Category Archives: કાવ્ય

રંગહોત્ર…યામિની વ્યાસ

1:09:05

Ranghotra 27 03 18 Part 1

SSJ Surat Shikshan Jagat
187 views
New

રંગહોત્ર

સુરત ના રંગકર્મી ઓ દ્વારા એક અદભુત કાર્યક્રમ થવા જઈ રહ્યો છે.. “વિશ્વ રંગભૂમિ દિવસ” નિમિત્તે સુરત ના તમામ રંગકર્મી ઓ સતત 24 કલાક એટલે કે આજે રાત્રે 12 વાગ્યા થી લઈ ને આવતીકાલે રાત્રે 12 વાગ્યા સુધી સતત નાટક ની ભજવણી કરશે.
વિશ્વ માં કદાચ આ પહેલી ઘટના હશે જ્યાં એક સાથે આટલા બધા કલાકારો ભેગા થઈ ને સતત 24 કલાક નાટક કરવાનો વિક્રમ સર્જશે.
એક સુરતી તરીકે આપ પણ સુરત ના કલાકારો નો ઉત્સાહ વધારવા અચૂક હાજરી આપજો. આખા દિવસ માં માત્ર અર્ધો કલાક નો સમય કાઢી ને આપની હાજરી નોંધાવશો

આભાર.. રંગમંચ નો જય હો…

 

2 ટિપ્પણીઓ

Filed under કાવ્ય, ઘટના, પ્રકીર્ણ, યામિની વ્યાસ

ખૂંદી વળશું રસ્તા રસ્તા/ યામિની વ્યાસ

લોકો મળશે હસતા હસતા
છૂટા પડશે ડસતા ડસતા

કેટલા હીરા પથ્થર નીકળ્યા !
આ જીવનમાં કસતા કસતા

સાવ પરાઈ જાણે થઈ ગઈ
આ વસ્તી પણ વસતા વસતા

યાર !ખજાના પણ મળતા ‘તા
શમણાઓમાં સસ્તા સસ્તા

કયાંક તો એનું ઘર દેખાશે
ખૂંદી વળશું રસ્તા રસ્તા

યામિની વ્યાસ

Leave a comment

Filed under કવિતા, કાવ્ય, યામિની વ્યાસ

Alkanity Mahesh Vora +આલ્કલાઈન ડાયેટ

how alkalinity is important for our health by surendra halgery 31-12-2017 organised by mahesh vora (2)  

how alkalinity is important for our health by surendra halgery 31-12-2017 organised by mahesh vora

