November 15, 2009
કડકડતી ઠંડીમા થનગનતા છેલ
ઠંડા પવનના સૂસવાટે તાપણામા
હૂંફાળી લાગણી રેડો
ઊગતા સૂરજના સોનેરી ઠાઠમાં ફેલાતી તાજગીને શોધો
ફૂટતા કિરણ સંગ વહી ગયેલી રાતનો ઘેરાતો સન્નાટો તોડો
પાંપણ પર બાઝેલી સુસ્તી હડસેલી
ભીના ઝાંકળના ખેતને ખેડો
કડકડતી ઠંડીમા થનગનતા છેલ
પંખીની સંગ સંગ જાગેલી કળીઓનો
ખીલવાનો કલરવ અનોખો
ડાળીનો,કૂંપળનો સંભળાતો સાદ
ક્યાંક ટહૂકામા વેરાતો રોકો
હેમંત શિશિરની થીજવતો લહેરખીમા
રણઝણતી મોસમને તેડૉ
કડકડતી ઠંડીમા થનગનતા છેલ
November 14, 2009
આજે સ્વપ્નદ્રષ્ટા અને શાંતિદૂત પંડિત જવાહરલાલ નહેરુનો જન્મદિન છે
જે બાળદિન તરીકે ઉજવવાય છે ચાલો આપણે આધુનિક જાણકારીથી ઊજવીએ
ડૉ.ફાલ્ગુની બાવીશી —
સ્ત્રીના ગર્ભાશયની બહાર લેબોલેટરીમાં પુરુષ-સ્ત્રી બીજનું ફલીનીકરણ કત્રિમ રીતે કરવામાં આવતી પદ્ધતિ એટલે કે, આઈ.વી.એફ. બાદ એકજ સ્ત્રી બીજ અને એકજ પુરુષ બીજનું અત્યાધુનિક પદ્ધતિ કે જેમાં પુરુષ બીજને અત્યંત વિશિષ્ટ રીતે અને ઘનિષ્ટ ટ્રેનીંગ લીધેલા ભ્રણ વિશેષજ્ઞને દ્વારા સ્ત્રી બીજના કોષરસમાં વિશેષ પ્રકારના સાધનોની મદદથી પ્રવેશ કરાવી ફલન કરાવીને ગર્ભ બનાવવામાં આવે છે.નિઃસંતાન દંપતીઓ માટે આજે આઈ.વી.એફ.તરીકે જાણીતી તબીબી સારવાર ઉપલબ્ધ છે. પરંતુ આવા પ્રસગોની આપણે ત્યાં નવાઈનથી. કુદરતમાં સરોગેટ મધરની નવાઈ નથી. પ્રસુતિ પછી વાઘણ કે સિંહણ મરી ગઇ અને એનાં નવજાત બચ્ચાંને કોઈ કૂતરી ધવરાવે છે!!
જેમાં પતિ-પિત્નના બીજથી પેદા થતાં ગર્ભની ગુણવત્તા તેમજ ફલનની ક્ષમતા જાણી શકાય છે. મહિલાના ગર્ભાશયમાં ફેલોપીયન નળી ન હોય કે પછી બન્ને નળી બંધ હોય અથવાતો બધુજ બરાબર હોવા છતાં બાળક ન થતું હોઈ તેવા સંજોગોમાં ગર્ભને ગર્ભાશયમાં નિશ્ચિત સ્થાન ઉપર સ્થાપિત કરી શકાય છે તે આઈ.વી.એફ.નો મુખ્ય ફાયદો છે.ત્યારે ટેસ્ટ ટયુબ બેબીમાં આ ટેકનોલોજી આશિર્વાદ રૂપ હોય છે. આ પદ્ધતિમાં થીજાવેલા શુક્રાણુંથી પણ ગર્ભ ઉત્પન્ન કરી શકાય છે.
વાંઝીયામેણાં રે માડી ‘ોહ્યલાં’. રાં’લમાના લોકગીતની આ પંક્તિઓમાં નારીની પુત્રઝંખના પ્રગટ થતી જોવા મળે છે.તેના પ્રતીકરૂપે કુંભારને ત્યાંથી કાચી માટીનો બનાવેલો ઘોડો ઘેર લઈ આવે છે. કોઈકને અસહ્ય લાગે તો આપઘાત કરે છે.હવેના જમાનામાં આવા મેણા ટાળવાનું સરળ બન્યું છે.
