Category Archives: સમાચાર

EXTRAÑAS  PLANTAS DE INTERIOR

EXTRAÑAS  PLANTAS  DE  INTERIOR

 
Flores interiores extraterrestres

Flores interiores extraterrestres

Flores interiores extraterrestres

Flores interiores extraterrestres

4. Crassula umbella Una planta hermosa e inusual que la naturaleza ha creado  . 5. Euphorbia obesa (Euphorbia obesa) Una exótica planta verdosa, a menudo se confunde con un cactus, aunque no tiene espinas. 6. Euphorbia “Cabeza de la medusa” (Euphorbia caput-medusae) Una planta venenosa con ramas parecidas a serpientes que se extienden en diferentes direcciones . 7. Platycerium (Platycerium) El helecho  original  con cuernos de venado crece en un árbol o en posición vertical. 8. Euphorbia tirucalli Una planta perenne con tallos sin hojas recibió otro nombre: “árbol de lápiz”.Flores interiores extraterrestres

Flores interiores extraterrestres

Flores interiores extraterrestres

Flores interiores extraterrestres

Flores interiores extraterrestres

9. Haworthia Cooper (Haworthia cooperi) Planta de interior con hojas gruesas y carnosas ,  que almacenan agua durante un largo período de calor y sequía. 10. La limpieza de Morgan (Sedum morganianum) La limpieza de Morgan o la cola de burro con tallos carnosos y colgantes sirven como depósito para el agua en climas áridos. 11. Hierba sacacorchos. Las hojas de una planta inusual fueron creadas por la madre naturaleza. 12. Rare Gentian Urnula (Gentiana urnula) Belleza tibetana con hojas en forma de romboide .
Flores interiores extraterrestres

Flores interiores extraterrestres

Flores interiores extraterrestres

Flores interiores extraterrestres

Leave a comment

Filed under સમાચાર

ओ बाबू एक पैसा दे दे -प्रेम धवन; फिल्म: ‘वचन/ Paresh Vyas is with Yamini Vyas and Kaushik Mehta.

Indian oil was kind enough to reduce the fuel price by 1 paisa. News paper call it ‘Faux Pas’. I pick up the word and tell the story of the word….

ફોપા:
ભૂલમાં મિસ્ટેકથી કાંઈક વધારે

तेरी रोज मनाए दिवाली दिवाली
तू हरदम मौज उड़ाए, कभी ना दु:ख पाए
ओ बाबू एक पैसा दे दे
-प्रेम धवन; फिल्म: ‘वचन’ (1955)