સાથે માણો સૌજન્ય મુકુંદ મહેતા
નવી નિર્દોષ સારવાર પદ્ધતિ એસીડ અને આલ્કલાઈન ડાયેટ            

તમને કોઈ વખત કાંઈ ગમતું નથી. નાના મોટા દુખાવા શરીરમાં થાય છે. કોઈવાર ગભરામણ થાય છે. ખોટા વિચારો આવે છે. કોઈ વાર તાવ આવે, વજન વધતું જાય. કોઈવાર એસીડીટી થાય અને કોઈ વાર ચક્કર પણ આવે. ડોક્ટરને બતાવો કે બધી જાતની તપાસ કરાવો ત્યારે બઘું નોર્મલ નીકળે. તમે એ બધી તકલીફો માટે અનેક જાતના અખતરા પણ કરો. થોડો વખત સારું પણ લાગે. વળી પાછા હતા ત્યાંના ત્યાં. તમને એમ પણ થાય કે તમને જ એકલાને આવું કેમ થાય છે. તમે આજે આવી બધી નાની મોટી તકલીફોનું કારણ જાણવા માગો તો જાણી લો કે આમાં તમારા શરીરના ‘પી.એચ.’નો વાંધો છે.
પી.એચ. એટલે શું ?
પી.એચ. એટલે ‘પાવર ઓફ હાઈડ્રોજન’ જે તમારા શરીરની આલ્કલીનીટી અને એસીડીટી માપવા વપરાય છે. પી.એચ.-૭ એ ન્યુટ્રલ (તટસ્થ) કહેવાય. તમે જે ખોરાક ખાઓ છો તેનું પાચન (મેટાબોલીઝમ) થયા પછી જે કચરો (એશ) વધે તેનું પી.એચ. ૭ નીચે હોય તો તે એસીડીટી કહેવાય અને પી.એચ. ૭ ઉપર હોય તો આલ્કલાઈન કહેવાય. જે ખોરાક આપણે ખાઈએ છીએ તેના બે પ્રકાર આ રીતે નક્કી થાય. એક પ્રકાર આલ્કલાઈન ખોરાક અને બીજો પ્રકાર એસીડીક કહેવાય. ડોક્ટરો અને ડાયેટીશીયનો દર્દીને વજન ઓછું કરવા અથવા કોઈ રોગ માટે જે ખોરાક લેવાની સલાહ આપે છે. તે કોઈ વાર પુરેપુરો એસીડીક હોય અથવા પુરેપુરો આલ્કલાઈન હોય જેનાથી શરીરમાં ફાયદો થવાને બદલે નુકસાન થાય. જો એકલો એસીડીક ખોરાક તમે લો તો ‘એસીડોસીસ’ થાય અને એકલો આલ્કલાઈન ખોરાક લો તો ‘આલ્કલોસીસ’ થાય.
પી.એચ.જાણીને ખોરાકનું સાચું બેલેન્સ કેવી રીતે કરવું તે જાણો
કોઈપણ પ્રવાહી એસીડીક હોય કે આલ્કલાઈન હોય. વળી આલ્કલાઈનને પ્રયોગશાળાની ભાષામાં બેઝીક કહેવાય. શરીરમાં રહેલા બધા જ પ્રવાહી જેવા કે લોહી-હોજરીમાંથી નીકળતો એસીડ-પાચકરસો-પેશાબ અને પ્રવાહી તરીકે લેવામાં આવતા પાણી, દૂધ, દાળ, સુપ, ફળના અને શાકભાજીના રસો, સોફ્‌ટ ડ્રીંક, લીંબુનું પાણી, નારંગીનો રસ, નદી અને સમુદ્રનું પાણી બધાને પી.એચ.ના સ્કેલ (માપ) પર માપવામાં આવે તો ૦ થી ૧૪ સુધી ગણાય. ૦ એટલે ખુબ એસીડીક અને ૧૪ એટલે ખુબ આલ્કલાઈન. હોજરીના એસીડનું પી.એચ. ૧ ગણાય. સોફ્‌ટડ્રીંક ૩.૫ ગણાય પાણીનું પી.એચ. ૭ (ન્યુટ્રલ) ગણાય. લોહીનું ૭.૪ ગણાય, દરીયાનું પાણી ૮.૫ અને ખાવાના સોડાના પાણીનું ૧૨ પીએચ ગણાય. આદર્શ ખોરાકનું પી.એચ. ૭.૩૫ થી ૭.૪૫ હોવું જોઈએ. આગળ જણાવ્યું તે પ્રમાણે ખોરાક એસીડ ઉત્પન્ન કરનાર છે કે આલ્કલી તે ખોરાકની શરીર પર શું અસર થાય છે તે જાણીને નક્કી કરવામાં આવે છે એટલે કે પાચન થયા પછી બાકી રહેલ કચરાના પી.એચ.થી નક્કી કરવામાં આવે છે. દા.ત.લીંબુનો રસ કે નારંગીનો રસ એસીડીક (ખાટો) ગણાય પણ શરીરમાં જાય ત્યારે આલ્કલાઈન ‘એશ’ રહે. એસીડ ઉત્પન્ન કરનાર ખોરાક શરીને એક હાઈડ્રોજન ‘આયન’ આપે ેએટલે શરીર વધારે એસીડીક બને જ્યારે આલ્કલી ઉત્પન્ન કરનાર ખોરાક એક હાઈડ્રોજન ‘આયન’ શરીરમાંથી લઈ લે એટલે શરીર વધારે આલ્કલાઈન બને.
