Daily Archives: જૂન 30, 2022

દર્દની એવી નિશાની/યામિની વ્યાસ

દર્દની એવી નિશાની હોય છે

જીવતી જાણે કહાની હોય છે

એ હ્રદય સોંસરવી ઉતરી જાય છે

શબ્દની એવી રવાની હોય છે

રાહ જોતા આંખ થાકી જાય પણ

એ વ્યથા કેવી મજાની હોય છે !

આપણે ઈતિહાસ લખવો કઈ રીતે?

એક સરખી જિંદગાની હોય છે

વ્યર્થ ધરતી પર નહીં શોધ્યા કરો

પ્રેમ એ તો આસમાની હોય છે

અશ્રુઓ પડઘા ભલે પાડ્યા કરે

લાગણી તો છાનીમાની હોય છે

યામિની વ્યાસ

Leave a comment

Filed under Uncategorized