આનંદો. ચૌક પુરાવો. મંગલ ગાઓ. ચૂલ્હે લાપસીનાં આંધણ મેલો કે બળતણનાં ભાવમાં થિયો ઘટાડો રે!
ઇન્ડિયન ઓઈલની નવી ફિલ્મ ‘વચન’ (2018) રીલીઝ થઇ છે. હે મિત્રોન્, જાઓ, લીટરે એક પૈસો ઓછો. મોજ કરો. એક પૈસો? ના, અમને જરાય ઓછું નથી આવી ગયું. પેટ્રોલ ડીઝલનાં ભાવ તો ચંદ્રમા જેવા છે, ક્યારેક વધે તો ક્યારેક ઘટે. ચંદ્રમામાં થતી વધઘટથી દરિયાનાં મોજા આવે ‘ને જાય. ક્યારેક ભરતી તો ક્યારેક ઓટ. અમારી રોજની જિંદગીમાં આમ કાંઈ ખાસ ફેર પડતો નથી. લોકો તો ખોટી બૂમરાણ મચાવે છે. ભક્તજનોને પૂછો. જૂના પેટ્રોલનાં બિલ સોશિયલ મીડિયા પર વાઈરલ થઇ રહ્યાં છે. ભક્ત કટારલેખકોને પૂછો. તેઓ તો વિરોધ પક્ષોને દોષ દઈ રહ્યાં છે. કેરોસીન નહીં સળગાવી શક્યા એટલે પેટ્રોલ સળગાવી રહ્યાં છે, એવું બિંદાસ લખી રહ્યાં છે. પણ સાહેબ, ઇન્ડિયન ઓઈલનાં માંધાતાઓને અમારું નમ્ર નિવેદન છે કે તમે આ પામર પરજાની આમ મજાક તો ના ઉડાવો. પહેલાં કહો કે ‘જાઓ ચાર આના ઘટ્યા’, પછી કહો કે ‘ના, હવે માત્ર એક રાતી પાઈ જ ઘટે છે. આ તો કારકૂની ભૂલ હતી; જે અમે સુધારી છે.’ લો બોલો! કોંગ્રેસે તક ઝડપી અને સરકારની આ રીતે મજાક કરવાની રીતને વખોડી. વિરોધ પક્ષ છે. વિરોધ કરવો એની પવિત્ર ફરજ છે. અમે જો કે નિર્લેપ ભાવે શબ્દસંહિતા માટે શબ્દ ગોતી રહ્યા હતા; જે આ સમાચારનાં મથાળાએ અમને દઈ દીધો. ‘ઇન્ડિયન ઓઈલ ફોપા: પેટ્રોલ ડીઝલ પ્રાઈસ કટ બાય વન પૈસા એન્ડ નોટ સિક્સટી પૈસા.’ અમને જોઈતો શબ્દ મળી ગયો. ઇન્ડિયન ઓઈલ જાય તેલ લેવા, અમે તો ફોપા (Faux Pas) શબ્દની સંહિતા રજૂ કરીશું. તંઈ શું?
ફોપા મૂળ ફ્રેંચ શબ્દ છે. ગુજરાતી લેક્સિકોન અનુસાર એનો અર્થ થાય છે: વર્તનમાં કે રીતભાતમાં ગંભીર ભૂલ, આબરૂને જોખમમાં નાખે એવું કામ, અવિચારી કૃત્ય. સામાન્ય ભૂલને મિસ્ટેક કહેવાય. ગંભીર ભૂલને બ્લન્ડર કહેવાય. ફોપા આમ તો બ્લન્ડરનો જ સમાનાર્થી શબ્દ પણ થોડો ફેર છે. ફોપા સામાન્ય રીતે સામાજિક શરમિંદગી થાય એવી ભૂલ માટે વપરાય. જેમ કે જાહેરમાં અગાડી કે પિછવાડેથી, મોટેથી ઓડકાર કે પાદકાર કરવો ફોપા કહેવાય. જેમ કે કોઈ પાર્ટીમાં કોઈની અણછાજતી ટીકા કરો પછી ખબર પડે કે એનો જમાઈ તો સામે જ ઊભો છે તો એ પણ ફોપા ગણાય. ટૂંકમાં બોથડ સામાજિક ભૂલ ફોપા કહેવાય. સભ્ય સમાજની રીતભાત કે શિષ્ટાચારને છોડીને શરમજનક વર્તણુંક પણ ફોપા કહેવાય. ‘બ્લન્ડર’ શબ્દ સામાન્ય રીતે મંદબુદ્ધિ કે મૂર્ખાઈ ભરેલી ગંભીર ભૂલ માટે વપરાતો હોય છે. એક વાર સાંઇઠ પૈસા ઘટાડવાની જાહેરાત પછી એક પૈસો ઘટાડવાની ચેષ્ટાથી સરકારની આબરૂ ધોવાઈ છે. આ ભૂલ મૂર્ખાઈ ભરેલી ભૂલ કરતાં પણ આબરૂ જોખમમાં નાંખે એવી ભૂલ જરૂર કહી શકાય.
જો કે ફોપા શબ્દ ફેશન શો કે કોઈ સેલેબ્રીટીનાં વસ્ત્રો કે બોલીમાં થયેલી ભૂલ માટે વધારે વપરાય છે. અગાઉ કહ્યું એમ ફોપા ફ્રેંચ શબ્દ છે. ‘ફો’ એટલે ખોટું કે ભૂલ ભરેલું અને ‘પા’ એટલે પગલું. ઇંગ્લિશમાં જેને આપણે ‘ફોલ્સસ્ટેપ’ અથવા ‘મિસસ્ટેપ’ કહી શકીએ. સંયોગની વાત એ છે કે આ ફ્રેંચ શબ્દ ફ્રાંસનાં પ્રેસિડન્ટથી ગયા મહીને થયેલી એક ભૂલનાં સંદર્ભે પણ સમાચારમાં આવ્યો હતો. બન્યું એવું કે ગયા મહિનાની શરૂઆતમાં ફ્રેંચ પ્રેસિડન્ટ ઇમેન્યુઅલ મેક્રોન ઓસ્ટ્રેલિયા ગયા હતા. ઓસ્ટ્રેલિયાનાં પ્રાઈમ મિનિસ્ટર માલ્કમ ટર્નબુલ અને એમની પત્ની લ્યુસીએ એમનું સ્વાગત કર્યુ. આગતાસ્વાગતા, ભાષણબાજી અને દેશોનાં સંબંધો વિકસાવવાની વાતો થઇ. આમ બંને દેશોની ભાષા અલગ. ઓસ્ટ્રેલિયાવાળા ઇંગ્લિશ બોલે અને ફ્રાંસવાળા ફ્રેંચ બોલે. વળતી વેળા અભિવાદન સમારોહમાં ફ્રેંચ પ્રેસિડન્ટે ઇંગ્લિશમાં બોલતા કહ્યું કે “મારી આગતાસ્વાગતા બદલ હું ઓસ્ટ્રેલિયાનાં વડાપ્રધાન અને એની ‘સ્વાદિષ્ટ’ (!) પત્નીનો આભાર માનું છું.” જબરો ગોટો થયો. આઈ મીન, મિત્ર દેશનાં વડાની પત્ની સ્વાદિષ્ટ લાગે એટલે? સ્વાદિષ્ટતા પારખવામાં તો જીભ અને હોંઠ જેવી સ્પર્શેન્દ્રિયની સંડોવણી જરૂરી બને. આવું તે થોડું હોય? અને હોય તો કોઈ જાહેરમાં એવું થોડું બોલે? આ તો જબરો છબરડો થયો. પત્રકારો અને હાજર રહેલાં તમામ જો કે હસી પડ્યા. પણ મીડિયા અને સોશિયલ મીડિયામાં આ ફોપાનાં કારણે દિવસો સુધી ચર્ચાઓ ચાલી. કોમેન્ટ્સ થતી રહી. આવી ગલતીસે મિસ્ટેક થઇ કેવી રીતે થઇ? વાત જાણે એમ છે કે ફ્રેંચ ભાષામાં ‘ડેલિસિઅક્સ’ શબ્દનો અર્થ ‘ડીલાઈટફુલ’ અર્થાંત ઉમંગી કે મોહક થાય છે. પણ ઇંગ્લિશમાં ‘ડેલિસિયસ’ શબ્દનો અર્થ સ્વાદિષ્ટ એવો થાય છે. લોસ્ટ ઇન ટ્રાન્સલેશન, યૂ સી! ભાષાંતરની ભૂલને કારણે ઘણી વાર ફોપા થતું રહે છે. ફોપા જો કે જાણ્યે પણ થાય અને અજાણ્યે પણ થાય. અજાણ્યે થયેલું ફોપા હસી કાઢવું જોઈએ. જાણી જોઇને કરેલું ફોપા અલબત્ત યાદ રાખવું જોઈએ. ફર્ગિવ એન્ડ રીમેમ્બર, યુ સી! રોમાન્સ વાર્તાનાં લેખિકા ફેઇથ બાલ્ડવિન કહેતા કે માફ કરવું પણ… યાદ પણ રાખવું. ભૂલી જઈએ તો એ વાત આંતરમનમાં તો રહે જ. વખત આવ્યે વધારે હેરાન કરે. પણ જો માફી દીધી છે એ યાદ રાખીએ તો મોટું દિલ રાખ્યાની એક સારી લાગણી હંમેશા સાથે રહે. માટે અજાણ્યે થયેલાં ફોપાને માફ કરી, માફ કર્યુ છે એ વાત યાદ રાખી, હસી કાઢી, આગળ ચાલ્યા જવું. સરકાર ભલે આપણું તેલ કાઢે પણ આપણે તો જીવતરનાં ચકરાવામાં તેલ ઊંજતા જ રહેવું જોઈએ. છૂટકા થોડાં હૈ?! હું તો જઈ રહ્યો છું પૈસાનું પેટ્રોલ કરવા. આપ?
શબ્દશેષ :
“મારી પોતાની જાત માટે સમય ન ફાળવી શકવો, એ મારો સૌથી મોટો ફોપા (શિષ્ટાચારની ખામી) છે.” -અમેરિકન ફેશન ડીઝાઈનર ડોના કરેન