ડૉ.ફાલ્ગુની જેવા નિષ્ણાતને લીધે.ભાલપ્રદેશના કોઠ-ગાંગડ ગામે તેનું બાળપણ અમે પણ માણ્યું છે…અને આ સિધ્ધીના શિખરે પહોંચી છે ત્યારે જે જતનથી પારકા ગર્ભને ઉછેરે છે -ધ્રુસ્કે ચઢેલને આનંદિત કરે છે તે જોઈ અમે પ્રસન્ન થઈએ —-‘ખોળાનો ખૂંદનાર દેને રન્નાદે’ તેમ બોલવાને બદલે મહિલા ડોકટર ફાલ્ગુની‘ પૂજા થાય છે. .સાથે તેઓ સલાહ પણ આપે છે કે– વાયગ્રા પણ જે ન કરી શકે તે કામ અતિ અતિ અતિ બહાલ કરનારી પ્રેમિકા કે પ્રેમાળ પત્ની કરી શકે છે. વઢકણી વહુ હોય તો વાયગ્રા તો નકામી જાય છે પણ માટી નબળો થઈ જાય છે.
૧૯૭૮માં પ્રથમ ટેસ્ટ ટયૂબ બેબી પેદા થઈ (વીર્યદાનથી કૃત્રિમ ગર્ભાધાન) તે ટેસ્ટ ટયૂબ બેબી તો સામાન્ય વાત થઈ પડી છે અને આજે તો વર્ષે રૂ. ૨૦૦ કરોડનો ધંધો છે. ૩૦ વર્ષમાં તો ટેસ્ટ ટયૂબ બેબીએ આપણા રન્નાદેને ભૂલવી દીધો છે. !
Promoter Doctor- Dr. Falguni Bavishi Studied at B.J. Medical college and Civil hospital, Ahmedabad , India . Trained at various centers in India and Abroad. Presented research paper at various state, national and international conferences. She obtained extensive training in embryology work at Diamond Institute USA , which stimulated her to excel in the field of embryology. In continuation with her clinical work she focused on embryology. She herself does all embryology work with excellent expertise. She does all critical embryology work i.e.. Oocyte pickup, Intra Cytoplasmic Sperm Injection – ICSI (even the most difficult ICSI i.e. 100 % non motile, very poor quality sperm etc) Embryo biopsy for PGD, Blastocyst culture, Cryopreservations etc.. With rich experience she now heads the team of embryologists at Bavishi Fertility Institute. She constantly looks after the quality of lab work done, lab maintenance schedules, training and performance of lab staff and finally the success rate of different ART procedures. She is also expert in trouble shooting in lab. She brings all pioneering technologies to lab. ART lab work is the key to success in ART. Dr Falguni’s dedication to lab from grass root levels has helped Bavishi Fertility Institute give ART results comparable to world standards.
November 13, 2009
LIFETIME relationships teach you lifetime lessons,
things you must build upon in order to have a solid emotional
foundation.
Your job is to accept the lesson, 
love the person and put what you have learned to use in all othe
relationships and areas of your life.
It is said that love is blind but friendship is clairvoyant.
Thank you for being a part of my life,
whether you were a reason, a season or a lifetime
November 12, 2009
એક દિવસ
સોસાયટીનાં સૌએ ભેગાં થઇ
વીજળીના તારને નડતો લીમડો
કાપી નાખ્યો.
તે રાતે
વગડાનાં બધાં ઝાડ
મારી પથારીમાં આવ્યાં હતાં!
મારું એકે મૂળ રાતું થયેલું ન જોતાં
એ બિચારા પાછા વળી ગયાં……
હું ઘણીવાર
ઊંઘમાંથી ઝબકી જાઉં છું,
બારણામાં ઝાડનાં પગલાં સંભળાય છે.
મારામાં મૂળ નાખવા માંડ્યું છે આ ઝાડ!
હું ફરી પાછો ફણગી જઇશ એવી બીક લાગે છે!
આજે
બીજું ઝાડ કપાયું છે આ વાસમાં
રાત્રે કોઇ બારણું ખખડાવે
તો કહેજોઃ
એ અહીં સૂતો જ નથી.
મારા હાથે
વૃક્ષ કાપવાનો અપરાધ થયો છે
પછી મેં ઘણાંય છોડ રોપી જોયા
પણ કૂંપળ ફૂટતી નથી.