આલ્કલાઈન ડાયેટની પૂર્વભૂમિકા જોઈએ
આપણા વડવાઓ અત્યારે આપણે જે ખોરાક ખાઈએ છીએ તેના કરતાં સાવ જુદા પ્રકારનો ખાતા હતા. તે વખતે ‘પ્રોસેસ’ કરેલો બજારમાં મળતો ખોરાક ખાવાનો રિવાજ નહોતો. એ જ રીતે પ્રાણીજ ખોરાક – માછલી, ઈંડા, મીટ, ચીકન પણ બને તેટલા ઓછા પ્રોસેસ કરેલા લેવામાં આવતા હતા. અનાજ આખું ખાવાનો (લોટ ચાળ્યા વગરનો, કઠોળ તેના ફોતરા (કવર) સાથે રીવાજ હતો. દૂધ-ચીઝ વગેરે પણ ખોરાકમાં પ્રમાણસર લેવામાં આવતા હતા. મીઠું અને ખાંડનું પ્રમાણ ખોરાકમાં ઓછું લેવાતું હતું. આ બધા જ ખોરાક જે શરીરમાં જાય ત્યારે એસીડ ઉત્પન્ન કરે. તાજા ફળો અને લીલા શાકભાજી ખાવાનો રીવાજ ઓછો થઈ ગયો. આ પણ એક કારણ છે.
આલ્કલાઈન ડાયેટ શા માટે લેવો જોઈએ
અમેરિકાના ‘નેચરોપથી’ પ્રેક્ટીસ કરનારા ડોક્ટર પાર્વાએ ટોલાએ ‘હાઉ ટુ ગેટ વેલ’ પુસ્તકમાં લખ્યું છે કે જો આજનો ખોરાક જે મુખ્યત્વે એસીડીક છે તે લેવાથી ૧. ખુબ અશક્તિ લાગે, ૨. મોમાં ખુબ લાળ ઉત્પન્ન થાય, ૩. નાક વારેવારે ભરાઈ જાય, ૪. ગળું બેસી જાય, ૫. તાવ આવે, ૬. સુસ્તી લાગે, ૭. વારેવારે શરદી અને ઉધરસ થાય. ૮. માનસિક તનાવ વધે. ૯. ગુસ્સો વધે, ૧૦. ચક્કર આવે. ૧૧. સાંધાનો વા થાય, ૧૨. ફરતો વા થાય, ૧૩. માથું દુખે, ૧૪. કેન્સર થાય, ૧૫. સ્ત્રીઓમાં ઓવરીના સીસ્ટ થાય. આ સિવાય અનેક પ્રકારની તકલીફો પણ થાય નહી માટે જ ડૉ. પાર્વા આલ્કલાઈન ખોરાક લેવાની સલાહ આપે છે. આ સિવાય અમેરિકાના બીજા નેચરોપેથ ડોક્ટરો – ડૉ. મેરી રૂથ અને ડૉ. યોથીહીડા પણ પોતાના દર્દીઓને ખુબ ચરબીવાળો, ખૂબ ખાંડવાળો, ખૂબ તળેલો અને તીખો મરી મસાલાવાળો ખોરાક ખાવાની સલાહ નથી આપતા. આ બધા ખોરાક એસીડીક છે અને તેથી શરીરમાં અનેક પ્રકારના રોગો થાય છે. ખોરાકમાં એક ભાગ એસીડીક અને ચાર ભાગ આલ્કલાઈન હોય તે આદર્શ છે. એમ ડૉ. પાવો જણાવે છે. આ ઉપરાંત જે લોકો કસરત કરતા હોય તેમના શરીરમાં એસીડ વધારે પ્રમાણમાં ઉત્પન્ન થાય માટે આવા લોકોએ વિશેષ કરીને આલ્કલાઈન ખોરાક લેવો જોઈએ.
આલ્કલાઈન ખોરાક લેવા માટેની બીજી નવી માહિતી
૧. ઉંમર લાયક વ્યક્તિઓને પગ દુખવા, નસ ચઢી જવી, પગ ઉપર સોજા આવવા, સાંધા દુખવા, અને થાક લાગવો આ બધા લક્ષણો ઉંમરને કારણે થાય છે તેવું તેઓ માને છે પણ આ વાત બરોબર નથી. તેમનો ખોરાક એસીડીક વધારે છે અને આલ્કલાઈન ઓછો છે.
૨. સમાજના મોટા ભાગની વ્યક્તિઓને આલ્કલાઈન ખોરાકની વાત ખબર જ નથી. ડોક્ટરો આ વિષે જાણે છે પણ તેઓ આ કામ ‘નેચરોપથી’ પ્રેક્ટીસ કરનારાનું છે માટે આ અંગે મોટે ભાગે દર્દીઓને પુરી સમજ આપવાનું ટાળે છે.
૩ દવાની કોઈ પણ સીસ્ટમ હોય (એલોપથી, હોમિયોપથી, આયુર્વેદ) તે દવા ઉપર આધાર રાખે છે જ્યારે આ નવી જાતની પદ્ધતિમાં ફક્ત ખોરાકની એસીડીટી અને આલ્કલીનીટી નક્કી કરીને દર્દીની નાની મોટી તકલીફ દુર કરવાની હોય છે અને આ પદ્ધતિમાં નુકસાન થવાનો કોઈ પણ જાતનો ભય નથી.
૪. મોડર્ન મેડીસીનના પ્રેક્ટીસ કરનારા ડોક્ટરોના જણાવ્યા પ્રમાણે આ નવી જાતની પદ્ધતિમાં હજુ પ્રયોગ કરવાના બાકી છે. સો ટકા વિશ્વાસ થાય એવી વાત નથી.