 

Leave a comment

Filed under ઘટના, પરેશ વ્યાસ, યામિની વ્યાસ, સમાચાર

ચિ સૌ યામિનીના ૫૯મા વર્ષમા પ્રવેશે…

૫૮મી વર્ષગાંઠ ની અનેકાનેક શુભેચ્છાઓ અને અંતરના આશીસ

અને હેપી રીટાયરમેન્ટ સાથે તેની કેટલીક યાદ…

વેબગુર્જરી-
વર્ષાવૈભવ
ડાઉનલોડ કરો
                          એમા વર્ષાનુભૂતિમા તેના જન્મ સમયનું વર્ણન છે
……………………………………………
….ગયા વર્ષે તેની વર્ષગાંઠે દિવ્યભાસ્કર અને ગુજલીટે આ રીતે અભિનંદન આપ્યા હતા.

એક વર્ષ પહેલા દિવ્યભાસ્કરનો લેખ સજન | Surat Lab Technician Women Yamini Vyas Play Drama And …

https://www.divyabhaskar.co.in › … › Latest News › Surat City

Jun 10, 2017 – સુરતઃ જીવનના રંગમંચ પર સૌ કોઈ પોતાનું પાત્ર ભજવતું હોય છે. ત્યારે 10મી જૂને નવસારીમાં જન્મેલા –મિલીના ઘર તરફ (નાટક) / યામિની વ્યાસ – http://gujlit.com …

Jun 10, 2017 – bId=94 કવિ-લેખક શ્રી #યામિનીબેન_વ્યાસ ( Yamini Vyas )ને #જન્મદિનની અઢળક સુકામનાઓ. GujLit App Web પર તેમનું …

બ્લોગ મિત્રોએ પરીચય સાથે  ઘણી રચનાઓ પ્રસિધ્ધ કરી છે તેમા મા શ્રી સુરેશ જાની,માશ્રી .વિનોદ પટેલ

 અને મા શ્રી પી.કે. દાવડાના બ્લોગ પર માણો…

યામિની વ્યાસ, Yamini Vyas | ગુજરાતી પ્રતિભા પરિચય

https://sureshbjani.wordpress.com/2012/03/07/yamini-vyas/

  1. દીકરીની વેદના ~

    Bhrun htya

    Paresh Vyas

    Paresh Vyas

     ગીતને આંતરરાષ્ટ્રિય કોન્ફરન્સમા મૂકતા પહેલાં કવયિત્રી યામીનીના વડીલ ભાઈ ,જાણીતા કટાર લેખક શ્રી પરેશ વ્યાસએ એનો અંગ્રેજીમાં અનુવાદ પણ કર્યો હતો એ નીચે પ્રસ્તુત છે.

    The sex selective abortion kills five lakhs girls every year in India.

    Death before birth.

    The message is loud and clear. Stop the female foeticide.
    Allow the girl child to come to this world. Not only allow her to come,you should in fact welcome her to your world.

    This is a song of a girl child yet to be born.

    આંગળી પકડીને તારી ચાલવા દે,
    મા ! મને તું આ જગતમાં આવવા દે

    Allow me to walk holding your finger,
    O mother! Allow me to come to this world!

    વંશનું તુજ બીજ તો ફણગાવવા દે,
    ગોરમાની છાબ લીલી વાવવા દે.

    Let your own seed sprout
    Let me sow the green basket of Mother Goddess !

    તું પરીક્ષણ ભૃણનું શાને કરે છે ?
    તારી આકૃતિ ફરી સરજાવવા દે.

    Why you determine the foetal sex?
    Let your own figure emerge again.

    ઢીંગલી, ઝાંઝર ને ચણિયાચોળી મહેંદી,
    બાળપણના રંગ કંઇ છલકાવવા દે.

    Dolls, Anklets, Ghaaghara-choli and Mehndi
    Let the colors of childhood be elated with pride.

    રાખડીની દોર કે ગરબાની તાળી,
    ઝંખનાના દીપ તું પ્રગટાવવા દે.

    Thread of rakhee or clap of garba,
    Let the lamp of your longing be kindled.

    વ્હાલની વેલી થઇ ઝૂલીશ દ્વારે,
    આંગણે સંવેદના મહેકાવવા દે.

    Will swing on your door as creeper you adore!
    Let that sensitivity mingle in your courtyard!

    સાપનો ભારો નથી તુજ અંશ છું હું,
    લાગણીના બંધનો બંધાવવા દે

     am not a hazard; I am your own ingredient!
    Allow me to be tied in the bond of compassion!

    આંગળી પકડીને તારી ચાલવા દે,
    મા ! મને તું આ જગતમાં આવવા દે

    Allow me to walk holding your finger,
    O mother! Allow me to come to this world!

  2. https://youtu.be/soyvAFVBEy4?t=27 વિડીયો સૌજન્ય-શ્રી સુરેશ જાની ,17 ઑગ, 2015 પર પ્રકાશિત .

    કવયિત્રી – યામિની વ્યાસ, ગાયિકા – ગાર્ગી વોરા,સ્વરાંકન – ડો. ભરત પટેલ

    ( 779 ) કવયિત્રી યામિની ગૌરાંગ વ્યાસ….. એમનાં કાવ્યો, ગઝલો … અને પરિચય

યામિની વ્યાસ | વિનોદ વિહાર

Posts about યામિની વ્યાસ written by Vinod R. Patel.

યામિની વ્યાસ-૨ (પી. કે. દાવડા).

…………… કાવ્યો

યામિની વ્યાસ – कविता कोश

kavitakosh.org/kk/યામિની_વ્યા
Translate this page

Dec 26, 2014 – યામિની વ્યાસ ». Script. Devanagari; Roman; Gujarati; Gurmukhi; Bangla; Diacritic Roman; IPA. યામિની વ્યાસ. Yamini vyas.jpg …

Jun 24, 2015 – Uploaded by Janak Naik

નર્મદ સાહિત્ય સભા અને ગુજરાતી સાહિત્ય પરિષદના ઉપક્રમે સુપર મોડેલ અને જેમ્સ બોન્ડની હિરોઈન વારિસ ..

