નવસર્જનને સુપેરે ચલાવવું અઘરું છે સાહેબ../ પરેશ વ્યાસ

अपना काम बनता
भाड़ में जाए जनता
-‘जय हो’ (2014)

‘ભાડમેં જાઓ’ આપણું દેશી તિરસ્કૃત તકિયાકલામ.. ઇંગ્લિશમાં ‘ગો ટૂ હેલ..’ ભારતમાં ભાડ નામનું ગામ છે કે નહીં એ તો ખબર નથી પણ અમેરિકામાં ‘હેલ’ નામનું ગામ જરૂર છે. હેલ એટલે નર્ક, પ્રેતલોક. પાપ કર્યા હોય તો મર્યા બાદ નર્કમાં જવું પડે અને સજા ભોગવવી પડે. અમેરિકામાં જીવતે જીવ ‘હેલ’માં જઇ શકાય છે. મિશિગન રાજ્યમાં કુલ ૨૬૬ માણસોની વસ્તી ધરાવતું હેલ નામનું નગર છે. વર્ષ ૧૮૩૮માં જ્યોર્જ રીવ્સ નામનાં માણસે અહીં પહેલી વાર અનાજની મિલ નાંખી હતી. ખેડૂતો પોતાનું અનાજ એને વેચાતું આપતા. પણ અનાજની કિંમતની જગ્યાએ જ્યોર્જ રીવ્સ ખેડૂતોને ઘરગથ્થું ગાળેલી દેશી વ્હિસ્કી આપતો. વ્હિસ્કી પીને ચકચૂર થયેલાં પોતાનાં પતિદેવને જોઈને પત્ની માથું કુટતી કે આ પાછા હેલ(નર્ક)માં જઈ આવ્યા.બસ, નગરનું નામ જ હેલ પડી ગયું. આજે તો આ નગર સહેલાણીઓ માટે હરવા ફરવાનું સ્થળ બની ગયું છે. નગરની વેબસાઈટ કહે છે કે આખી દુનિયામાં બીજા કોઈ પણ નગર કરતા અમારે ત્યાં જવા માટે સૌથી વધારે વખત કહેવામાં આવે છે. વાત તો સાચી છે. ગો ટૂ હેલ… તો સૌ કોઈ કહે છે. કેટલાંક તો અહીં ખાસ પરણવા આવે છે. ક્યાં પરણ્યાં? તો કહેવાય કે જહન્નમમાં! અહીં સો ડોલર ખર્ચ કરો તો એક દિવસ માટે મેયર પણ બની શકાય છે. અલબત્ત એ જ દિવસે એની પર તહોમતનામું મુકીને એને પદભ્રષ્ટ કરવામાં આવે છે. યૂ-ટ્યુબનાં કોમેડિયન એલીઝા ડેનિયલ હમણાં જ હેલ જઈને એક દિવસનાં મેયર બની આવ્યા. પોતે સમલિંગી એવા ડેનિયલે મેયર બનતા વેંત જ જાહેર કર્યુ કે આજથી હેલ નગરમાં ઉભયલિંગી સંબંધ પર પ્રતિબંધ. પુરુષ અને સ્ત્રી વચ્ચે શારીરિક સંબંધ બાંધવાની મનાઈ. એવા લોકો માટે હેલમાં આવવા પર પણ પ્રતિબંધ. હેલનાં મેયરે જો કે અમેરિકી પ્રેસિડન્ટ ટ્રમ્પને આમંત્રણ પાઠવ્યું કે કુછ દિનનો ગુજારીએ હેલમેં. હજી તો જાહેર જ કર્યું ત્યાં તો રાબેતા મુજબ ઠપકા દરખાસ્ત આવી અને એક દિવસના મેયર એલીઝા ડેનિયલ પદભ્રષ્ટ થયા.
સારું છે ગુજરાતનાં નગરોમાં એક દિવસના મેયર બનવાની વ્યવસ્થા નથી. નહીંતર એમને કેટકેટલી મુશ્કેલી પડત. તૂટેલાં રસ્તા મિડીયા તેમજ સોશિયલ મિડીયા પર છવાયાં હોય અને રોગચાળો માઝા મુકાતો હોય. સ્વાઇન ફ્લુથી રોજ કોઈ ને કોઈ મરે છે છતાં આપણે તહેવારની ઉજવણીમાં પરેજી પાળતા નથી. વરસાદથી લોકો હવે ત્રાસ્યા છે. સરકારને પણ લાગે છે કે આ તો આસમાની સુલતાની છે છતાં અમે બનતું બધું તો કરીએ છીએ. આ રસ્તા જરા તૂટ્યા તેમાં તો પસ્તાળ પડે છે. લોકોને કાંઈ સખ જેવું નથી. પણ સાહેબ, લોકોને સાચે જ સખ નથી. એમને નગર નામે નર્કાગાર ભાસે છે.
અમે ઈચ્છીએ છીએ કે રસ્તાનો ખાડો પૂરાય અને ગરીબના પેટનો ખાડો ય પૂરાય. અકસ્માત થાય તેવી સ્થિતિ જ ન થાય. નોટબંધી અને જીએસટીની આંટીઘૂંટીમાંથી નીકળીને ગરીબ પેટીયું રળે તો ઘણું. મચ્છરજન્ય રોગચાળો તો હતો જ. એમાં ડુક્કરિયા તાવ ઉમેરાયો. એનો ફેલાવો અટકાવવા સભાસરઘસ પર પ્રતિબંધ મુકી શકાય. અને મહાનુભાવોની મુલાકાતો પૂરતી મર્યાદિત સ્વચ્છતા અને આરોગ્ય ઝુંબેશ શું કામ? આવી ઝુંબેશ કાયમ અને સચરાચર હોવી જોઈએ. અમે જાણીએ છીએ કે આ અઘરું છે. કેપિટલ વર્કસ ઉર્ફે નવસર્જન સહેલું છે. પણ એ નવસર્જનને સુપેરે ચલાવવું અઘરું છે. ઓપરેશન એન્ડ મેઇન્ટેનન્સની વ્યવસ્થા ના હોય તો લોકો સરકાર માઈબાપને ઠપકો તો દઈ જ શકે. હેં ને? આજકાલ સરકારી પૈસે સરકારી સિદ્ધિઓની ચૂંટણીલક્ષી જાહેરાતો શરૂ થઇ ગઈ છે. ચૂંટણીને તો હજી વાર છે, સાહેબ!…. અને પછી વિકાસ ગાંડો થયો છે એવી વોટ્સએપી લાગણી વાઈરલ થાય છે. વિકાસ તો છે પણ એનો રોજબરોજનો નિભાવ અને એની મરામત થતી રહે તો સારું. આ કામ સૌથી કપરું છે. થાય તો કરો નહીં તો…. અમે તો ‘હેલ’નાં હેવાયાં છીએ જ. મારી ‘હેલ’ ઉતારો તો જાણું કે રાજ તમે ઊંચક્યો’તો વિકાસને…

What is hell?

Great infrastructure without operation and maintenance of it..

Image may contain: sky, cloud, tree and outdoor

1 ટીકા

Filed under ઘટના, પરેશ વ્યાસ, પ્રકીર્ણ

One response to “નવસર્જનને સુપેરે ચલાવવું અઘરું છે સાહેબ../ પરેશ વ્યાસ

  1. હેંડો લ્યા’ Hell માં જઈએ …. હેલો ગાતા ગાતા જ તો !!!

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s