૫. જો ખોરાક એસીડીક હશે તો તમારું શરીર (આંતરડા) મીનરલ્સ અને વિટામિન અને બીજા પૌષ્ટિક તત્વો એબ્સોર્બ નહી કરી શકે. આની અસરથી ઘસારો થયેલા અંગોના કોષ રીપેર નહીં થાય. અને શરીર દુષીત પદાર્થો બહાર કાઢી નહી શકે અને તેને કેન્સર થવાની શક્યતા વધી જશે.
૬. હવે તમારી પાચન શક્તિ ઓછી થઈ હોય. વજન વધતું હોય, શરીરમાં વારે વારે રોગ થતા હોય તો આ નવી થીયરીનો પ્રયોગ કરવો જોઈએ.
આલ્કલાઈન અને એસીડીક ખોરાકની યાદી
આલ્કલાઈન શાકભાજી
૧. મુળાની ભાજી ૨. બીટ ૩. બ્રોકોલી ૪. કોબીજ ૫. ગાજર ૬. ફલાવર ૭. સેલરી ૮. રીંગણા ૯. લીલાવટાણા ૧૦. લીલા ચણા ૧૧. લીલી ભાજી૧૨. લસણ ૧૩. લેટુસ ૧૪. મશરૂમ ૧૫. ડુંગળી ૧૬. મુળા ૧૭. કોળુ ૧૮. પાલખની ભાજી ૧૯. ઉગાડેલા કઠોળ ૨૦. શક્કરીયા ૨૧. ટમેટા ૨૨. જ્વારા
આલ્કલાઈન પ્રવાહી
૧. એપલ સાઈડર ૨. તાજો ફળનો રસ ૩. તાજો શાકભાજીનો રસ ૪. લસ્સી
આલ્કલાઈન ફળો
૧. સફરજન ૨. જરદાલુ ૩. કેળા ૪. બોર ૫. ટેટી ૬. ચેરી ૭. લીલા નાળીયેર ૮. ખજુર ૯. અંજીર ૧૦. દ્રાક્ષ (લીલી) ૧૧. ફણસ (ગ્રેપ ફ્રુટ) ૧૨. લીંબુ ૧૩. નારંગી ૧૪. તરબુચ ૧૫. પીચ ૧૬. પેર ૧૭. પાઈનેપલ ૧૮. સુકી દ્રાક્ષ ૧૯. રાસ્બરી ૨૦. સ્ટ્રોબેરી ૨૧. લીલી આમલી ૨૨. આંબલા
આલ્કલાઈન પ્રોટીન
૧. બદામ ૨. બાજરી ૩. ટોફૂ
આલ્કલાઈન મસાલા
૧. લીલા મરી ૨. તજ-તમાલપત્ર ૩. આદુ ૪. રાઈ-મેથી
આલ્કલાઈન મિનરલ્સ
૧. કેલશ્યમ પીએચ ૧૨ ૨. મેગ્નેશિયમ પીએચ ૯ ૩. પોટાશ્યમ પીએચ ૧૪ ૪. સોડિયમ પીએચ ૧૪
એસીડીક શાકભાજી
૧. મકાઈ ૨. લીલી તુવેર ૩. ઓલીવ ૪. શંિગોડા
એસીડીક ફળો
૧. જાંબુ ૨. ડબાના ફળો ૩. પ્લમ
એસીડીક અનાજ
૧. જવ ૨. ઓટમીલ ૩. ઘઉંનું થુલુ ૪. મકાઈનો લોટ ૫. ઘઉંનો લોટ ૬. મેંદો ૭. મેંદાની બ્રેડ ૮. નુડલ્સ ૯. ચોખા ૧૦. ચોખાની વાનગી ૧૧. સ્પગેટી ૧૨. ઘઉંના કોટા (વ્હીટ જર્મ) ૧૩. ઘઉં
એસીડીક ડેરી પ્રોડક્ટ
૧. માખણ ૨. ચીઝ ૩. આઈસક્રીમ
એસીડીક કઠોળ
૧. સુકા વટાણા ૨. સુકા ચણા ૩. સુકા વાલ ૪. સુકા રાજમા ૫. સુકા ચોળા ૬. તુવેરની દાળ ૭. સોયાબીન ૮. સોયા મીલ્ક ૯. સુકા મગ
એસીડીક સુકોમેવો
૧. કાજુ ૨. મગફળી ૩. ચિલગોજા ૪. અખરોટ
એસીડીક એનીમલ પ્રોટીન
૧. મીટ ૨. બીફ ૩. માછલી (કોડ) ૪. ચીકન ૫. લોબસ્ટર ૬. ઓઈસ્ટર ૭. ઇંડા ૮. શેલફીશ ૯. શ્રીંમ્પ ૧૦. ટ્યુના માછલી ૧૧. સારડીન માછલી ૧૨. સાલમન માછલી
એસીડીક પ્રવાહી
૧. બીયર ૨. વાઈન ૩. કોકાકોલા ૪. કોફી
એસીડીક દવાઓ
૧. એસ્પીરીન ૨. ઉંઘની દવા ૩. તમાકુ ૪. જંતુનાશક દવાઓ ૫. બધી જ દવાઓ
એસીડીક તેલ અને ચરબી
૧. માખણ ૨. કેનોલા ઓઈલ ૩. મકાઈનું તેલ (કોર્ન ઓઈલ) ૪. અળસીનું તેલ ૫. ઓલીવ ઓઈલ ૬. સેફલાવર ઓઈલ ૭. તલનું તેલ ૮. સનફલાવર ઓઈલ
એસીડીક પ્રોસેસ ફૂડ
૧. કેચઅપ ૨. કોકો ૩. કોફી ૪. સોફટડ્રીંક ૫. વિનેગર ૬. કોર્ન સીરપ ૭. સફેદ ખાંડ ૮. આર્ટીફીશ્યલ સ્વીટનર્સ
આટલું જાણ્યા પછી આલ્કલાઈન (આલ્કલીનાઈઝીંગ) અને એસીડીક (એસીડીફાઈંગ) ખોરાક વિશેની નીચેની સુચનાઓ ઘ્યાન રાખશો.