.હાલ પ્રવૃતિમા વ્યસ્ત

17 ટિપ્પણીઓ

Filed under ઘટના, યામિની વ્યાસ, સમાચાર, Uncategorized

ઑલ્ટર ઈગો: ક્યા હૈ તુમ્હારે પાસ? મેરે પાસ મા….મોબાઈલ ફોન હૈ!

· 

ઑલ્ટર ઈગો: ક્યા હૈ તુમ્હારે પાસ? મેરે પાસ મા….મોબાઈલ ફોન હૈ!
मैं ख़्याल हूँ किसी और का, मुझे सोचता कोई और है
सरे-आईना मेरा अक्स है, पसे-आईना कोई और है -सलीम कौसर
અમિતાભભૈયા કહત હૈ કિ ઈ સસૂરા મોબાઈલવા, હમાર ‘ઑલ્ટર ઈગો’ હૂઈ ગવા હૈ. હમાર જાન, હમાર પહચાન બન ગયા હૈ. મતબલ ઉસકા રંગ, રૂપ કઈસા હૈ? એપલ્લવા હૈ, વન પ્લસવા હૈ કિ સેમ્સંગ્વા હૈ? બાત કરનેકે ઇલાવા હમ ઉસસે ક્યા ક્યા પાપડ બેલતે હૈ? ઉસમેં હમ ક્યા કયા છીપાતે હૈ? ક્યા ક્યા દિખાતે હૈ? કૌનસા ઉલ્લૂ સીધા કરતે હૈ? યૂં કહીએ કિ હમ અપને મોબાઈલસે જાને જાતે હૈ, પહેચાને જાતે હૈ… હવે
અમિતાભ બચ્ચન સાયેબે એક ચાઈનીઝ મોબાઈલ કંપનીનાં બ્રાન્ડ એમ્બેસેડર તરીકે બાર દિવસ પહેલાં જાહેરાત કરતાં જાહેરમાં આવું કીધું; પણ બચ્ચન સાહેબ, આ જ વાત ગૂગલના ચીફ એક્ઝીક્યુટીવ એરિક સ્મિથે વર્લ્ડ મોબાઈલ કોંગ્રેસ સંમેલનનાં કી-નોટ લેક્ચરમાં છેક ૨૦૧૦માં કહી હતી. તમે તો એમને ક્રેડિટ આપ્યા વગર એ જ વાત આઠ વર્ષે ફરી વાર કહી. તમે તો કોપી કરી બચ્ચનસાહેબ. તમે તો વિચારની ચોરી કરી. પણ અમને તો શબ્દ મળ્યો અને એ શબ્દ છે, ઑલ્ટર ઈગો (Alter Ego).
ગુજરાતી લેક્સિકોન અનુસાર ‘ઑલ્ટર ઈગો’નો અર્થનો થાય છે દિકડ્ડેજામ મિત્ર, અભિન્ન આત્મા, વૈકલ્પિક અસ્મિતા. આ લ્લે લે, આ તો અર્થ ઓર અઘરો થઇ ગયો! ગુજરાતી ભાષા અઘરી થતી જાય છે, નહીં?! થોડું સરળ કરીએ. ઑલ્ટર ઈગો મૂળ લેટિન શબ્દ છે. ‘ઑલ્ટર’ એટલે વૈકલ્પિક અને ‘ઈગો’ એટલે સ્વયં હું. હું એટલે? હું એટલે એવો હું, જે વિચારી શકે, કર્મ કરી શકે, ફળને ભોગવી શકે. જેને લાગણી હોય, જેને માંગણી હોય. હું, એવો હું જે રોજબરોજ ઈચ્છાઓ પર અસવાર થઈને ઝાંઝવાની શોધ આદરું. એવો હું જે ખોબોક ઝાંઝવા ગટગટાવીને રોજ મારી પ્યાસને ઠારું. પણ આ તો ‘ઈગો’ની વાત થઇ. ‘ઑલ્ટર ઈગો’ એટલે? ઑલ્ટર ઈગો એટલે હું જે દેખાઉં છું, તેનાથી મારું એક અલગ વ્યક્તિત્વ છે એ. ‘અસ્મિતા’ શબ્દનો અર્થ તો આપ જાણો છો. ‘અસ્મિ’ એટલે ‘હું છું’ અને ‘તા’ એટલે ‘પણું’. મારી ચેતના, મારાં પોતાપણાનું ભાન. પણ ઑલ્ટર ઈગો તો અસ્મિતાનો વિકલ્પ. અસ્મિતાથી અલગ. અસ્મિતાનું બીજું સ્વરૂપ. આમ હું જ પણ આમ જુઓ મારું અલગ રૂપ. ઑલ્ટર ઈગો શબ્દ તમે તમારા જીગરજાન ઉર્ફે દિકડ્ડેજામ મિત્ર માટે જ વાપરી શકો. એવો મિત્ર જે જાણે તમારું જ બીજું રૂપ છે. એવો મિત્ર જે તમારાથી જરાય ભિન્ન નથી. એક જાન હૈ હમ જેવો. શરીર અને આત્મા જેવો. ઑલ્ટર ઈગો, એ વ્યક્તિની બીજી ઓળખાણ છે. પ્રાચીન રોમન રાજનીતિજ્ઞ અને ફિલસૂફ સિસેરોએ એનાં મિત્ર અને સલાહકાર એટીકસને ઉદ્દેશીને લખ્યું હતું કે ‘તું તો મારો જ બીજો ભાઈ છે, ઑલ્ટર ઈગો છે, હું તને મારી સઘળી વાતો કહી શકું.’ સિસેરોએ અલબત્ત હકારાત્મક અર્થમાં કહ્યું હતું પણ આજે ઑલ્ટર ઈગો નકારાત્મક અર્થમાં પણ વપરાય છે. આ માણસ છે ને એ સાલી અઘરી આઇટેમ છે. હોય કંઈક ‘ને દેખાઈ કંઈક. એ સારી ય હોય અને નઠારી ય હોય. સાહિત્ય સર્જન કરતાં લેખક જ્યારે પોતાની વાર્તાનાં પાત્રમાં એવાં તો ઓતપ્રોત થઇ જાય કે એનાં પોતાનાં વિચાર, વાણી અને વર્તન એ પાત્રમાં માત્ર ઝલકાઈ જ નહીં કે છલકાઈ પણ જાય. અને ત્યારે એ પાત્ર લેખકનો ઑલ્ટર ઈગો કહેવાય. ચાર્લ્સ એસ. સુલ્ત્ઝની કોમિક સ્ટ્રિપ ‘પીનટ્સ’નું પાત્ર ચાર્લી બ્રાઉન અથવા આપણાં ઓલ ટાઈમ ગ્રેટ કાર્ટૂનિસ્ટ આર. કે. લક્ષ્મણનાં ‘યૂ સેઇડ ઈટ’નાં પાત્ર કોમન મેન યાદ છે? આ બંને પાત્રો જાણે કે આપણી જ છબી. ધે આર બોર્ન લૂઝર્સ. હારે, સતત હારે પણ હિંમત ન હારે. આ બંને પાત્રો જાણે આપણાં સૌનાં ઑલ્ટર ઈગો છે. ૧૯૪૭માં પાણીપતમાં જન્મેલા હાલ પાકિસ્તાનનાં શાયર સલીમ કૌસર સાહેબ એટલે જ તો કહે છે કે અરીસાની સામે તો મારું પ્રતિબિંબ છે પણ અરીસાની પાછળ કોઈ બીજું છે. અને એ જે કોઈ બીજું છે, એને ઑલ્ટર ઈગો કહે છે.
એરિક સ્મિથ અને અમિતાભ બચ્ચનનાં મતે મોબાઈલ ફોન આપણો ઑલ્ટર ઈગો ઉર્ફે અભિન્ન આત્મા છે. એ સારો છે કે નરસો છે, એ તો પછીની વાત છે. એ ડો. જેકિલ છે કે મિ. હાઈડ છે એ તો પછીની વાત છે. એ હીરો છે કે વિલન છે એ તો પછીની વાત છે. આજકાલ તો ફિલ્મમાં હીરો કોણ છે? અને વિલન કોણ છે?- એ જ ખબર પડતી નથી. લોકો કહે છે મોબાઈલ ફોનની આદત સારી નથી. એનાથી માનવી માનવી વચ્ચેનાં સંબંધોની ઘાણી થઇ જાય છે. પણ હું મારાં મોબાઈલ ફોનને શી રીતે છોડું? એ મારો જ તો હિસ્સો છે. મારો ઑલ્ટર ઈગો. મારો લંગોટિયો યાર. આઈ મીન, લંગોટની જેમ જ શરીર સાથે કસોકસ ચોંટી રહેલી કોઈ ચીજ હોય તો એ છે મારો મોબાઈલ ફોન. મારાં આંતરવસ્ત્રોની માફક એ મારી નગ્નતાને ઢાંકે છે, મારો ઢાંકોઢૂમો કરે છે. એ ન હોય તો હું લથડી જાઉં. એ ન હોય તો હું લબડી જાઉં. એ ન હોય તો હું બબડી જાઉં પણ મારું સાંભળે કોણ? એટલે જ સરે-આઈના મેરા અક્સ હૈ, પસે-આઈના મેરા મોબાઈલ ફોન હૈ. મારા પ્રિય શાયર દુષ્યંત કુમારનાં શબ્દોમાં કહું તો એક આદત-સી બન ગઈ હૈ તું, ઔર આદત કભી નહીં જાતી!
શબ્દશેષ:
ધ અલ્ટિમેટ ઑલ્ટર ઈગો: “મારી કબરમાં મને મારા મોબાઈલ ફોન ભેગી દફનાવજો. જસ્ટ ઇન કેસ, હું મરી ન હોઉં તો…!” –બ્રિટિશ એક્ટ્રેસ, સિંગર અને ટીવી પ્રેઝન્ટર એમન્ડા હોલ્ડન

