Daily Archives: જાન્યુઆરી 25, 2021

મા શ્રી અશોકભાઇ અને દિપકભાઇના પ્રેરણાદાયી પત્રો

Ashok Vaishnav <vaishnav_ashok@rocketmail.com>

To

pragnajuvyas@hotmail.com Pragnaben Vyas jjugalkishor Vyas Valibhai MusaRekha Sindhal and 2 more…

09/29/14 at 12:50 AM

માનનીય પ્રમુખશ્રી અને સાથી મિત્રો

ઓક્ટોબર ૨૦૧૪થી ‘ગુજરાતી ડાયસ્પોરા સાહિત્ય’ને હાલના ‘સાહિત્ય’ વિભાગમાંથી અલગ તારવીને શરૂઆત કરવાની સાથે સાથે દેરક વિભાગની કામની વહેંચ્ણી, તેમ જે તેને કારણે પ્રકાશન વ્યવસ્થાતંત્ર પર થતી અસરો સંબંધે અલગ અલગ સમયે અલગ અલગ સથી મિત્રો સાથે વાર્તાલાપ થતો રહ્યો છે.

હું આ બધા વિચારો અને અભિપ્રાયઓને મારા દૃષ્ટિકોણથી સાથે ગોઠવી અને રજૂ કરૂં છું :

૧.સાહિત્ય વિભાગનું વડપણ વલીભાઇ જ સંભાળે. ‘સાહિત્ય’  વિભાગના બદલાયેલા વ્યાપના સંદર્ભમાં તેમને સમિતિમાં જો કોઇ અન્ય સાથીને લેવાની જરૂર જણાતી હોય તો તે નિર્ણય તેઓ લે.

આમ દર રવિવારે બે લેખ ‘સાહિત્ય’ વિભાગમાં ‘ગુજરાતી ડાયસ્પોરા સાહિત્ય’ના દાયરાની બહારના મૂકાશે.

૨. એ જ રીતે ‘ગુજરાતી ડાયસ્પોરા વિભાગ’માં ૫ મી ઓક્ટોબર ૨૦૧૪થી શરૂ કરીને દર રવિવારે એક કૃતિ /લેખ / પૉસ્ટ આપવાની જવાબદારીનું કાર્યક્ષેત્ર રેખાબહેનનું રહેશે. તેઓ પણ આ સમિતિમાં તેમની જરૂરીયાત મુજબ વધારે સભ્યોની પસંદગી સમયાનુસાર કરશે તેવી હાલ પૂરતી મારી સમજણ છે.

૩.જુ. ભાઇએ શ્રી નરહરી ભટ્ટનાં વનસ્પતિશાસ્ત્ર પરનાં બે કાવ્ય-પુસ્તકોને વેગુ પર લાવવા માટે ધ્યાન આપવું જોઇએ. જ્યાં સુધી એ લેખમાળા ચાલે ત્યાં સુધી ‘સાહિત્ય સમિતિ’ દર રવિવારે એક જ લેખ આપવાનો રહે. સાહિત્ય સમિતિ પાસે ઓક્ટોબર ૨૦૧૪માટે પૂરતી સામગ્રી છે માટે વનસ્પતિશાસ્ત્ર પરનાં  કાવ્યોની શ્રેણી નવેમ્બર ૨૦૧૪થી શરૂ કરી શકાય. જુ. ભાઇ સાથે વાત થયા મુજબ તેમની પાસે આ બાબતે બહુ જ નોંધપાત્ર એવા વિવેચન લેખો પણ છે, જેને આપણે ‘સામાન્ય વિભાગ’માં સમય મુજબ સમાવી  શકીએ.

તે ઉપરાંત જુ.ભાઇએ ‘ભાષા વિજ્ઞાન’ પર લેખકો (કે લેખો) વિષે પોતાના પ્રયત્નોને પ્રાથમિકતા આપવી જોઇએ. હાલ આપણે શ્રી અરવિંદ ભાંડારીનો દર મહિને એક લેખ રજૂ કરીએ છીએ. જુ. ભાઇએ દર મહિને એક વધારે લેખ (એટલે કે ભાષા વિજ્ઞાન પર દર મહિને બે લેખ) નિયમિત મળે તેમ કરવું જોઇએ. આ વ્યવસ્થા પણ નવેમ્બર ૨૦૧૪થી લાગુ પાડવી જોઇએ.

શ્રી નાથાલાલ દેવાણીના હસ્તલિખિત સાહિત્ય સંવર્ધનના પ્રયાસને વેગુ પર ઇ-પુસ્તક તરીકેપ્રકાશિત કરવા મટે જુ.ભાઇએ અ.મો.સાથે ગોઠવણ પર ધ્યાન આપવું જોઇએ.

૪. દીપકભાઇ નવાં ક્ષેત્રોના લેખકોની શોધની સાથે જ્યાં તૂટ પડે છે ત્યાં ગણિત કે વિજ્ઞાન કે ન આવરી લેવાતા હોય તેવા અન્ય વિષયો પર જાતે રસોઇ કરીને પણ ટંક સાચવતા જ રહે છે.

૫. મૌલિકા બહેન ‘સ્ત્રીઃશક્તિ-પ્રકૃતિ’ વિભાગનો એક અને ‘બ્લૉગ ભ્રમણ’નો એક એમ દર મહિને બે લેખની કામગીરી તો સંભાળી જ રહ્યાં છે. તેમાં વળી ‘બ્લોગ ભ્રમણ’માં ૧૦૦ બ્લૉગ થાય તે સમયે એક અનોખું ઇ-પુસ્તક કરવાના પ્રસ્તાવનાં સંપાદનની જવાબદારી પણ તેઓ એ હંમશની જેમ હસ્તે મોંઢે સ્વીકારી જ છે. આ કામ આમ કદાચ હજૂ દુર છે તેમ જણાતું હશે, પણ એક અનૂઠાં ઇ-પુસ્તકનું સર્જન આયોજનમાં જ ખાસ્સો સમય માગી લેશે.આ વિષે અલગથી ચર્ચાઓ કરતાં રહીશું.

૬. મારા ભાગે પ્રકાશન વ્યવસ્થાતંત્રની સાથે જોડણી સુધાર માટેના લેખોની વહેંચણીનું સંકલન તેમ જ  ‘મૅનેજમૅન્ટ’ વિભાગ અને ‘ફિલ્મ સંગીતની સફર’ વિભાગ’નાં સંકલનનું કામ છે.

મારા અભિપ્રાય મુજબ વેગુ તેનાં બીજાં વર્ષમાં પ્રવેશે તે પહેલાં આપણે સહુએ આટલાં કામોને સ્વચાલિત સ્તર સુધી પહોંચાડવાને પ્રાથમિકતા આપવી જોઇએ.

વિચારાર્થે સાદર,

અશોક વૈષ્ણવ

…………………………………….

Leave a comment

Filed under Uncategorized