૧. પરમેશ્વરે વિપુલ પ્રમાણમાં અનાજ, કઠોળ, લીલા શાકભાજી, તાજા ફળો માનવ જાતના અસ્તિત્વને ટકાવી રાખવા આ પૃથ્વી પર આપેલા છે. બને ત્યાં સુધી તે બધાનો ઉપયોગ કુદરતી ફોર્મમાં કરો.
૨. બજારમાં મળતા તૈયાર (પ્રોસેસ્ડ) ખોરાક, ઘણીવાર તળેલા, તીખા, ખાટા, ખારા, મીઠા જંકફૂડ સ્વાદમાં ભાવે પણ તેનો ઉપયોગ મર્યાદિત પ્રમાણમાં કરો.
૩. ઉપરની યાદી જોઈ એક ભાગ એસીડીફાઈંગ અને ચાર ભાગ આલ્કલાઈનાઈઝીંગ ખોરાકનું પ્રમાણ જાળવીને તમારા રોજના ખોરાકનું આયોજન કરશો.
૪. કોઈપણ સામાન્ય શારીરિક તકલીફ માટે જાતે ડોક્ટર બની ધરમાં રાખેલી દવાઓ લેવાની અથવા ડોક્ટરને ત્યાં દોડીને જવાની ટેવ કોઈકવાર જોખમકારક નીકળે નહીં તેનું ઘ્યાન રાખો.
૫. આ નવી પદ્ધતિ નિર્દોષ વૈકલ્પીક સારવાર (ઓલ્ટરનેટીવ થેરેપી) છે. જાતે પ્રયોગ કરી શકશો