 

Image may contain: 2 people, people smiling, people standing

Leave a comment

Filed under ઘટના, પરેશ વ્યાસ, સમાચાર

નવાં  નવાં સરસ ઇલેક્ટ્રોનિક્સ ઉપકરણો 

, Divine International <diansacademy@gmail.com> wrote:

નવાં  નવાં સરસ ઇલેક્ટ્રોનિક્સ ઉપકરણો 
            જે તમારી જિંદગી ખુશહાલ બનાવી દેશે 
              250 ડોલરનો શાર્પર ઇમેજ વોટરપ્રુફ એકશન ટચસ્ક્રીન કેમેરો માત્ર ખુબસુરત રંગીન ફોટા જ નહીં પાડે પણ મ્યુઝીક પ્લેયર બનીને સુમધુર સંગીતની સરવાણી રેલાવીને મ્યુઝીક થેરાપીથી સારવાર પણ કરશે .

34 ડોલરનું આ ટચુકડુ ડિવાઇસ એન્થ્રોપોલોજી સોલર પોર્ટેબલ ચાર્જર તમારા સ્માર્ટફોન અથવા ટેબ્લેટને બે કલાકનો વધારાનો પાવર પણ આપશેઃ 

199 ડોલરનો જાદુઈ મોલેસ્કીન રાઇટિંગ સેટ પર્સનલ નોટ પર જે કઁઇ લખશો તે તમારા સેલફોનમાં પહોંચી જશે પછી જયારે પણ વાંચવું હોય ત્યારે વાંચી શકશો,જેથી તમારે યાદ રાખવું નહીં પડે.

40 ડોલરનું આ જોબી ગ્રીપ ટાઈટ વન ગોરીલા પોડ સેલફોન સ્ટેન્ડ મજબૂત સ્ટીલનું બનેલું છે,તેને કોઈપણ જગાએ ફિક્સ કરી પરફેક્ટ શોટ લઈ શકશો.

