સિક્સર અગેઇન્સ્ટ ઓડ્સ…. /પરેશ વ્યાસ

સિક્સર અગેઇન્સ્ટ ઓડ્સ….
દંગલમાં આમિર ખાન એવા પહેલવાનનાં પાત્રમાં છે જેની એક માત્ર ઈચ્છા છે કે એનો દીકરો કુસ્તીમાં ઓલિમ્પિક ગોલ્ડમેડલ જીતે. પોતે જે નથી કરી શક્યો એ એનો દીકરો કરે. પણ એને ત્રણ દીકરીઓ જ છે. દીકરો નથી. “મૈં હંમેશા યે સોચકર રોતા રહા કિ છોરા હોતા તો..દેશકે લિયે કુસ્તીમેં ગોલ્ડમેડલ લાતા, જે બાત મેરી સમઝમેં ના આઇ કી ગોલ્ડ તો ગોલ્ડ હોતા હૈ…છોરા લાયે યા છોરી!” આપને યાદ હશે જ કે રિઓ ઑલિમ્પિક્સ-૨૦૧૬માં શું થયું? ભારતનાં કુસ્તીબાજ છોરાઓ કાંઇ ઉકાળી ના શક્યા. ભારતની છોરી સાક્ષી મલિક કુસ્તીમાં બ્રોંઝ મેડલ જીતી લાવી.
થોડા વખત પહેલાં ટેનિસ સ્ટાર સાનિયા મિર્ઝાની આત્મકથા ‘એઇસ અગેઇન્સ્ટ ઓડ્સ’ પ્રકાશિત થઇ. એઇસ એટલે ટેનિસમાં ખેલાડી સર્વિસ કરે પણ સામેનો ખેલાડી પ્રતિકાર ન કરી શકે ત્યારે મળતો પોઇંટ. અને ઓડ્સ એટલે અસમાનતા, વિષમતા. જાણીતા પત્રકાર રાજદીપ સરદેસાઇ સાનિયાને ટીવી ઇન્ટર્વ્યૂમાં સવાલ પૂછી બેઠાં’તા કે “ક્યારે સેટલ થશો? રીટાયરમેન્ટ, માતૃત્વ, બાળઊછેર વગેરે..તમારી આત્મકથામાં આ બધી વાતો કેમ નથી?” સાનિયાએ સામો સવાલ પૂછ્યો કે “તમે નિરાશ થયા છો? એટલાં માટે કે મેં માતા બનવા કરતા ટેનિસમાં વર્લ્ડ નંબર વન બનવાનું શા માટે પસંદ કર્યું? સ્ત્રી ગમે તેટલાં વિમ્બલ્ડન્સ જીતે, વર્લ્ડ નં.વન બને પણ એ સેટલ થયેલી ત્યારે જ ગણાય જ્યારે એ લગ્ન કરે, માતા બને.” રાજદીપનાં ઓડ સવાલ સામે સાનિયાનો આ એઇસ જવાબ હતો. રાજદીપે માફી માંગી. ઘણાંને લાગશે કે રાજદીપ તો નોર્મલ સવાલ પૂછી રહ્યા હતા. આ તો સાનિયાએ ઓડનું ચોડ કર્યું. આપણી માનસિકતા ક્યારે બદલાશે?
અત્યારે ઇંગ્લેંડમાં આઇસીસી ચેમ્પિયન્સ ટ્રોફી ક્રિકેટ ટૂર્નામેન્ટ ચાલી રહી છે. ઘણાંને થશે કે એ તો પતી ગઇ અને આપણે ફાઇનલમાં પાકિસ્તાન સામે શર્મનાક રીતે હારી પણ ગયા હતા. અત્યારે એનું શું છે? અરે ભાઇ, એ ભાઇઓની ક્રિકેટ હતી, અત્યારે વિમેન્સ ટૂર્નામેન્ટ ચાલી રહી છે. આપણી કેપ્ટન મિથાલી રાજ વન ડે ક્રિકેટમાં સતત સાત ફિફ્ટીઝ રન કરવાનો રેકોર્ડ ધરાવે છે. ઓલ ટાઇમ સેકન્ડ હાઇએસ્ટ રન ગેટર રેકર્ડ પણ એનાં નામે છે. ઇંગ્લેંડ સામેની મેચ જીત્યા બાદ પત્રકાર પરિષદમાં એક ચોખલિયા પત્રકારે પૂછ્યું કે “તમારો પ્રિય પુરુષ ક્રિકેટર કોણ છે?” મિથાલીએ સામો સવાલ કર્યો કે “તમે આવો સવાલ કોઇ પુરુષ ક્રિકેટરને પૂછશો?” પત્રકારને કાંઇ સમજાયું નહીં. એણે ફરીથી એ જ સવાલ અલગ શબ્દોમાં પૂછ્યો. મિથાલીએ ચોખવટ કરી કે “તમે મને પૂછો છો કે મારો પ્રિય પુરુષ ક્રિકેટર કોણ છે? તમારે એમને પૂછવું જોઇએ કે એમની પ્રિય સ્ત્રી ક્રિકેટર કોણ છે?” વાત તો સાચી છે. મિથાલી માથાભારે છે. હોવી જ જોઇએ. ભારતીય ટીમ બધી મેચ જીતી રહી છે. ટ્રોફી પણ જીતી જશે. અને છતાં એ રાજદીપિયા પત્રકારનાં મતે સ્ત્રી ક્રિકેટરની પોતાની જાણે કે કોઇ ઓળખ જ નથી.
વીસ વર્ષની સ્મૃતિ મંધાના આપણી સ્ટાર ઓલરાઉન્ડર છે. વેસ્ટ ઇંડિઝ સામેની મેચમાં સ્મૃતિએ અગિયાર ચોગ્ગા અને બે છગ્ગા સાથે સેન્ચુરી ફટકારી તે પછી બીબીસીનાં પત્રકારે એને એક સિમ્પલ સવાલ પૂછ્યો. “તમને લાગે છે કે ભારત આ ટૂર્નામેન્ટ જીતશે?” જવાબમાં સ્મૃતિએ ફટ કરતા સામો સવાલ પૂછ્યો, “શું? તમને નથી લાગતું?” વ્હોટ અ કોન્ફિડન્સ! એક ક્રિકેટ રસિયાએ ટ્વીટર પર સ્મૃતિને સહેવાગની સ્ત્રી આવૃત્તિ તરીકે નવાજી ત્યારે સહેવાગે એ ક્રિકેટ રસિયાની કોમેન્ટ સુધારતા ટ્વીટ્યું કે “સ્મૃતિ તો પોતાની જ પ્રથમ આવૃતિ છે અને રીઅલી સ્પેશિયલ છે.”
સાહિર લુધિયાનવી ભલે સ્ત્રીઓની સ્થિતિ વિષે ‘બહૂ બેગમ’ ફિલ્મ (૧૯૬૭)નાં ગીતમાં લખી ગયા કે દુનિયા કરે સવાલ તો હમ ક્યા જવાબ દે? પણ આજકાલ આપણી છોરીઓ કાઠું કાઢી ગઇ છે. સવાલ સામે સામો સવાલ કરે છે. માનસશાસ્ત્રમાં એને સોક્રેટિક ક્વેશ્ચન્સ કહે છે. એવા સવાલ જે સામાવાળાને વિચારતા કરી મુકે. ફિલોસોફર લેખિકા આયન રેન્ડનું કથન સાચું પડી રહ્યું છે. સવાલ એ નથી કે કોણ મને આવવા દેશે? સવાલ એ છે કે કોણ મને રોકી શકશે?