Leave a comment

Filed under કાવ્ય, વિજ્ઞાન

ટેરવે ઊગ્યું આકાશ…

16 ટિપ્પણીઓ

Filed under કવિતા, કાવ્ય, ગીત, ઘટના, યામિની વ્યાસ, સમાચાર

વસંત પંચમીના શુભ અવસરે શુભકામનાઓ

આજે વસંત પંચમી. મા  સરસ્વતીની આરાધના કરવાનું પર્વ. આજે આપણે મા શારદાને પ્રાર્થીએ કે અમારા અજ્ઞાનરુપી અંધારા દૂર થાય અને અમારા અંત:કરણમાં જ્ઞાનનો ઉજાસ ફેલાય. બે મહિના હવે વસંત મ્હોરી ઉઠશે તો ચાલો આજે આપણે આપણાં લોક લાડીલા નરેન્દ્ર મોદી કે જેઓ એક સારા કવિએ છે તેમની એક કવિતા  શ્રી પાર્થિવ ગોહીલના સ્વરમાં

Tahuke Vasant – the poem by Shri Modi dedicated to spring – YouTube

Mar 24, 2011 – Uploaded by Narendra Modi

Tahuke Vasant – the poem by Shri Modi dedicated to spring.

અંતમાં આરંભ અને આરંભમાં અંત,
પાનખરનાં હૈયામાં ટહુકે વસંત…

સોળ વર્ષની વય ક્યાંક કોયલને લઈ,
કેસૂડાંનો કોના પર ઉછરે પ્રણય,
ભલે લાગે છે રંક પણ ભીતર શ્રીમંત,
પાનખરનાં હૈયામાં ટહુકે વસંત…

આજે તો વનમાં કોનાં વિવાહ,
એક એક વૃક્ષમાં પ્રગટે દીવા,
આશીર્વાદ આપવા આવે છે સંત,
પાનખરનાં હૈયામાં ટહુકે વસંત…Courtesy

 

 

 

 

 

 

 

 

 

 

 

 

 

 

 

એવી માન્યતા છે કે કામદેવ મદનનો જન્મ પણ આ દિવસે જ થયો હતો. દાંપત્ય જીવન સુખથી વીતે, આ ઉદ્દેશ્યથી લોકો રતિ-મદનની પૂજા અને પ્રાર્થના કરે છે. આ દિવસે નવા ફાલનાં કુંડલ કરીને ઘરના દેવતાઓને અર્પણ કરીને નવાન્ન ભક્ષણ કરે છે

2 ટિપ્પણીઓ

Filed under કાવ્ય, ઘટના

આનંદ અને પતંગનો તહેવાર ઉત્તરાયણ

     

 ઉત્તરાયણ શબ્દ,બે સંસ્કૃત શબ્દ ઉત્તર(ઉત્તર દિશા) અને અયન(તરફની ગતિ) ની સંધિ વડે બનેલ છે. ઉત્તરાયણ (મકરસંક્રાંતિ) એ દિવસ છે જ્યારે સૂર્ય ઉત્તર ગોળાર્ધ તરફ ખસે છે, અને આ ઉનાળો શરૂ થવાનો સંકેત છે. તમામ ઉંમરનાં લોકો હ્રદયમાં ખુશી અનુભવતા, સુંદર વસ્ત્ર પરિધાન કરી અને વહેલી સવારથી પોતાના ઘરની અગાશીઓ પર ચઢી જાય છે.