દલપત પઢિયાર
November 11, 2009
મહીસાગર નદી, નદીકાંઠે આવેલું કહાનવાડી ગામ, ગામના નામનો પણ જેમને ખૂબ મોહ છે અને અઠ્ઠાવન વર્ષે પણ ગામાની માયા મેલી નથી એવા કવિ અને પૂર્વ અધિક માહિતી નિયામક દલપત પઢિયાર ગામડાની માયા અને શહેરના મોહ વિશે વાત કરતાં જણાવે છે, ‘હિસાબ કરવા બેસું તો આયુષ્યનો મોટો હિસ્સો એટલે કે ૪૦-૪૨ વર્ષ શહેરમાં ગાળ્યાં. ગામડું તો માત્ર ૧૬ વર્ષ જીવ્યો, તેમ છતાં આજે પણ મારું ગામ મને વધારે પ્રિય છે. ગામ પ્રત્યેનો લગાવ યથાવત્ છે. શહેર હજી તેના પર કબજો મેળવી શક્યું નથી. મારાં પોતાનાં ખેતરો મહીસાગરના આરે છે. આજ કરતાં એ વખતનું ગામડું ઘણું સાચું અને અબોટ હતું
સાવ જ તારી કને…
તું સમજે જે દૂર, તે સાવ જ તારી કને,
ફૂલ અને ફોરમને કેવું એક ઉતારે બને!
બની શકે તો સ્થિર ઊભેલા ઝાડ સામું જો,
આખેઆખા લીલાછમ ઉઘાડ સામું જો,
નાભિ જેવું નગર વસાવી, મૃગ ભટકે વનેવને…
કાં નીકળી જા બા’ર સદંતર, કાં ઊતરી જા અંદર,
જળને ઝાંપે ઝૂલે સમંદર, નહીં બેટ નહીં બારું બંદર,
નદી કુંડીમાં ના’વા તરી, દરિયો ઊભે પને…
મળવું એ જ હો મનસૂબો તો નકશા નાખ ધરામાં,
સૂરજ વાવમાં પાણી ગાળે, ચાંદો રમે ચરામાં,
સરખું ઊતરે સામૈયું તો રજની રેલે દને…
મન ગોઠે ત્યાં મેલ દીવો, બીજી રીતો રહેવા દે,
જળ, પવન અને અજવાળાને એની રીતે વહેવા દે,
ઘડા માંયલી આકુળ વેળા, ગગન થવા થનગને…
દલપત પઢિયાર પાસે પોતીકો અવાજ છે
November 10, 2009
સફર
રોજિંદી ઘટમાળમાંથી
ચેઈન્જ મેળવવા,
સંબંધ સાચવવા,
જાણકારી મેળવવા,
જ્ઞાન વધારવા,
કે પછી સંશોધન કરવા
આપણે નીકળી પડીએ છીએ
ઐતિહાસિક,ભૌગોલીક,વૈજ્ઞાનિક,આધ્યાત્મિક
શૈક્ષણિક કે સામાજિક સફરે
અઢળક પૈસા ખરચીને
જમીન,દરિયાઈ કે હવાઈ માર્ગે
ગામ-શહેર,દેશ-વિદેશ,પર્વત,ટાપુ કે
ચંદ્ર પર સુધ્ધાં
વળતાં–
લઈ આવીએ છીએ પ્રતીકાત્મક સોગાત
એનાથી સજાવીએ છીએ ઘરને કે ખુદને…
તો ચાલોને એકવાર
મનની સફરે ઉપડી જઈએ
સાવજ મફત
સંવેદનાનાં માર્ગે
વળતાં-
વીણતા આવીએ આમતેમ પડેલા
સપનાઓને…આપણાં કે બીજાનાં
પછી એને સજાવીએ તો ?
આજે સ્વપ્નદ્રષ્ટા અને શાંતિદૂત પંડિત જવાહરલાલ નહેરુનો જન્મદિન છે
મહીસાગર નદી, નદીકાંઠે આવેલું કહાનવાડી ગામ, ગામના નામનો પણ જેમને ખૂબ મોહ છે અને અઠ્ઠાવન વર્ષે પણ ગામાની માયા મેલી નથી એવા કવિ અને પૂર્વ અધિક માહિતી નિયામક દલપત પઢિયાર ગામડાની માયા અને શહેરના મોહ વિશે વાત કરતાં જણાવે છે, ‘હિસાબ કરવા બેસું તો આયુષ્યનો મોટો હિસ્સો એટલે કે ૪૦-૪૨ વર્ષ શહેરમાં ગાળ્યાં. ગામડું તો માત્ર ૧૬ વર્ષ જીવ્યો, તેમ છતાં આજે પણ મારું ગામ મને વધારે પ્રિય છે. ગામ પ્રત્યેનો લગાવ યથાવત્ છે. શહેર હજી તેના પર કબજો મેળવી શક્યું નથી. મારાં પોતાનાં ખેતરો મહીસાગરના આરે છે. આજ કરતાં એ વખતનું ગામડું ઘણું સાચું અને અબોટ હતું