Maruti Kotwal

औरत की ताकत

एक रात प्रेसिडेंट ओबामा अपनी पत्नी मिशेल के साथ कैज़ुअल डिनर पर एक होटल गए। होटल मालिक ने सीक्रेट सर्विस कमांडोज़ से मिसेज ओबामा से बात करने की रिक्वेस्ट की। मिशेल होटल मालिक से मिली बात की।

जब लौट कर आईं तो ओबामा ने मिशेल से पुछा कौन है क्या कह रहा था तुमसे बात करने में इतना इंट्रेस्टेड क्यों था। मिशेल ने कहा टीनऎज दौर में वो मुझको पागलों की तरह बेइंतिहां चाहता था l

राष्ट्रपति ओबामा बोले अगर तुम इससे शादी कर लेतीं तो इस खूबसूरत होटल की मालकिन होतीं।

मिसेज ओबामा मिशेल ने बेहतरीन जवाब दिया- बोलीं नहीं अगर मैं इससे शादी कर लेती तब तुम्हारी जगह ये अमेरिका का राष्ट्रपति होता।

और अंत में…

तेरे पास जो है,
उस की क़द्र कर;
यहां आसमां के पास भी,
खुद की जमीं नहीं है….

1 ટીકા

Filed under ઘટના, પ્રકીર્ણ, વાર્તા, સમાચાર

One response to “સિક્સર અગેઇન્સ્ટ ઓડ્સ…. /પરેશ વ્યાસ

  1. સ્ત્રી શક્તિ નો અંદાઝ કાઢી ના શકાય એવો હોય છે.

    ઓબામાં- મિશેલની વાત હિલરી ક્લીન્ટન અને બીલ ક્લીન્ટન ના નામે પણ પ્રચલિત છે.

    અંતની પંક્તિઓ સરસ છે.
    तेरे पास जो है,
    उस की क़द्र कर;
    यहां आसमां के पास भी,
    खुद की जमीं नहीं है….

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s