358 ડોલરની બ્લ્યૂ સ્માર્ટ  પ્રવાસી સૂટકેસ જેમ્સ બોન્ડની કારની જેમ પોર્ટેબલ ઇલેક્ટ્રોનિક ડિવાઇસ પણ બની શકે છે. તે તમારા તમામ ઇલેક્ટ્રોનિક્સ ઉપકરણો રિચાર્જ કરી શકે છે તથા પાવરફુલ લોકેશન ટ્રૅકર GPS and 3 G પણ બની જાય છે.
130 ડોલરનું એચપી સ્પ્રોકેટ પોર્ટેબલ ફોટો પ્રિન્ટર એપ દ્વારા એપલ આઈ ફોન કે એન્ડ્રોઇડ સ્માર્ટફોનમાં જોડાઈ શકે છે અને ઝીરો ઇન્ક ફોટો પેપરમાં પ્રિન્ટ કાઢશે જેથી હાથ પણ ગંદા નહીં થાય.

120 ડોલરનું આ આઈ મસાજર આખો દિવસ કોમ્પ્યુટર પર કામ કરનારાઓની આંખોની માલિશ કરશે.તેનું નામ Breo iSee360 Eye Massager છે.

                       તમને જે પસંદ હોય તે મને જણાવશો તો હું ઇન્ડિયા આવું ત્યારે લેતો આવીશ.

—– ડો. હરીશ પટેલ ( ૐ રૂપમ ) USA .

1 ટીકા

Filed under વિજ્ઞાન, સમાચાર

કાઇનેસ્થેટિક એમ્પેથી: નૃત્યાનુભૂતિની વાત/પરેશ વ્યાસ

watch    Martha Graham IN PERFORMANCE – YouTube
Jun 20, 2014 – Uploaded by Martha Graham

Martha Graham … Top comments … Oh after Graham, Cunningham, Paul Taylor and few more.., Modern dance …