આ સુંદર દિવસે લાખો લોકો છત અને અગાશીઓ પર ચઢી હર્ષ અને ઉલ્લાસભેર પતંગ ઉડાડવાનો આનંદ માણે છે. આખો દિવસ “કાપ્યો છે!” “એ કાટ્ટા!” “લપેટ લપેટ” જેવી વિવિધ કિકિયારીઓ સાંભળવા મળે છે. આકાશ ઇન્દ્રધનુષની માફક રંગબેરંગી પતંગો વડે છવાઇ જાય છે. ગુજરાતીઓ આ દિવસે તલ સાંકળી (તલ અને ગોળ માંથી બનાવેલી વાનગી) અને ‘ચિકી’ (એક મિઠાઇ) ખુબ ખાય અને ખવડાવે છે.

1 ટીકા

Filed under કાવ્ય, ઘટના, યામિની વ્યાસ, Uncategorized

નાટક ‘પ્રેમનો રંગ ગુલાબી

સુરત : ‘સાહિત્ય સંગમ’ના ઉપક્રમે રંગકર્મીનું સામાજિક કોમેડી નાટક ‘પ્રેમનો રંગ ગુલાબી’ની ખુબ સુંદર રજૂઆત કરવામાં આવી. મૂળ મરાઠીમાં પ્રો. વસંત કનેટકરે લખેલાં આ નાટકનું રૂપાંતર કાન્તિ મડિયાએ કર્યું છે અને તેનું નિર્દેશન નરેશ કાપડીઆનું હતું. આ નાટકમાં ફોરમ પંડ્યા, નિલય હુણ, શ્રદ્ધા ઠક્કર, ચિત્ત કાપડીઆ, યામિની વ્યાસ, મયંક ત્રિવેદી અને નરેશ કાપડીઆ વગેરે કલાકારોએ અભિનય કર્યો હતો.

