મોડલ બજારમાં આવી જાય. એટલે નવું ના લ્યો ત્યાં સુધી મનને ચેન ના પડે. ગુસ્સો આવે. તણાવ વધે. દવા શું? તો કે વધારે ખરીદી.. અને.. અલબત્ત થોડી થોડી ખરીદી મનોરોગમાં ખાસ કરીને ઉદાસીની બિમારીમાં કારગર છે એવું મનાય છે. ખરીદી મૂડ લિફ્ટર છે. ખરીદી કરીએ તો સારું લાગે. એવું પણ કહે છે કે ખરીદી મનોચિકિત્સકની ફી કરતા કદાચ સસ્તી ય પડે! ખોટી દવા શા માટે લેવી? હેં ને? પણ પછી ખરીદીની આદત પડી જાય તો એવી આદત આર્થિક રીતે તો બરબાદ કરે જ છે પણ સામાજિક રીતે બદનામ પણ કરે છે. સંબંધો તૂટી જાય. નોકરી ય જાય. શારીરિક તકલીફ થાય તે નફામાં. તો શું કરવું?
દેખાદેખી ત્યાં નહીં પરમેશ્વર. સરખામણી અળખામણી ગણવી. ભૌતિક વસ્તુઓ અને સુખને કોઇ સીધો સંબંધ નથી.જીવન જરૂરી અને જીવન વૈભવી ચીજ વસ્તુઓમાં તફાવત છે. મનોચોકિત્સકની સલાહ અલબત્ત લેવી. વિદેશોમાં એવું કરે છે. મનોચિકિત્સકની સલાહથી ફાયદો થાય પણ એણે પ્રિસ્ક્રાઇબ કરેલી દવાથી ફાયદો થાય કે કેમ? એ વિષે મતમતાંતર છે. મને લાગે છે કે અરુણ જેટલી નામનાં ધનોચિકિત્સક(!)ની દવાથી ફાયદો ચોક્ક્સ થશે. કાળા નાણાંનાં કારોબાર સામે કડક પગલાં આવી રહ્યા છે. દરેક ગંભીર ગુના આજકાલ મોબાઇલ ફોનનાં કોલ રેકર્ડ્સ, ઇન્ટરનેટ રેકર્ડ્સ કે લોકેશનથી ઉકેલાય છે એ જ રીતે ઓનલાઇન ખરીદીનો ગુનો ય હવે છૂપાવવો અઘરો છે. ઓફલાઇનમાં ય હવે પાન કાર્ડ માંગે છે. માટે સુધરી જઇએ. હોલિવૂડ એક્ટર વિલ સ્મિથનાં નામે એક મજેદાર ક્વોટ છે. “આપણે ખરીદીએ છીએ એવા પૈસાથી કે જે આપણી પાસે નથી, ખરીદીએ છીએ એવી ચીજવસ્તુઓ જે આપણે માટે જરૂરી નથી અને ખરીદીએ છીએ એવા લોકો પર વટ પાડવા, જે આપણાં પો0000000તાના નથી.” તો પછી ખરીદીનું પાગલપન શા માટે?

 

%e0%ab%a6%e0%ab%a6

3 Comments

Filed under Uncategorized

3 responses to “ખરીદીનું પાગલપન….પરેશ પ્ર વ્યાસ

  1. pragnaju

    mahendra thaker
    7:38 AM (16 minutes ago)

    to me
    bahuj manovigyanic mahiti sabhar lekh…khas to online craze mate..
    હોલિવૂડ એક્ટર વિલ સ્મિથનાં નામે એક મજેદાર ક્વોટ છે. “આપણે ખરીદીએ

    છીએ એવા પૈસાથી કે જે આપણી પાસે નથી, ખરીદીએ છીએ એવી ચીજવસ્તુઓ જે આપણે માટે જરૂરી નથી અને

    ખરીદીએ છીએ એવા લોકો પર વટ પાડવા, જે આપણાં પોતાના નથી.” તો પછી ખરીદીનું પાગલપન શા માટે?

  2. પરેશ ભૈ
    અહીં કે છાપામાં લખો એનો વાંધો નૈ, પણ ઘેર ના કહેતા અને ચૂપચાપ શ્રીમતિજીના ખરીદવાના કામમાં શોફર -સેવા આપજો.
    આ જણ પણ આપે છે – અને જોડે ચોપડી પણ રાખે છે !

  3. પરેશભાઈએ Compulsive Buying Disorder નું આબાદ ગુજરાતીકરણ કર્યું …..

    ‘દુર્નિવાર ખરીદી મનોવિકાર’ વાહ !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s