કાઇનેસ્થેટિક એમ્પેથી: નૃત્યાનુભૂતિની વાત

આપને યાદ કરાવી દઉં. ‘એમ્પેથી’ શબ્દ વિષે અમે લખી ચૂક્યા છીએ. યાદ છે સોનુ નિગમનો એ વિડીયો જેમાં સોનુ અંધ ભિખારીનાં સ્વાંગમાં મુંબઈની ફૂટપાથ પર ગીત ગાય છે. લોકોને ખબર નથી કે આ મશહૂર ગાયક સોનુ નિગમ પોતે છે. એને જોઇને કેટલાંક ઇનડિફરન્ટ વર્તે છે. એવા છે જેમને કોઈ પડી નથી. પણ કેટલાંકને સિમ્પથી છે. સિમ્પથી એટલે સહાનુભૂતિ. અને કેટલાંક એવાં છે જેમને એમ્પેથી છે. એમ્પેથી એટલે સિમ્પથીથી કાંઈક વધારે. સામાવાળાની પીડા ખુદ પોતે જાતે અનુભવવી તે. પણ આજે તાજેતરમાં રીલીઝ થયેલાં એક વિવાદિત વાઈરલ વિડીયો પરથી મળેલાં મજેદાર શબ્દ કાઈનેસ્થેટિક એમ્પેથી (Kinesthetic Empathy)ની વાત કરવી છે.
વિડીયોનું નામ છે ‘ધીસ ઈઝ અમેરિકા’. એનાં મુખ્ય કલાકાર ડોનાલ્ડ ગ્લોવર એનાં ઓનસ્ક્રીન કેરેક્ટર ચિલ્ડીસ ગમ્બિનો તરીકે ગાઈ રહ્યાં છે, નાચી રહ્યાં છે અને સાથે સાથે સાંપ્રત અમેરિકાની સ્થિતિ બખૂબી બયાન કરી રહ્યાં છે. ગમ્બિનો અશ્વેત છે. એની છાતી ઉઘાડી છે. એક ખૂબ મોટી વખારમાં આખું ગીત વિડીયોગ્રાફ થયેલું છે. ધીસ ઈઝ અમેરિકા રેપ સોંગ છે. તમે એને ગાયેલું નહીં પણ બોલાયેલું ગીત કહી શકો. શબ્દો છે ધીઝ ઈઝ અમેરિકા, ડોન્ટ કેચ યૂ સ્લિપિંગ અપ, લૂક વ્હોટ આઈ વ્હીપિંગ અપ. એટલે કે ભૂલમાં ય ભૂલ કરતા નહીં. જુઓ હું તમને જાગ્રત કરી રહ્યો છું, ઉશ્કેરી રહ્યો છું. પછી ગમ્બિનો નાચતો જાય છે, ગાતો જાય છે, પાછળ બેકગ્રાઉન્ડમાં ક્યારેક સ્કૂલ યુનિફોર્મ પહેરેલાં અશ્વેત વિદ્યાર્થીઓ છે તો ક્યારેક અશ્વેત ધર્મગુરુઓ. અને પછી પોતે બંદૂક લઈને બેધડક અને બિંદાસ ગોળીબાર કરીને અનેક લોકોને મારતો જાય છે. અને પછી જાણે કાંઈ થયું જ નથી એ રીતે ફરીથી ડાન્સ કરતો જાય છે. આ વિડીયોનાં વાયોલન્સની ટીકા થઇ રહી છે. તો એનાં બચાવમાં ઘણાં લોકો એવું પણ કહે છે કે આવું જ છે ભાઈ… કારણ કે અમેરિકામાં લાગણી નાં લપેડામાં આવ્યા વિના અનેક નિર્દોષોને ભડાકે દેવાની ઘટના તો બનતી જ રહે છે. આ આખો વિડીયો ડાન્સ સાથે ગન વાયોલન્સથી ખીચોખીચ ભરેલો છે. શ્વેત પોલિસનાં અશ્વેત લોકો પરનો જુલમ પણ દર્શાવાયો છે. શું ડાન્સની અસર કાંઈ અનોખી છે? અને અમને શબ્દ મળે છે કાઈનેસ્થેટિક એમ્પેથી.
કાઈનેસ્થેટિકમાં બે શબ્દો છે. એક છે કાઈનેઇન (Kinein) અને બીજો શબ્દ ઈસ્થેસિસ (aisthesis). ગ્રીક મૂળનો ઇંગ્લિશ શબ્દ ‘કાઈનેઇન’ એટલે હલવું, ગતિમાં આવવું. એનાં પરથી આવેલો શબ્દ ‘કાઈનેટિક’ એટલે ગતિજન્ય. એ જ રીતે ‘ઈસ્થેસિસ’ એટલે સંવેદન ક્ષમતા અથવા ભાવના બોધ. એનો વિરોધાર્થી શબ્દ ‘એન્સેથેસિયા’ આપણે જાણીએ છીએ. શીશી સુંઘાડવી કે બેભાન કરવા વપરાતું રસાયણ. એનાથી સંવેદન બિલકુલ જતું રહે અને પછી ડોક્ટર વાઢકાપ કરી શકે. ટૂંકમાં કાઈનેસ્થેટિક એટલે શરીરની, શરીરની માંસપેશીની, માંસપેશીનાં જોડાણની ગતિ કે હલનચલનની સંવેદના. ‘એમ્પેથી’ તો અગાઉ કહ્યું એમ, પરકાયા પ્રવેશ. અન્યને જે લાગણી થાય છે, જે સંવેદના થાય છે એ પોતે અનુભવવી અને એ પ્રમાણે વર્તવું તે. જ્યારે આપણે કોઈને સન્મુખ સાંભળીએ છીએ ત્યારે આપણે માત્ર એનો અવાજ જ નથી સાંભળતા પણ એની શારીરિક હેરફેરને પણ અનુભવીએ છીએ. એટલે નરેન્દ્ર મોદી પોતાનાં હાથ આડાટેડા કરે કે રાહુલ ગાંધી વારેવારે બાંયું ચઢાવે, એ હલનચલનને પણ મનમાં ને મનમાં આપણે પ્રોસેસ કરીએ છીએ. એને પણ સમજીએ છીએ. આપણા પર એની પણ અસર થાય છે. ડાન્સ એક એવું ફોર્મ છે કે જેમાં શરીરની વિવિધ કલાત્મક હલનચલન હોય છે. જાણીતા ડાન્સ ક્રિટિક જ્હોન માર્ટિન લખે છે કે પ્રેક્ષકો ઉપર ડાન્સની અસર ચેપી હોય છે. એટલે બહારથી લાગે કે પ્રેક્ષકો પોતાની ખુરશીમાં સ્થિર બેસીને માત્ર ડાન્સ પરફોર્મન્સ જોઈ જ રહ્યા છે પણ અંદરથી એમની એક એક માંસપેશી એ ડાન્સની સાથે તદ્રુપ થઇ જતી હોય છે. મન પછી નાચે છે, મોર બની થનગાટ કરે છે. ૧૯૯૦નાં દાયકામાં થયેલી રીસર્ચ મનનાં મિરર ન્યુરોનની વાત કહે છે. મન માંકડું છે. નકલચી બંદર જેવું. કાંઈ જુએ તો એની નકલ કરે. એક ડાન્સરનાં પરફોર્મન્સ મારફત કાઈનેસ્થેટિક એમ્પેથી એ જ રીતે આપણે અનુભવીએ છીએ. એની પીડા, એની વેદના આપણે અનુભવી શકીએ છીએ. ટૂંકમાં કહેવાનું એ કે કોઈ પોતાની વાત નૃત્યનાં માધ્યમથી કહે તો એની અસર સૌથી વધારે અને સચોટ થાય છે.
કહે છે કે બોલાયેલાં શબ્દો સાથે ગવાયેલા શબ્દો હોય તો એની અસર વધારે પડે છે. બાપૂઓ કથા કરે ત્યારે ગીત, સંગીત કે ધૂન એમનો સાથ પૂરે છે. આ માત્ર ખાલી જગ્યા પૂરવાની ચેષ્ટા નથી. ગીત સંગીતથી ભક્તજનો ગુરુઓની સંવેદના સ્વયં અનુભવે છે. એની સાથે જો નૃત્ય હોય તો સુગંધમાં સોનું ભળે. પછી તો ભક્તજનો એમનાં સ્થાપિત ગુરુ સાથે એકાકાર થઇ જાય. એવા ગરુઓની શારીરિક ચેષ્ટા ભક્તજનોનાં મન ઉપર સ્થપાઈ જાય. પછી ગુરુ નાચે એટલે ભક્ત પણ અંદરખાને તાતાથૈયા કરે જ. એની અસર સૌથી વધારે પડે છે. ભક્તો આસાભૂત, સોરી, વશીભૂત થઈ જાય છે. અમને તો નવાઈ લાગે છે. શા માટે આપણા રાજકીય નેતાઓ જાહેર ચૂંટણી સભામાં નૃત્ય નથી કરતાં? તેઓ જો નાચવા લાગે તો લોકો ગોપીભાવથી તેમને પૂર્ણતઃ વશ થઇ જ જાય. પછી મત મતાંતરની કોઈ ગુંજાઈશ ક્યાં રહે? પછી તો તેઓ ઈચ્છો તે જ બટન લોકો દબાવે. ઈવીએમ ગોટાળા જેવું કાંઈ નથી સાહેબ, આ તો કાઈનેસ્થેટિક એમ્પેથીની અસર છે. જસ્ટ જોકિંગ યાર!
સોશિયલ મીડિયામાં પણ વિડીયો મારફત વાત કહેવાય છે. એની અસર ગાઢ છે. બનાસકાંઠાનાં શિક્ષક રોહિત પટેલ પોતાની શાળાનાં બાળકોને અભિનય ગીતથી સમાજશાસ્ત્ર ભણાવે છે. એની અસર એ થઇ છે કે બાળકો શાળામાં આવીને રડતાં નથી. વિદ્યાર્થીઓ સંખ્યા પણ ૨૦૦માંથી વધીને ૩૭૬ થઇ ગઈ છે. આ કાઈનેસ્થેટિક એમ્પેથી છે. નૃત્યથી પરકાયા પ્રવેશ સુગમ બને છે. આદિકવિ નરસિંહ મહેતા કહી ગયા છે કે મેહુલો ગાજે ને માધવ નાચે. અને માધવ નાચે ત્યારે આખી દુનિયા નાચે છે. આ કાઈનેસ્થેટિક એમ્પેથી છે. આ નૃત્યાનુભૂતિ છે. આ નૃત્ય સંવેદના છે. માટે વાત કહેવી હોય તો નાચગાનથી કહો..
શબ્દ શેષ:
“નૃત્ય એ આત્માની છૂપી ભાષા છે.” –મહાન ડાન્સર, કોરિયોગ્રાફર માર્થા ગ્રેહામ (૧૮૯૪-૧૯૯૧)

