રોકી શકો તો રોકો ચેલન્જ છે અમારી,
એ આંખ છે ગમે ત્યાં છલકાય પણ ખરી,
એનામાં છે, હજુ છે એ માછલીપણું છે,
પાણી જુએ કે તરત જ પછડાય પણ ખરી.
એવી છે જાળ એની શંકાય પણ મને છે,
કે લ્હેરખી બિચારી અટવાય પણ ખરી.
દરિયાને પ્હાડ સાથે અથડાવતી હવા પણ,
પીંછું ખરી પડે તો મુંઝાય પણ ખરી.
કેવાં એ ધ્યાન દઈને ટહુકાઓ સાંભળે છે !
વૃક્ષોને વાત એની સમજાય પણ ખરી.
મોજાં સમુદ્રના છો સમજો, જરાક સમજો,
રેતીથી બે’ક પગલી સચવાય પણ ખરી.
એ પાંદડાએ ખરતાં ખરતાં કહેલ અમને,
લીલપની ખોટ એને વરતાય પણ ખરી.
નીરવ રવે 