Daily Archives: ફેબ્રુવારી 16, 2021

અભિનેત્રી માલા સિંહા

May be an image of 1 person, hair and standing

સ્ટાર અભિનેત્રી માલા સિંહાવીતેલા વર્ષોના હિન્દી, બંગાળી અને નેપાળી ફિલ્મોના જાણીતા અભિનેત્રી માલા સિંહા ૮૪ વર્ષના થશે. ૧૧ નવેમ્બર, ૧૯૩૬ના રોજ તેમનો કોલકાતામાં જન્મ. તેઓ તેમની પ્રતિભા અને ખુબસુરતી માટે જાણીતા બન્યા અને પચાસથી સિત્તેરના દાયકાના હિન્દી ફિલ્મોના ટોચના અભિનેત્રી બન્યાં હતાં. તેમણે સો જેટલી ફિલ્મોમાં અભિનય કર્યો હતો, જેમાં ‘પ્યાસા’, ‘અનપઢ’, ‘દિલ તેરા દીવાના’, ‘ગુમરાહ’, ‘હિમાલય કી ગોદ મેં’, ‘હરિયાલી ઔર રાસ્તા’, ‘આંખે’ કે ‘મર્યાદા’ની સફળતાને યાદ કરી શકાય. નેપાળી મૂળના પરિવારમાં માલાનો જન્મ થયો હતો. તેમના પિતા આલ્બર્ટ સિંહા નેપાળી ખ્રિસ્તી હતાં. તેમનો જન્મ-ઉછેર કોલકાતામાં થયો અને સિંહા જેવી બંગાળી અટક હોવાને લીધે તેઓ બંગાળી પિતા અને નેપાળી માતાના સંતાન હોવાની ભૂલ ભરેલી માન્યતા છે. માલાનું મૂળ નામ ‘અલ્ડા’ હતું અને તેમની સ્કુલ ફ્રેન્ડ્સ તેમને ‘ડાલ્ડા’ કહીને ખીજવતા. તેથી તેમણે તેમનું નામ બેબી નઝમા રાખીને ફિલ્મ અભિનયની શરૂઆત કરી હતી અને મોટા થઈને માલા સિંહા નામ રાખ્યું. બાળપણમાં તેઓ નૃત્ય અને ગાયન શીખ્યા હતાં. ભલે તેઓ આકાશવાણીના માન્ય ગાયિકા હતાં, પણ માલાજીને ફિલ્મોને માટે ગાવા ન દેવાયા, માત્ર ‘લલકાર’માં તેમણે ગાયું હતું. તો ૧૯૪૭થી ૧૯૭૫ સુધી તેઓ મંચ પર ગાઈને સ્ટેજ શો કરતાં હતાં. બંગાળી ધાર્મિક ફિલ્મોમાં બાળ કલાકાર રૂપે તેમણે શરૂઆત કરી હતી. બંગાળી નિર્દેશક અર્ધેંદુ બોઝે માલાને સ્કૂલના નાટકમાં અભિનય કરતાં જોયાં અને પિતાજીને સમજાવીને ‘રોશનારા’ (૧૯૫૨)માં પહેલીવાર નાયિકા બનાવ્યા હતાં. પછી એક બંગાળી ફિલ્મ માટે તેઓ મુંબઈ ગયાં જ્યાં જાણીતા અભિનેત્રી ગીતા બાલીને મળવાનું થયું. તેમણે માલાનો પરિચય કેદાર શર્મા સાથે કરાવ્યો. જેમણે માલાને ‘રંગીન રાતેં’ના નાયિકા બનાવ્યાં. પ્રદીપ કુમાર સામે ‘બાદશાહ’માં તેઓ પહેલી વાર હિન્દી દર્શકો સામે આવ્યાં. જે નિષ્ફળ ગઈ. પણ કિશોર સાહુની પ્રદીપ કુમાર સામેની ‘હેમલેટ’માં તેમના વખાણ થયાં. પછી બલરાજ સાહની નિર્દેશિત ‘લાલ બત્તી’, સોહરાબ મોદીની ‘નૌશેરવન-એ-આદિલ’, રમેશ સાઈગલની રાજ કપૂર સામેની ‘ફિર સુબહ હોગી’ જેવી ફિલ્મો દ્વારા તેઓ વિવિધ ભૂમિકા કરી શકનાર અભિનેત્રી રૂપે બહાર આવ્યાં. પચાસના દાયકામાં માલા સિંહાને પ્રદીપ કુમાર સામે ‘ફેશન’, ‘ડિટેકટીવ’ કે ‘દુનિયા ના માને’માં સફળતા મળી. ગુરુ દત્ત સાથેની ‘પ્યાસા’ તેમને માટે ટર્નિંગ પોઈન્ટ બની. યશ ચોપ્રા નિર્દેશિત પહેલી ફિલ્મ ‘ધુલ કા ફૂલ’માં તેઓ નાટકીય રીતે સફળ થયાં. સાંઠના દાયકામાં માલા સિંહાની રાજ કપૂર સાથે ‘પરવરિશ’, ‘મૈ નશે મેં હું’, શમ્મી કપૂર સાથે ‘ઉજાલા’, ‘દિલ તેરા દીવાના’ની સફળતા હતી. પછી ‘લવ મેરેજ’, ‘માયા’ની સફળતા આવી. માલા સિંહાની પ્રતિભા જ્યાં ટોચ પર હતી તેવી ફિલ્મોમાં ‘બહુરાની’, ‘ગુમરાહ’, ‘ગેહરા દાગ’, ‘અપને હુએ પરાયે’ કે ‘જહાંનારા’ ‘આંખે’, ‘ગીત’, ‘લલકાર’ કે સંજીવ કુમાર સાથેની ‘ઝીંદગી’ યાદગાર હતી. તેમના સીનીયર એક્ટર્સ રાજ કપૂર, દેવ આનંદ, કિશોર કુમાર, પ્રદીપ કુમાર હોય કે તેમની સામે ઉભરતા શમ્મી કપૂર, રાજેન્દ્ર કુમાર કે રાજ કુમાર હોય, માલા સિંહાની ભૂમિકા તેમના જેવી જ રહેતી. તેમની સામે નવોદિત કલાકારો રૂપે મનોજ કુમાર, ધર્મેન્દ્ર, રાજેશ ખન્ના, સુનીલ દત્ત, જીતેન્દ્ર કે અમિતાભ બચ્ચન આવ્યાં. તેમની સૌથી સફળ ફિલ્મ ‘મર્યાદા’ (૧૯૭૧) રહી. અનેક બંગાળી ફિલ્મોમાં તેઓ ઉત્તમ કુમાર અને કિશોર કુમાર સાથે નાયિકા બન્યાં. ૧૯૭૪ પછી તેમણે માત્ર સારી ભૂમિકાઓ જ કરી, જેમાં ’૩૬ ઘંટે’, ‘ઝીંદગી’, ‘કર્મયોગી’ ‘બાબુ’ આવી. તેમણે એક માત્ર નેપાળી ફિલ્મ મોટા એસ્ટેટ ઓનર સી.પી. લોહાની સાથે કરી. તેમની સાથે લગ્ન કર્યા. પણ માલાજી મુંબઈ જ રહ્યાં, લોહાની સાહેબનો મોટો બિઝનેસ નેપાળમાં રહ્યો. દીકરી પ્રતિભા આવી, જે પણ અભિનેત્રી બન્યાં. લગ્ન પછી પણ માલા સિંહા અભિનય કરતાં રહ્યાં. નેવુંના દાયકા બાદ પતિ સાથે માલા સિંહા મુંબઈમાં બાન્દ્રામાં નિવાસ કરે છે.