4 ટિપ્પણીઓ

Filed under ઘટના, પરેશ વ્યાસ, સમાચાર

હવે નથી…

જાણીતા સાહિત્યકાર, ચિંતક નાનુભાઇ નાયકનું અવસાન
— સામાન્ય ખેડુત પરિવારમાંથી આવેલા નાનુબાપાએ 92 વર્ષની લાંબી ઇનિંગ રમીને સુરતને સાહિત્યથી તરબોળ કર્યું હતુ
— તાજેતરમાં જ તેમના પુસ્તક મારા સપનાનું વિશ્વને વિનોબા ભાવે એવોર્ડ પ્રદાન થયો હતો.
સુરત જ નહીં ગુજરાતી સાહિત્ય જગતમાં નાનુબાપા તરીકે જાણીતા અને જેમને લોકો નગરપાબા તરીકે પણ ઓળખતા હતા તેવા પ્રખર સાહિત્યકાર નાનુભાઇ નાયકનું સુરતમાં 92 વર્ષની વયે ગુરુવારે બપોરે અવસાન થયું છે. ઓલપાડ તાલુકાના ભાંડુત ગામમાં સાવ સામાન્ય ખેડુત પરિવારમાંથી સુરત આવેલા નાનુભાઇનું સુરતના અને ગુજરાતી સાહિત્યમાં નોંધપાત્ર યોગદાન રહ્યું છે. તેમના પુસ્તક મારા સપનાનું વિશ્વને તેમની 10 મેા દિવસે વર્ષગાંઠના દિવસે જ વિનોબા ભાવે એવોર્ડ એનાયત થયો ત્યારે નાદુરસ્ત તબિયત હોવા છતા તેઓ હાજર રહ્યા હતા.
સુરતમાં ગુજરાતી સાહિત્ય માટે જાણીતા એવા સાહિત્ય સંગમના પ્રણેતા નાનુભાઇ નાયક 92 વર્ષની લાંબી ઇનિંગ રમીને ગુરુવારે ફાની દુનિયા છોડી ગયા છે. તેમણે પત્રકારત્વ અને સાહિત્યમાં અઢળક લેખો લખ્યા છે. સેંકડો પુ્સ્તકો તેમણે ગુજરાતી સાહિત્યને આપ્યા છે. તેમના સાહિત્યની સફરમાં તેમણે સાહિત્ય સંગમ જેવું વિશાળ વટવૃક્ષ આપ્યું છે.
મહાત્મા ગાંધીના ઉત્તમ વિચારોથી પ્રભાવિત નાનુભાઇએ 695 પાનાનું મારા સપનાનું વિશ્વ પુસ્તક લખ્યું હતું. તેનો અંગ્રેજી અને મરાઠી ભાષામાં પણ અનુવાદ થયો છે.નાનુભાઇની વિદાયને કારણે સુરતના સાહિત્ય જગતમાં ન પુરાઇ તેવી ખોટ પડી છે.પરમ કૃપાળુ પરમાત્મા સદગતના પવિત્ર આત્માને શાંતી અર્પે તથા પરિવારને આ દુઃખ સહેવાની હિંમત આપે એવી પ્રાર્થના ..!
એક વાર તેઓશ્રી એ જ મને કહેલુ કે, ”જીવન એક સરિતા છે, તેના પ્રવાહને જુદાજુદા સ્વરૂપો, જુદીજુદી અવસ્થાઓ અને મર્યાદાઓ હોઈ શકે પરંતુ, ગતિશીલતા એ તેનો ધર્મ છે.. જીવનના કોઈ તબ્બકે સ્વજનોથી હજારો માઈલ દૂર જવું પડે, છતાં એ નજીક જ લાગે છે… જુઓ, ઋણાનુંબંધી પ્રેમને કોઈ અંતર નથી જ .. એટલે જ એ અલૌકિક કહેવાય છે ને? ”
અત્યારે આ શબ્દો યાદ આવે છે ને અશ્રુઓ વહી જાય છે.. તેઓ અનંત યાત્રાએ નીકળી ગયા પરંતુ ૠણાનુબંધ અમર રાખતા ગયા. એમના પવિત્ર વ્યક્તિત્વની મહેંક કાયમ પ્રસરેલી રહેશે…એમની આપેલી શિક્ષા અને સંસ્કાર એ જ તો અમારા જીવનની મુડી છે.. ! ગુરુ-શિષ્યાનું આ ઋણાનુબંધ સદાય અમર રહેશે..!
એમના આત્માની સદગતિ માટે પ્રાર્થના સહ આ ભજન ..!હે નાથ જોડી હાથ
હે નાથ જોડી હાથ પાયે પ્રેમથી સહુ લાગીએ
શરણું મળે સાચું તમારું એહ હૃદયથી માંગીએ
જે જીવ આવ્યો આપ પાસે શરણમાં અપનાવજો
પરમાત્મા એ આત્માને શાંતિ સાચી આપજો

વળી કર્મનાં યોગે કરી જે કુળમાં એ અવતરે
ત્યાં પૂર્ણ પ્રેમે ઓ પ્રભુજી આપની ભક્તિ કરે
લક્ષ ચોરાશી બંધનોને લક્ષમાં લઈ કાપજો
પરમાત્મા એ આત્માને શાંતિ સાચી આપજો

સુસંપત્તિ, સુવિચાર ને સતકર્મનો દઈ વારસો
જન્મો જનમ સતસંગથી કિરતાર પાર ઉતારજો
આ લોક ને પરલોકમાં તવ પ્રેમ રગરગ વ્યાપજો
પરમાત્મા એ આત્માને શાંતિ સાચી આપજો

મળે મોક્ષ કે સુખ સ્વર્ગના આશા ઉરે એવી નથી
દ્યો દેહ દુર્લભ માનવીનો ભજન કરવા ભાવથી
સાચું બતાવી રૂપ શ્રી પ્રભુજી હૃદયે તમ સ્થાપજો
પરમાત્મા એ આત્માને શાંતિ સાચી આપજો

રચનાઃ શ્રી મોટા

8 ટિપ્પણીઓ

Filed under પ્રકીર્ણ, સમાચાર, Uncategorized