ploads

1:55:18

‘Prem no Rang Gulabi’ Natak Dt. 21-12-17

પ્રિય શ્રી નરેશભાઇ ,
તમારા ઇ- મૅઇલથી ‘પ્રેમનો રંગ ગુલાબી…’ની યુ ટ્યુબ અંગે જાણ્યું.
 તે શોધી બે વાર માણ્યો.
સ્ટેજ , સંગીત અને મૅક અપ વગર ભજાવેલું નાટકનું   રિહર્સલ જોતા લાહ્યું-આગાઝ અચ્છા હૈ, અંજામ અફલાતુન હોગા…
ગુલાબી અંગે આવેલા વિચાર  વમળ …
હો રાજ મને લાગ્યો કસુંબીનો રંગ
કસુંબી = ગુલાબી ,  નારંગી ઝાંયવાળો રાતો રંગ.લાલ અને સફેદ એક મિશ્રણ આમ તેમને પ્રથમ શાંત અને બીજી અસર આપી, આક્રમકતા અને મનની શુદ્ધતા, જેમ કે લાગણીઓ અને લાગણીઓ જે મોટે ભાગે વિષમ સંપૂર્ણપણે સ્વરૂપ સાથે જોડાયેલું છે. મનોવિજ્ઞાન ગુલાબી આત્મજ્ઞાન અને ભાવનાત્મક આરામ માટે તેઓ વિશ્વાસ આપે છે,  મનોવૈજ્ઞાનિકો, ચોક્કસ અપરિપક્વતા ભરેલું લોકો દ્વારા પસંદ રંગ ગુલાબી કપડાં, અનુસાર. પણ એની વે, ગુલાબી – આ માતાનો કુદરત અમારી આંખો હર્ષ અને રોમેન્ટિક પ્રેમીઓ પલ્સ તરંગ સંતુલિત કરવા માટે રચાયેલ અમને આપ્યો કે સૌથી નાજુક રંગમાં છે. અને તે, કદાચ સૌથી મહત્વની વસ્તુ તેના હેતુ કોઇ પડકાર કરશે નથી પણ સૌથી પ્રતિષ્ઠિત મનોવિશ્લેષક છે.
 મનોવિજ્ઞાન રંગ ગુલાબી હંમેશા રંગ ઉપચાર સૌથી અસરકારક ઘટકો એક તરીકે ગણવામાં આવે છે અને તે લગભગ હંમેશા તે વ્યક્તિ ચીડિયાપણું અને ક્રોધ સાથે સામનો કરવામાં મદદ કરવા માટે બીજું લાગણીઓ ની તીવ્રતા ઘટાડવા, અથવા માટે જરૂરી છે જ્યાં કિસ્સાઓમાં વપરાય છે.
સંસ્કૃતિને લક્ષ્યમાં લો, લાલ રંગ રૉમૅન્સ સખત રીતે સાથે જોડાયેલો છે.
 ‘ એ લાલ રંગ કબ મુઝે છોડેગા?’                                                                                                       ”             બિંદીયા ચમકેગી, ચૂડી ખનકેગી, ગજરા મહેકેગા.”—- ભારતીય સ્ત્રીઓના કપાળમાં લાલ રંગનો ચાંદલો અને હાથમાં પહેરેલી લાલ ચૂડીઓ શું સૂચવે છે? કદી રંગ ગુલાબી ગુલાબફૂલે. બની લ્હેર કરંત જ તેહ ખીલે,. કદી શીળી પ્રભા બની ચન્દ્ર વસે,. બહુ રૂપ અમુપમ પ્રેમ ધરે.
“ચહેરો લાલચોળ થઈ ગયો” કોઈના પ્રેમના કારણે !                                                                                          “ચહેરો શરમનો માર્યો લાલ લાલ થઈ ગયો”                                                                                                       “લાલ લાલ ગાલ” વગેરેપ્રેમનો રંગ લાલ.ખુશીનો રંગ ગુલાબી .લાલ અને ગુલાબી રંગ રોમાન્સ અને પ્રેમનું પ્રતીક છે.
નરસિંહરાવ દિવેટિયા
 કદી રંગ ગુલાબી ગુલાબફૂલે. બની લ્હેર કરંત જ તેહ ખીલે,.
કદી શીળી પ્રભા બની ચન્દ્ર વસે,. બહુ રૂપ અમુપમ પ્રેમ ધરે.
મનમા ગુંજે…
ગુલાબી કેમ કરી જાશો ચાકરી
આભમાં ઝીણી ઝબૂકે વીજળી
ઝીણા ઝરમર વરસે મેહ
ગુલાબી કેમ કરી જાશો ચાકરી
ભીંજાય હાથી ને ભીંજાય ઘોડલાં રે
ભીંજાય હાથીને બેસતલ સૂબો
ગુલાબી કેમ કરી જાશો ચાકરી
ભીંજાય મેડી ને ભીંજાય માળિયાં રે
ભીંજાય મેડીની બેસતલ રાણી
ગુલાબી કેમ કરી જાશો ચાકરી
તમને વહાલી તમારી ચાકરી
અમને વહાલો તમારો જીવ
ગુલાબી નહિ જવા દઉં ચાકરી
તારા પ્રેમ નો રંગ ગુલાબી નહિ પણ જાંબલી છે
મર્યા પછી પણ હું ભૂત અને તુજ માર્રી આંબલી છે
આપણા  શ્રી આસિમ રાંદેરી
કાગળનો એનો રંગ છે ખીલતા ગુલાબ સમ,
જાણે ગુલાબી એના વદનના જવાબ સમ,
રંગીનીઓ છે એમાં ઘણી ફૂલછાબ સમ,
જાણે કે પ્રેમ-કાવ્યોની કોઇ કિતાબ સમ !
.                  જાણું છું એના અક્ષરો વર્ષોના સાથથી,
.                  શિરનામું મારૂ કીધું છે ખુદ એના હાથથી.
 વમળનો અંત લાવું
   અસ્તુ

બીજી યુ ટ્યુબ હોય તોઅ જણાવશો….

Naresh Kapadia <nareshkkapadia@gmail.com>
To:Pragna Vyas
Jan 4 at 10:54 PM

પ્રિય મમ્મી,

ખુબ ખુબ આભાર..
ત્યાર બાદ ૨૩ ડિસેમ્બરે મુંબઈમાં અને ૩૦ ડિસેમ્બરે સૂરતમાં એ નાટક લાઈટ-સેટ-સાઉન્ડ-મેક અપ સાથે ભજવાયું. સૌને ખુબ મઝા પડી.
તમે તો આખા લાલ-ગુલાબી રંગની સફર કરાવી. આભાર.
ઘરમાં બધાંને યાદ. પપ્પાજીને ખાસ.
આપનો,

Leave a comment

Filed under કાવ્ય, ઘટના, પ્રકીર્ણ, યામિની વ્યાસ