Leave a comment

Filed under Uncategorized

પિંક ફ્લોયડનું ગીત ‘મધર’

છ વર્ષ પહેલાં: જયારે નર્મદ સાહિત્ય સભામાં દુનિયાના સૌથી જાણીતા ગીતોમાંના એક ‘ધ મધર’ ને અંગ્રેજી – ગુજરાતીમાં રજુ કર્યું હતું. આ ગીતની કરોડો નકલ વેચાઈ છે. શું છે એ ગીતમાં તે જરૂર માણજો..

· પિંક ફ્લોયડનું ગીત ‘મધર’: પિંક ફ્લોયડ એ લંડનનું અંગ્રેજી બેન્ડ છે. તેમના પ્રગતિશીલ અને ભાવનાશીલ ગીતોથી તેમને આંતરરાષ્ટ્રીય ખ્યાતિ મળી છે. ફિલસુફી ભર્યા કાવ્યો, સોનિક સંગીત અને લાઈવ શો એ તેમના મુખ્ય આકર્ષણ છે. પોપ સંગીતમાં તેઓ સૌથી સફળ બેન્ડમાના એક છે. ૧૯૯૬થી શરુ કરીને આજ સુધી તેમની ૨૫૦ મિલિયન રેકોર્ડ્સ વેચાઈ છે. તેમના સૌથી વિખ્યાત ગીતોમાંનું એક છે; ‘મધર’. નર્મદ સાહિત્ય સભાના વાકબારસના કાવ્ય પઠનના કાર્યક્રમમાં મેં તેની અંગ્રેજી – ગુજરાતી રજૂઆત કરી હતી. ગીત એકદમ સાદું છે, પણ તેની સાદગી જ તેની બ્યુટી છે. તે બતાવે છે કે દુનિયામાં ગમે ત્યાં જુઓ, માં એ માં જ છે.

Leave a comment

Filed under Uncategorized